Actualmente na Ateliers '89 ta den full swing e summercamp dicta pa e Artista Amerikana; Nia Halima y e Artista Arubana; Jess wolf yama FIGURES AND DOLLS. Ya ta pa tres siman caba e alumnonan di Ateleirs '89 ta trahando den full swing pa realisa e obranan cu nan ta preparando pa e exposicion di  e resulatadonan di dicho workshop.

E exposicion aki lo tuma lugar ariba 5 di September proximo na Ateleirs '89 mespa 5or di atardi, den e espacionan di exposicion di CE - LA y lo encera tambe un solo exposicion di e Artista Amerikana Nia Halima. Nia Halima dunando les y alabes ta trahando su obranan nobo, ta cu su man na cabes, ya cu falta solamente un siman pa bai, pa apertura di e exposicion aki. E obranan di Nia ta traha na man cu hangua y hilo y ta refleha hopi bez su estado emocional y su impresion di nos dushi isla Aruba. Tur hende ta keda cordialmente invita pa pasa mira e exposicion aki  ya cu esaki ta e ultimo exposicion y esun di despedida di Nia, prome cu e regresa su pais natal.

Tambe ariba potret nos por mira participantenan di e summercamp di Jufr. Chaya y Jufr. Juliette bishitanmdo e salanan di exposicion cu obranan di participantenan na e workshop pasa dicta pa Sandra Derks, PINTURA y Irina Birger, PELICULA ANIMA, e exposicion yama ARTAPART.

Ariba  epotert nos ta mira e muchanan pintando bou guia di e Maestro Elvis Lopez y den fondo e jufrounan ta mira dunando nan goed keuring.

Tur esaki lo no ta posibel sin e cooperacion di e siguiente instancianan; Prins Bernhard Cultuur Fonds Nederlandse Antillen en Aruba, Fundacion Eterno, SWBE T.V., Mondriaan Stichting, Fonds van Beeldende Kunsten Vormgeving en Bouwkunst, Stichting Doen, Gobierno di Aruba.   

Comments (0) >>

Show/Hide comments

Write comment

Show/Hide comment form

Name

Email

Comment

Add Comment