Banda di e American Burger bar tin Sciuè Sciuè. unda doño Fabrizio Battaglia ta sirbi pasapalonan Neapolitano tradicional, cuminda chikito cu ta autenticamente Italiano, pizzanan traha fresco, y platonan special di pasta cu tambe a caba di wordo prepara. Sciuè Sciuè ta garantisa conveniencia sin cu e ta sacrifica calidad, sabor, of e berdadero toke Italiano.

Pa bo pasaboca tin Churromania, un frankicia Latino Americano ultra-popular, sirbiendo e churronan Spaño fresco, cayente y dushi, cualnan ta iresistibel, cubri cu un variedad di treat superbo, of mas abou, na e piso principal di e mall, tin Mimo’s ice cream, ofreciendo tesoronan di fruta tropical cu hunto ta forma delicioso pasabocanan frieu.

Mientras cu tres restaurant ta cushinando di 2 p.m. pa 10 p.m., trabou na Bon Chicken, Beef’es, e Chubby Panda y Aladdin Shoarma Express ta sigui na full speed, segun informacion di e gerente di tenant relations Indra Stamper, kende ta extende un invitacion na hendenan local y bishitantenan pa purba e cuminda special na Palm Beach Plaza, mientras cu nan ta haciendo compras.
Bon Chicken lo sirbi un seleccion amplio di combo meals cu galiña hasa of prepara riba e grill, compaña pa un cantidad di tremendo acompañante, incluyendo French fries, yucca, maishi, plantains, aroz, y un variedad di salada, mientras cu Beef’es ta un parrilla Argentino, un grill specificamente diseña pa broil carni pa un estado di perfeccion, ofreciendo un experiencia autentico pa amantenan di carni. 

The Chubby Panda ta preparando pa sirbi un tipo interesante di cuminda Oriental, importando un chef Taiwanes pa cushina, como e atraccion principal. E restaurant lo sirbi platonan tipicamente prepara pa esnan cu ta bende cuminda riba e cayanan entre Taiwan su mercadonan. Y fanaticonan di cuminda Arabe lo keda encanta cu e restaurant di shoarma y falafel. Aladdin, Shoarma Express lo presenta cuminda rapido cu ta autenticamente Arabe, for di kibbe pa tahini, hummus, babaganoush, labne y tabule, como tambe un seleccion completo di cos dushi Arabe.