|
|
|
| Extras | ||||||
|---|---|---|---|---|---|---|
|
|
|
|
| Bookmark Us |
|---|
 |
| Latest Photo Ads |
|---|
 Ta bende Mazda RX7  Car For Sale  Trailer for sale  Sport Watch (with pu  Kia Rio 2004 |
|
|
| Logronan impactante den 100 dia di gobernacion Gabinete Mike Eman: Parti 1 |
|
|
| Monday, 08 February 2010 - 15:05 | |
Gabinete
Mike Eman ta cumpli awe shen dia di gobernacion. Shen dia cu logronan
inmensamente grandi. Shen dia den cua a cumpli cu promesa y compromisonan haci
cu pueblo di Aruba. Click lesa mas pa mas info...
For di ora cu resultado di eleccion tabata conoci por a
sinti e aire di speransa fresco cu tabata supla den tur skina di Aruba. Un
speransa cu cos lo bay y lo wordo drecha, un speransa pa un miho mañan, un
speransa nobo cu un gobierno nobo. E speransa cu tababa biba den curason di
hopi a bira realidad dor di e logro y metanan cu e gobierno nobo lidera pa un
Prome Minister cu un vision grandi a pone su dilanti pa e prome shen
dianan di su gobernacion. Logro y compromisonan realisa cu entre otro e meta
fiho pa combati e crisis financiero y pa trece positivismo bek na Aruba.
Rescate di nos edificio historico di gobernacion
E
tabata algo simbolico. Mientras paden formador Mike Eman tabata reuni cu
hefenan di tur departamento di gobierno, gremionan, instancianan,
organisacionnan, fundacionnan y otronan pa forma un gobierno nobo, pafo e
trabou pa restora e edifico decai di bestuurskantoor tabata bai a toda marcha.
Mas di shen voluntario a yega eynan y a cuminsa traha incansablemente riba e
edicifio monumental di gobierno cu a para bira un ruina den e ultimo añanan. E
trabounan duro aki tabata pa e edificio historico aki keda cla na tempo pa e
gobierno nobo por a sinta eyden manera cu semper tabata e caso. Pueblo a brasa
e iniciativa di e gobierno nobo y di tur forma a duna un man. A bin cu cuminda
y awa pa e voluntarion eynan, a trece material pa nan por a traha y comunidad a
duna su sosten masal y tabata stimula e accion aki dor di pasa y bin eydilanti
pa apoya e trahadornan. E prome logro visibel di e gobierno nobo tabata un
echo. Dia cu Gabinete Mike Eman a huramenta, e fiesta pa pueblo tabata dilanti
di un bestuurkantoor renoba, pero ainda no completamente cla. Awe tur Minister
ta sinta hunto cu nan staf eyden y ta atende publico eyden. Loke ningun hende a
kere posibel, a wordo realisa pa e gobierno aki cu ayudo incondicional di
pueblo.
Mehoracion di relacion cu Reino
Dia
cu Gabinete Mike Eman a huramenta, secretaria di Estado pa Asuntonan di Reino
sra.Ank Bijleveld tabata presente, mescos tambe Prome Minister di Antiyas
sra.Emily de Jongh-Elhage, dunando asina nan aprobacion na e gobierno nobo.
Sra.Bijlveld den su discurso a demonstra sin ningun reserva su alegria cu e
gobierno nobo. Despues di un periodo largo di discusion y disunion cu e
gobierno anterior, Hulanda y Antiyas a sinti cu cosnan ta bai drecha pa miho.
Na luna di december Prome Minister di Aruba Mike Eman a wordo invita dor di
Prome Minister Hulandes Balkenende pa atende un reunion di Ministerraad di
Hulanda pa eyden duna un presentacion di e plannan di su gobierno. Un unicum,
ya cu nunca prome algo asina a yega di tuma lugar. E ultimo discurso na
aeropuerto di Schiphol di Minister di Transporte Camiel Eurlings tabata otro
muestra palpabel cu gobierno Hulandes tin gran aprecio y respet pa e gobierno
nobo cu ta na mando. Minister Eurlings a bisa Prome Minister di Aruba Mike Eman
cu Gobierno Hulandes ta contento cu e cambio di gobernacion, accentuando cu nos
ta partnernan igual den Reino y cu e respet ta mutuo. Un logro cu sin duda lo
trece beneficionan grandi pa henter Aruba. Un miho relacion cu Reino Hulandes
ta na bentaha di cada un di nos riba e isla aki.
Revitalisacion di nos centro di cuidad y barionan
E trabou di restoracion di
nos centro di cuidad y barionan a cuminsa caba. Un trabou inmenso cu ta encera
entre otro embeyicimento di caya grandi, conservacion di e centro historico di
Aruba, mudamento di e containerhaven, construccion di dos ringweg y un
vierbaansweg, restoracion di e cas di Gobernador, di Lagoen, di e edificio di
J.F.Kennedy school, di e watertoren na Playa y San Nicolas mescos tambe Joe
Laveist Sportpark, ponemento di luz den diferente bario, mehoracion di e
barionan dor di bin cu parkenan di actividad, ponemento den funcion un bes mas
di e hulpbestuurskantoornan y otro servicionan di gobierno y hopi hopi mas. E
plannan pa revitalisa nos centro di cuidad y barionan a wordo discuti y studia
ya for di tempo cu e actual gobierno tabata den oposicion. Restoracion di
bestuurskantoor tambe ta cai bou di e proyecto prestigioso aki. Dia 13 di
januari e plannan ambicioso di gobierno pa revitalisa centro di cuidad, su
becindario y barionan manera ta poni den su Plan di Gobernacion a wordo devela
cu masha orguyo riba Plaza Daniel Leo. Un publico grandi a sera conoci cu e
proyecto fantastico aki. Otro logro di e actual gobierno.
Pa por lesa parti 2 y 3 primi local y lo bo haya e dos articulonan den e categoria aki. Comentarionan (18)
  Scirbi pa Mamatil, February 08, 2010
Den 100 dia, boso a conta ta cuanto biaha caba ela bula cu plaka di pueblo???? E tbt bula di Aruba pa Hulanda manera ta taxi e ta coi di playa pa san nicolas, y ta ken ta paga e ticket ney?? Y corda cu no ta economy e ta bula tampoko kemen saka boso som ta cuanto e ta paga pa bula first class cada bes anto sin conta e hotel (suite) y cuminda cu e ta come ariba rekening di gobierno. Ela bula den 100 dia mas cu loke Nel a bula den 8 anja. Hahahah esta bobo bosnan ta.
Scirbi pa basora, February 08, 2010
Mi ta hanja e informashon aki masha infantil i kinderachtig. Pa hasi un samenvatting di 100 dia ta hopi stupid i inmaduro. Pasobra esei no ta bisa nada di e Gobernashon ku lo wordu hiba pa e proximo 4 anjanan. No lubida nos constitushon ta scribi ku kada 4 anja tin elecshon nobo. Si bo ta sinta awor den gobierno no ta nifica ku esei lo ta aki 4 anja van zelfsprekend. Hopi kos ku e artikulo a trece dilanti ta nada mas ku yen di plan ku por frakasa ainda. Tin ku sowieso ku lo bai den prullenbak. Style di prullenbak riba bo computer. I hopi plannan ku a wordu trece padilanti ta plannan ku a wordu inventa pa partido MEP. Si awe AVp kier kana pronk ku plannan di gobierno di MEP ta na mester sa. Si nan ta beneficia ARUBA pakiko no.
Scirbi pa basora, February 08, 2010
Tur gobierno ku sinta ta tuma desishon bon of malu. AVP i MEP tur dos a hasi mesun kos. Pasobra si no tabata asina anto e ora ei na tur dos ta perfecto. Pero jammer genoeg tur hende rina e mundo aki ta hasi fout. Ta Dios so no ta hasi fout. Aruba ta hopi mas intelligente ku esei pa na studia i wak pa na mes kiko ta berdad kiko no. Ban Serio shonanan E partido MEP a laga genoeg cent de caha pa AVP por a sigi traha kune. Sino tabata plaka den caha ta kon Aruba ta keda hanja container ku kuminda i bebida i materiaal electrico. Materiaal di construckson i medijnen i panja. Si no tabata asina e ora ei e Gobierno aki no por paga pa importa nada mensen. als je wil liegen moet je wat anders verzinnen.
Scirbi pa basora, February 08, 2010
fuera di e 200 miyoen di impuesto di BBO ku valero no kier a paga, Pakiko AVP pafo den Gobierno tabata kritika ku Gobierno di MEP nos mester cobra esei. No mester kita BBO mes ora. Awor ata aki e realidad awor den Gobierno ta ken a firma pa hanja e 200 miyoen e Partido den Gobierno awor AVP. Rara ta is pas raar. Bo no tabata di acuerdo pakiko awor si bo kier e cent. Pa ehecuta plannan di e Gobierno nobo. Dat is echt geen mannen praat als je niet eens met iets ben, kan je toch niet vragen voor een gunst.
Scirbi pa basora, February 08, 2010
Over di relashon den reino si bo biba na hulanda bo ta ripara ku e Koningkrijk der Nederland ta exisiti solamente rina papel. aki e kos ei no ta biba bow di e pueblo Hulandes helemaal niet. Nederland kier marioneten manera nan tin na Aruba i na Antias. Nederland wil alleen ja knikkers. Pero un Prome minister manera Nel Oduber ku tin hopi mas esperencia ku hopi politiko na ARUBA, ANTIAS, I Hulanda. laat me niet lachen hoor, Pero si bo keda Aruba bo lo kere e wega di kai akinan.
Pero a nos ku ta studia aki sa mihor pasobra nos ta lesa hopi coranti nos ta mira hopi informativo programma. Un dia ta nos lo ta esun ku lo juda ARUBA pa dilanti. Pero nos mester ta kritiko i Justu. Bo mester traha pa ARUbA i no pa un Partido politiko. Pasobra ta e pueblo di ARUBA ta pagabo salario.
Scirbi pa Palanca di MEP, February 08, 2010
Show, mas show y show. Ki dia boso di AVP ta pensa mihor kiko pueblo kier bo hasi cu nan plaka. Tin hopi payasonan den AVP. Caja grandi no ta pone cuminda den mi plato di cuminda. Mi no por come KLM tampoco. Stop cu shownan AVP.
Scirbi pa CaciqueArua, February 08, 2010
Personalmente mi no a ripara nada ainda den mi cartera... ningun adelanto, ni chikito!!! Anto riba dje, ainda mi tin ruman y primonan cu a perde trabao den Valero (contratista), awor nan tin lunanan ta haci jobnan chikito aki aya pa yuda trece cuminda riba mesa pa nan yiunan, sin conta cuanto esfuerzo famianan ta haciendo pa yuda cubri gastonan di hypotheek enz... door cu un ruman etc. no ta alcanza, paso e no tin trabao fiho.
Ainda si mi wak e gobierno at least crea trabao, lo mi bisa bon trabao, pabien... pero ainda nada... By the way, e supuesto logronan ey, no ta SIGUR of FIHO!!! Falta 3 ana y 265 dia ainda di gobernacion!!! Toch? E ora al final nos por papia di logronan berdadero y kizas duradero....
Scirbi pa Arubiano orguyoso, February 09, 2010
100 dia, tin algun manera pa cataloga nan:
1. show y mas 2. serafina den jet ta jaloers di nan 3. modeshow y comptencia ken ta mas bunita You've Go the Look of e mInister mas bunita den gabinete. esey si nan tin, e looks..... nada nada mas. cabesnan bashi bashi, blo interesa den persecucion politico.
Scirbi pa Maxim, February 09, 2010
Rescate di bestuurskantoor: leuk, pero no ta hiba Aruba ni dilanti ni patras
Drecha lazonan cu Reino: facil ora bo hermana partido Cristian-Democrata ta goberná na Hulanda. Bijleveld: CDA. Eurlings: CDA. Balkenende: CDA. Kiss the right asses y tur hende ta aparece ta hari cu otro riba TV. KLM: tremendo logro: 2 vuelo extra riba e 10-nan cu tawatin caba di ArkeFly y Martinair. Mayoria di turista ta keda na bordo pa sigi pa Corsow. Crew ta drumi na hotel na Corsow, catering y fuel cumprá na Corsow. Drechamento di playa: mihor nan drecha e carretera di airport pa sasaki. Bo no por sacudi un turista dj'estado ey or'e ta na caminda di airport pa hotel...mal propaganda! Baha BBO: menos entrada pa gobierno, niun effecto riba prijsnan, dus mas placa pa commerciantenan, y pueblo ta sigi lucha..
Scirbi pa ijsbeer noordpool, February 09, 2010
Di un partido cu a duna su mes un imagen di ta bay juda e pober den campanja, pa awor cu nan ta den Gobierno ta e riconan na Aruba so nan ta juda
Scirbi pa Karel, February 09, 2010
Mester cuminsa inverti den E HENDE, seniores ora e critica bira mas fuerte boso cara ta cuminsa sera. MEP mes ta reconoce cu nan a traha edificio, basha asfalt y E HENDE a ser laga un banda. DESDE 1994 TE 2010 ta 16 anja largo nada a ser haci. Ta kens ta hunga of kens mes boso ta........no ta major so ta responsabel ta e contenido di con lanta jui no tin informacion adecuado, pesey tur centronan di Bario ta biba bashi y mas joven ta bai perdi en droga y alcohol...
Scirbi pa gates, February 09, 2010
ya cb boso ta bin pp coi kens di gobierno boso no ni ta pensa den ki mep a hinka nan anto awo nan tin di sali foi dje
MAMATIL no bin pp coi loco bn bula placa di pueblo no si tbt abo bolo hasi e mesun anto mike merece di sinta first class i keda den (suite) e la bin cu KLM bek asina ta dis wanta bo comentario kens nan pabo mes danki
Scirbi pa SPEKTAKEL, February 09, 2010
Keremi cu e CIRCO aki ta bay cas prome cu 2013. Bo a kere cu Corsow so tin bon grupo humoristico, nos tambe a kaba di hanja di nos na Aruba.
Scirbi pa Mamatil, February 09, 2010
@ GATES. Te awo cu ami sa nos ta biba na un pais democratico y mi ta liber pa duna mi comentario ki ora cu mi kier anto abo ni niun hende no ta esun cu por pone mi wanta mi comentario nan, bo gusta bo laga esey ta mi opinion anto mi ta dune ki ora cu mi kier. Si bo no guste anto no subi aki riba lesa. Masha cos, bin cu klm lesa comentario di MAXIM anto bo ta wak ki ganashi nos tin cu KLM. NADAAAAAAAAAAAAAAAA anto nan ta pp di trese turista europeo cu plaka ta net e hende ney cu ta let op goed op hun centjes cu ta busca e vuelo di mas barata. Ta nos cu tin tiki cen ta hasi payaso kier bula na grandi kemen nos no tin benefishi cu nan ni cu KLM ta Corsow a sali gana akinan
Scirbi pa Mamatil, February 09, 2010
kemen si bo kier pp di comentario kens, cuminsa na bo mes prome, pero ami no ta importa mi kiko abo kier pensa ni pp pasobra ta bo opinion y bo ta liber pa hasi esey. Un conseho mi por duna bo, cuminsa prepara bo schort y uniform pa sirbi cria di stranheronan principal e hatiano nan cu Mike lo jena Aruba cune.
Duna Comentario
Bo mester log in (miembro )pa por comenta.Por fabor traha un account si bo no ta miembro ainda.
|
| Tempo | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||||||
|
|
|
| Newsletter |
|---|
|
|
Subscribe to this comment's feed
Mustra/Kita comentarionan
Mustra/Kita e formulario di comentario
