|
Karel Arends: Awor cu 100 dia a pasa Gobernacion Mike Eman lo keda bow control |
|
|
|
Monday, 08 February 2010 - 22:04 |
|
Nos tur sa cu partido
MEP no a duna e cuidadano su valor y cu terrorisacion Politico a causa
MEP e eleccion cu 12-8, partido AVP a wak cu tin 13000 cuidadano
cu passpoort Hulandes cu no a nace na ARUBA y cu nan no lo confia MEP
den Gobierno atrobe. Pesey a kita e 3 anja como promer cos. Click lesa mas pa mas info...
Durante
e 100 dia tur hende a sinta keto y keda keto warda Gobernacion Mike
Eman inventarisa tur e desastre cu a tuma lugar den 8 anja di Gobernacion
Oduber II y IV. E desicionnan rapido cu a ser tuma den e promer 100
dia un gran parti tabata pa cumpli cu e estranheronan. Awor Gobernacion
Mike Eman a cumpli cu su palabra pa cu estranhero y ta cla pa educanan
cu no bira exigente como sifuera cu ARUBA ta di nan. Mester recorda
e estranheronan cu nos mester traha pa un comunidad unda e cultura di
ARUBA ta keda vigente, no cu sierto grupo ta keda bira mas grandi y
ta sinti desaroya na cultura ariba di ARUBA. Partido MEP no lo hanja
espacio pa drecha su relacion cu estranheronan, pasobra te ainda tin
miles di passport na IND na Hulanda pa decision final ser tuma ariba
nan. Laga…… nos pone un bista ariba e situacion real, tin 15000
mucha entre 4 cu 12 anja di edad, mester inverti di nan futuro pa loke
ta nan formacion pa nan por ta cuidadanonan ejemplar den nos comunidad
despues. Tin 13000 hende cu passport cu mester ser doctrina cu ARUBA
ta promer. Tin 13000 pensionado cu pronto lo ta e ultimo grupo pasobra
pensioen mester bira 67 anja di edad pasobra sino dentro di 8 anja e
fondo ta inpagable. Gobernacion Mike Eman mester cumpli cu reduction
di BBO dia 31 december 2010 y esey ta haci cu mester subi e prima di
AVZ, pa e gastonan por keda ser paga na tempo. Dentro di 10 luna tur
e medidanan aki mester ser tuma y ja Gobernacion Mike Eman ta buscando
sosten serca tur esnan responsabel, pesey tin Dialogo Social pa medida
ser tuma sin confrontacion cu argumento publco. Ariba tereno commercial
y economico ATIA a firma protocol cu organisacionnan Hulanda pa conjutamente
busca tur forma pa por enfrenta e situacion dificil cu ARUBA ta aden
te cu 2015. Mester tene cuenta cu Hulanda ta den su peor lunanan di
crisis financiero-economico cu lo por dura 24 luna promer cu e normalisa.
Ban wak awor e parti financiero pa ARUBA su luna te cu 2013, invercionistanan
for di Europa y esnan Aziaticonan tin e mes un problema pasobra
e leynan di retiro mester ser cambia rapido. Na varios ocacion desde
1994 te cu awe inversionistanan di Paisnan grandi, no kier tin e problema
di por retira un hende. Na Corsow nan a kita e ley di retiro y ARUBA
mester kite rapido pa asina e habri e clima di inversion den tur locual
empresnanan grandi ta desea pa cuminsa na ARUBA. Un aspecto masha importante
cu no a tende nada di dje den e promer 100 dia di Gobernacion Mike Eman
y awor cu lo Goberna te eleccion 2013, nos kier tende con lo para cu
e dos problema-nan grandi cu tin rapport traha aribanan caba. (1) Psycho-Social,
(2) Encejanza. Rappornan ta mustra cu majornan no ta inverti debidamente
den nan jui y esey ta haci cu e fundeshi ta ser traha debil y e consequencia
ta bin despues, bo ta mire de sinjamento y comportacion public. Encejanza
ta victim di formacion (vorming) di e mucha y e situacion ta duna tristesa
pasobra e cantidad di mucha cu ta jeda 6de klas no ta directamente culpa
di e school pero e respect pa e mucha no tey na su cas y for di skina
di Gobernacion tampoco. Poniendo tur e retonan no mester permiti cu
E HENDE keda ser neglicia pa nos responsabuilidad di Gobernacion di
nos Pais ARUBA desde 1986 tur e adiccion den nos comunidad di droga
y alcohol ta resultado di Gobernacion cu ta concentra ariba edificio
y no ariba E HENDE pa e ta importante. E momento a jega pa nos pone
plaka na unda nos por construy un structura pa educa y juda majornan
den “Vorming”. Tur loke tin awe ta fruta di Gobernacionnan di 1994
te cu awe. Nos mester por bisa e realidad pa asina nos duna democracia
su contenido y alaves pa esnan responsabel corda cu nos tey pa juda
mustra e errornan di pasado.
|
Subscribe to this comment's feed
Mustra/Kita comentarionan
Mustra/Kita e formulario di comentario
