Despues di a gana na dos occasion casonan den Corte contra aeropuerto, e biaha’ki e decision no tabata na nan fabor, manera a spera. E biaha’ki a toca turno na aeropuerto pa Sali vencedor den e caso aki. Tabata trata di e mesun diesdos companianan di huur auto cu a yega di cuminsa caso den pasado contra Gobierno. Click pa mas di e relato y imagen. 

Ya caba den prome instancia nan a gana e caso pa pospone e fecha pa nan entrega nan oferta, pa haya un di e puestonan disponibel dilanti aeropuerto cu lo bai ser duna via di un destaho publico.

Actualmente tin alrededor di 24 carrental na aeropuerto, pero na momento di e cambio lo bai keda solamente 10 puesto disponibel. Pa por haya un di e puestonan aki, mester participa den e destaho publico. Via Corte 12 carrental a haya un chens mas ora cu nan a ordena aeropuerto pa alarga e periodo cu nan tin disponibel pa entrega nan oferta. Pero esaki no a resulta suficiente pa nan pa cual a dicidi di cuminsa otro caso sumario, pidiendo un biaha mas pa alarga e fecha aki un poco mas.

Huez ta opina mescos cu AAA N.V. y ta pensa cu e companianan di car rental a haya suficiente tempo y informacion pa prepara nan oferta pa AAA N.V. Huez a dicta na fabor di AAA N.V. y a dicidi cu dia 8 di augustus e companianan di car rental mester entrega nan oferta na AAA N.V. Contrario na loke e companianan di car rental a pidi, pues pa warda te ora cu e caso di usamento di shuttle na aeropuerto keda cla. Huez ta dicta cu esaki no ta motibo suficiente pa alarga e proceso pa manda nan oferta pa AAA N.V.


Aeropuerto ta satisfecho cu awor si tin clarificacion den henter e caso di e companianan di car rental y lo sigui cu su plannan pa cu e maneho di e companianan di car rental.

Comments (5) >>

Show/Hide comments

chandrika moondi said:

Mester cuminsa controla y publica cuanto placa e director y staf di AAA ta gana pa luna of pa anja. No por permiti cu nos lo hanja nos mes cu otro sorpresa, caminda director y miembronan di gerencia ta bira mijonario riba lomba di nos, e pueblo.

August 04, 2007

Mama Arubiana said:

Chandrika Bo tin razon!!!! Blessings

August 04, 2007

maria gonzales! said:

berdad!paso ma tende esun di elmar mes ta paga 60 mil pa luna mi no sa si ta co berdad!paso si e ta gana 60 mil pa luna ta cuanto nel nan mes ta gana 100 mil??

August 04, 2007

MR.CRAB said:

AI CARAMBA, TA SCHIPHOLGROUP TIN MAS DI BISA DEN E AEROPUERTO AKI. DUS MAS HENDE LO BAI PERDE TRABOU Y AINDA E GOBIERNO AKI TA PAPIA CU ARUBA TA STILL ONE HAPPY ISLAND. TA UN PUEBLO UNI SO POR PARA TUR ABUSO. UNION TA FORSA NO WAK KI COLOR ESUN PARA BANDA DIBO TA TA FUTURU DI ARUBA Y PA NOS YUINAN TA KNTA AWOR..

August 04, 2007

Arucano said:

Awor bo ta bai hanja cu e Car Rental-nan ta move pafo di Airport manera na hopi luga na Merca y nan ta bai busca e turistanan na Airport, pa despues e taxistanan tambe cuminsa keha cu nan no ta hanja di e bolo ei.

September 13, 2007

Write comment

Show/Hide comment form

Name

Email

Comment

Add Comment