|
Modelo 2008 di Mitsubishi Lancer a yega Aruba |
|
|
|
|
Friday, 17 August 2007 - 08:08 |
|
Na Tierra del Sol R.E. Yrausquin & Sons a introduci e modelo nobo di Lancer pa prensa en general. 24ora.com tawata presente y a combersa cu Juan David Yrausquin y tambe a test drive e auto. Click riba e imagen pa e video y despues read more pa mas detayes!
Ta trata aki di un modelo cu for di su inicio caba a sa di conkista e curazon di tur cu ta gusta autonan modelo sedan, pero compacto, liher y na un bon prijs. E Mitsubishi Lancer tin por lo menos 34 aña caba, despues di su introduccion na Februari 1973. Aki na Aruba nos conoce como un di e autonan mihor bendi den su genero. Locual mas ta hala atencion di dje ta cu constantemente ta cambia su diseño pa sigui desaroya y mehora e Lancer. E modelo 2008 entretanto a yega Aruba caba y ta obtenibel na R.E. Yrausquin & Sons cu ta representa e marca Mitsubishi pa hopi aña caba. Cambionan for di e modelo 2007 pa esun 2008 ta varia for di e hanchura di e auto cu tabata 1,69 meter y awor a bira 1,76 meter mientras cu den pasado e tabatin 2 “headlamp” y awendia e tin 4 “headlamp”. Den largura tambe tin un cambio chikito pasobra di 2.6 meter e auto a crece te na 2.635 meter contando di taira dilanti pa taira patras. E modelo bieuw tin un haltura di 1.445 meter y esun nobo 1.505 meter, tur esaki sin conta cu e interior ta mas espacioso y tin espacio pa pone un botter di awa tanto dilanti como pa e pasaheronan patras. Cu tur e cambionan aki, R.E. Yrausquin & Sons a dicidi di invita su amigonan den prensa pa asina haci un sesion di “test-drive” e modelo nobo aki. Un grupo grandi di periodistanan a yega na Tierra del Sol na unda cu pa dos ora largo nan a test e modelo nobo di Mitsubishi Lancer 2008. Claro cu e comodidad, e diseño nobo cu un look masha profesional y autentico, tur a sa di hala atencion di e miembronan di prensa cu a core den e auto aki. Diasabra awor R.E. Yrausquin & Sons a organisa un evento special pa henter e comunidad di Aruba pa asina un y tur cu ta buscando un auto nobo, compacto pero toch espacioso y na un prijs abao, por pasa pa “test-drive” e Mitsubishi Lancer 2008 nobo-nobo. E evento aki lo cuminsa for di 9’or di mainta y lo sigui te cu 1’or di merdia. Claro cu e bendedornan di R.E. Yrausquin & Sons lo ta cla pa procesa e papelnan di tur e interesadonan pa asina haya un contesta mesora for di banco. Corda trece e utimo 2 pay-slipnan y un carta di recomendacion di trabao.
| Comments () >> |
 |
 |
