Cu hopi orguyo Hospital Dr. Horacio E. Oduber a re-lanza durante un Conferencia di Prensa nan website. Awor tur bishitante rond mundo, pero muy specialmente habitantenan di Aruba por subi e website y haña informacion den tres diferente idioma . E website ta diseña haciendo uso di  colornan atractivo.

Algo cu hospital ta sumamente orguyoso di por a lanza durante e conferencia di prensa ta e posibilidad pa tur famiya amistad of conocir cu tin un hende di nan interna den hospital, manda un asina yama  E-card” di bon deseo pa e pashent aki, via di e website: www.arubasuhospital.com. Pa manda un “E-card” ta  masha facil mes. Djis subi e website www.arubasuhospital.com y klik ariba e link “carta di bon deseo”. Asina cu bo klik bo ta hanja diferente opcion di carchi cu mensahenan manera “pronto recuperacion”, “happy birthday” of “hoera, un baby!”. Unavez e bishitante a hasi un escohencia di cua carchi e kier manda, e ta haña e oportunidad pa scirbi un texto cortico cu un bunita mensahe pa e pashent. Si e manda e “E-card” prome cu 15:00 (3’or di atardi), e pashent ta haña esaki mes dia. Tur “E-card” cu drenta despues di e ora aki ta haci entrega di esakinan su sigiuente dia. 

Comments (4) >>

Show/Hide comments

chandrika.moondi said:

Asina mester ta. Hopi pabien y keda update e site.

August 30, 2007

spy said:

HOPI BUNITA EN VERDAD, PERO UN CRITICA CONSTRUCTIVO, CORTICO, SR. BOB HARMS, BO TA E CARA DI NOS JOSPITAL, ZO MI TA DIRIHI NABO, PERO NO TA BO FALTA, ANTES DEN TEMPONAN MALO PA HOSPITAAL, ORA BO DRENTA BO TA HANJA UN HOLO DI DESINFECTANTE LIMPI Y FRESCO, AWO NO TINE MAS, TIN MIL Y UN HOLO, Y NINGUN NO TA REFRECANTE, Y PORFAVOR PASE OVER TO WHOM IT CONCERN, PIDI E NURSE NAN BISTI IMPECABELMENTE BLANCO PLEASE, SAPATO CU SOLE CU NO TA SONA,TENE NAN CABEY NETJES, HASI HERIDANAN DI PATIENTNAN LIMPI MANERA DEBE SER , BO TA DRENTA HANJA HOLO @#$$% LAGA E HOSPITAAL TA UN LUGA MAS PATIENT Y VISITANTE FRIENDLY, DANKI,

August 30, 2007

MK146 said:

Wel ami no por keha, mi a wordo bon trata eyden, na mei mi tawata eyden den kraamafdeling, mi a wordo yuda door di verpleegster mi no ta korda e nomber pero tawata hopi amabel y hopi pasenshi. en realidad tur di afdeling eynan en general tawata hopi amabel. hopi atento. un caminda cu mi no ta gusta ta na dokter na warda tin un security hende muher cu t basta amarga sinceramente e no ta bisa bonochi, e parse un hende cu nan a forsele traha security. Pero ultimo biaha mi a wak un meneer e senora color scur cu cara di amarga ey segun mi no tey mas. Spera cu no lo tey mas, pasobra imaginabo bo ta malo bo yega dokter na warda cu ta keda na hospital anto bo wak e kara di senora ey sinceramente mi lo sintimi mas malo ainda.

August 31, 2007

AWO said:

ki sorto di papiamento esaki ta? dikon riba 24ora.com papiamento ta wordo scibi fonetisch asina cu acces di buchi? ta asina stranjo? ulanda? enves di hulanda? :S ban serio.

September 07, 2007

Write comment

Show/Hide comment form

Name

Email

Comment

Add Comment