|
Eagle Beach – Tabata un momento cu Kumar Meijer tabata wardando riba dje, pa casi dos aña. E prome slok di e biña rico y suave. Le Dome. Awo tambe un "St. Emilion Grand Cru" di aña 2002.
Kumar, kende ta e experto di biña na e restaurant Belga – Frances na Eagle Beach, a busca na tur cas di distribucion pa e biña increibel aki.
 E yama Le Dome, traha pa Le Dome, un viñero chikito di solamente tres hectare, cual ta pertenece na Jonathan Maltus di Chateau Teyssier, unda ta crece pa mayoria parti Cabernet y algun mata di Merlot. E viñero ta situa na Bordeaux y ta produci solamente 750 pa 1,000 caha cada temporada, cual ta haci e biña aki uno sumamente dificil pa haya.
"A tuma nos casi dos aña pa busca e cantidad chikito cu nos tin awo, y nos ta hopi orguyoso di dje," segun propietario Ramon Groot Antink, kende a compaña Kumar ora a saca e corki cuidadosamente y a basha e St. Emilion excepcional, cual a haya un "rating" di 90 punto di Wine Spectator Magazine.
Le Dome 2002, awo riba e lista, ta un biña cu curpa mediae aromanan di chuculati y cherry. E ta hopi special, diseña pa cai na gusto di e berdadero amante di biña.
E lista di biña di Le Dome, riba su mes, ta un obra di arte, cu selecionnan sumamente extraordinario, bunita comenta y organiza pa Kumar, un di e sommeliernan di biña miho informa riba nos isla.
Bishit'e na Eagle beach, cualkier dia, pa lunch of cena, of tambe pa e brunch di diadomingo.
Related Items:
| Comments () >> |
 |
 |
