|
Tante Jewel y Mister Anansi na Aruba |
|
|
|
|
Thursday, 06 September 2007 - 00:00 |
|
Di 11 pa 15 di September e actor komico y contado di storia profesional Wijnand Stomp lo ta na Aruba pa un par di dia special cu a wordo jama “Stomp su Siman di Storia”. Wijnand Stomp ta mitar Antilliano y mitar Hulandes y hopi conoci den e mundo cultural como Mister Anansi paso e ta specialisa den e storianan di Compa Anansi.
Wijnand ta interpreta diferente personaje, tur cu diferente stem, caracter y locura. E lo duna un workshop riba 11 di sept. over di e teknicanan di conta storia y pa e dia despues e lo elegi un par di participante di e workshop pa duna un presentacion hunto cu ne na Cas di Cultura. Prijs di e workshop ta Afls. 20,- y pa e presentacion riba 12 di sept. ta 5,- pa publico. Tante Jewel tambe ta un di su personajenan favorito. Tante ta un dama crioyo cu ta gusta traha su  sopi special. Pa judele traha e sopi aki e mester di muchanan cu talento. Baila, conta chiste, toca un instrument, canta, tover, etc. etc. tur ta talento cu Tante por husa pa su sopi sali dushi dushi mes! Mucha te cu 13 aña por inscribi na 5821010 pa wak si nan por join Tante den su show. Riba 11 di sept. pa 4’or lo tin e seleccion aki. Tante Jewel su show lo ta riba diabierna 14 di sept. pa 7.30pm y Mister Anansi su show lo ta diasabra 15 di sept. pa 7.30pm na Cas di Cultura. Tur ticket ta obtenibel na Van Dorp Dakota y entrada general ta Afls. 20,-. Stomp su Siman di Storia ta wordo haci posibel pa Cas di Cultura, Unoca, Divi Divi Mega Resorts, Econo Car Rental, Ahata y Kalebas Produkties.
| Comments () >> |
 |
 |
