Diabierna mainta shete persona, cu a wordo culpa pa comete falsificacion y soborno cu rijbewijs, mester a tene fiscal demanda castigonan basta halto. Hasta ora cu Fiscal a demanda cuatro aña y mei pa e acusado principal, famia den e sala no por a contene na lagrima. Click pa mas di e relato y imagen.

Tambe entre e acusadonan tabatin algun cu tabata yora, mirando e castigo halto cu nan a haya. Por bisa cu ora cu nan tabata den sala, mirando mayoria nan edad hoben, nan no tabata sa di e gravedad di e delito cu nan a comete, como cu nan tabata papia cu otro na manera masha trankil.  E caso tabata den man di Huez Mr. Angela, mientras cu e Fiscal tabata  sra Kruimel.  

E shete acusadonan cu tabata den Corte ayera ta Javier Eduardo Villa, kende no tabatin abogado presente. Raymond J. Maduro, cu a wordo defende pa e abogado Mr. Chris Lejeuez, Yeremy R. Croes, kende tabatin Mr. Faarup, Juan A. de la Cruz  Cruz,  tambe tabatin como abogado Mr. Chris Lejuez, mientras cu Gerwin E. Thiel su abogado ta Mr. Duineveld. Pedro J. Tromp, tabatin como abogado Mr. R.E Yarzagaray, y Moises Carvajal Jimenez a wordo defende pa Mr. P.G.Dowers. E acusado Yeremy R. Croes ta wordo acusa durante e temporada di entre cuminsamento di 2006 pa mart 2007, di a falsifica documento, tuma placa for di otronan pa traha rijbewijs falso, y tambe duplicado di rijbewijs.  Riba e hechonan e ganashi di e totalidad di falsificacion di rijbewijs a suma un montante di mas o menos 104.000 florin. E sobra acusadonan a haci nan mes culpabel na paga Yeremy pa e por a yudanan, cu copia di rijbewijs, carnet di rijbewijs.

Huez cu splicacion di dunamento di rijbewijs
Huez den su declaracion ta bisa cu KPA tin un administracion di rijbewijs plicacu ta encarga cu dunamento di rijbewijs y duplicaat. E ta bisa cu Yeremy Croes ta traha einan for di 2005. E tempo ei e departamento tabata na Oranjestad, y na nov 2005  a muda bai pa Santa Cruz.  Croes tambe a bai traha einan. Hunto cu un otro colega mas Carmen M. e tabata encarga pa duna rijbewijs. Prome cu juli 2004, ora un persona slag pa su rijbewijs, e ta haya  un rijbewijs roos y un A-number. Tur e informacionnan di e persona cu a slag ta wordo poni riba un carchi geel. Despues ta traha e rijbewijs y ta pone e informacionnan riba dje. Si bin cambio den e rijbewijs, esta si un persona slag despues pa un otro categoria, esaki tambe ta  wordo poni riba e carchi geel. Despues di juli 2004, e sistema a cambia y no ta entre rijbewijs, esta nan esun cu slag ta haya un carnet como rijbewijs. Dor di e cambio aki, tur e rijbewijsnan a wordo pone den computer pa PIVA cu ta percura pa hinca e informacionnan den computer, nan ta wordo manda Hulanda y despues di tres siman ta haya e carnet. Despues cu e sistema a wordo introcudi na 2004, no tabatin carchi geel mas. No tin A-nummer mas. Ora cu un hende bin pa haya su rijbewijs, y e wordo hinca den computer, e ta wordo controla pa dos persona, kende cada uno tin nan diferente paswoord cunan ta drenta den a computer pa haci e control.

Investigacion
For di investigacion cu KPA a hacina 7 nov 2006, a nota cu tin iregularidad y a presenta esaki na Landsrecherche, cu a haci e investigacion. For di e investigacion a resulta cu a lanta sospecho contra Yeremy Croes. Ora cu e bai controla a resulta cu e nombernan cu nan a haya no ta mas den e sistema y no tin carchi geel. Dia 8 di februari nan gta inca den e sistema e cuatro nombernan y ta controla y a resulta cu 3 no tin rijbewijs.Uno di e personanan a pidi un categoria mas halto, y e carchi geel no ta klop. Landsrecherche a cuminsa tap telefon di Croes, y a sali afo cu Croes ta haci su mes culpabel na falsificacion di rijbewijs. A interoga polis W. kende a bai como testigo y for di su declaracion a Sali na cla cu e ultimo rijbewijs roos a wodo duna dia 23 di juni 2004 y ta cu e number A-142500. Kier men cualkier otro rijbewijs cu tin number mas halto cu e number aki, ta falso. Mayoria di e rijbewijsnan falso ta di Colombiano,  por bisa stranhero. Croes tabata yenanan den e sistema y nan ta haya nan rijbewijs.

For di e investigacion a Sali na cla cu 200 rijbewijs a wordo traha for di augusus 2006 pa mart 2007, ora cu e detene Croes. Por a nota tambe un aumento drastico den cantidad di rijbewijs cu ta wordo duplica. Den su   declaracion Yeremy ta declara cu  despues cu el a bai traha na Santa Cruz, hopi carchi geel a perde y a trece confusion coo cu nopor controla. Dor di esaki a bira facil pa duplica como cu e carchinan tabata perdi. Na cuminsamento di 2006, el a topa cu Raymond Maduro,kende a pidi'e pa yude cu rijbewijs sin cu e mester di pasa examen. Croes a bisa Raymond pa e duna 300 florin y e lo  regla e rijbewijs pe, como cu e mester di placa como cu e tin hopi debe y Maduro a bai di acuerdo. Maduro di su banda tambe despues a haya cu el a haya su rijbewijs facil, a busca mas hende cu tin mester di rijbewijs. Dor di esaki el a topa cu Javier E. Villa,kende tambe a laga traha algun rijbewijs. Despues cu Maduro a bai Colombia, debi cu su casa mester a haci operacion grandi, Villa a sigui cu e negoshi di busca hende pa Croes.  Cada biaha e cantidad di persona ta bira mas grandi. Mescos a pasa cu Juan A. Cruz Cruz, Gerwin E. Thiel, Pedro Javier Tromp, y Moises Carvajal Jimenez.

Fiscal a bise den su rekisitorio cu rijbewijs falso ta un peliger riba caminda, como cu un persona ta core auto, sin cu el a haya e lesnan necesario. E ta bisa cu comunidad a keda geshok pa e noticia. E mes no por a kere y e bisa con por ta posibel cu un ambtenar por tin asina tanto hende ta tuma parti den soborno hunto cune. E ta bisa cu e daño haci na KPA ta grandi y di mes cu e no tin bon nomber.  E ta bisa cu nomber di KPA no ta bon y  y dor di falta di control tur e cosnan aki ta pasa. Fiscal ta haya cu Croes a mal uso di dje y a torpedia henter e sistema.

Fiscal lo manda nomber y number di e rijbewijsnan falso Hulanda y Antiyas pa nan controla einan si algun di e rijbewijsnan por a yega einan. Fiscal ta bisa cu nan tin lista di nomber di personanan cu tin rijbewijs falso y cu nan mester entrega nan na Landsrecherche. Na principio e hendenan aki, no ta wordo deteni y interoga. Oficier ta bisa cu e kier pa kita tur e rijbewijs duplicanan for di caya. Fiscal ta bisa cu Croes ta un trahado di Gobierno y mester ta un ehempel. Dor di esaki, e pueblo a perde confiansa den KPA y den Gobierno.E ta bisa cu no ta cos cu a pasa un biaha pero a bira un negoshi, naunda cada un di e tussenpersoonnan a gana nan placa.

Demanda di sentencia
Pa e hombernan Juan Alberto de la Cruz Cruz,  Gerwin Erwin Thiel, Pedro Javier Tromp, Moises Carvajal Jimenez Fiscal a demanda 15 luna di prison. Raymond Joaquin Maduro, a haya demanda di 30 luna. Javier Eduardo Villa,  segun Fiscal a tuma e negoshi over for di Maduro a pidi 3 aña. Mientras pa e  acusado principal, Yeremy Reginald Croes, cu Fiscal a bisa cu a haci maluso di su poder di trabou Fiscal a pidi 4 aña y mei di prison. Huez ta dicta sentencia dia 28 di september.

Comments (28) >>

Show/Hide comments

Randy said:

4 anja ta poco !!!!!!!!! DO NOT DROP THE SOAP!!!!!!!!!!!!

September 10, 2007

CAD said:

Wel Wel pika bosa hopi pika ....... mi ta hanja cu e mucha nan ki a hunga cu candela i siguer nan a wordo kima... Jammer ta cu tin mas hende den e caso aki nan pero mi sa cu nan a bai Hulanda pa asina scapa pa sinta nan catigo hunto cu nan brother i primo wel wel hopi forsa pa famia nan i hoben nan e saki ta un bon ehempel.

September 10, 2007

observadora said:

es cu hasi malo tin cu paga pa nan maldad. mira con jong nan ta tristo pa mira jovennan ta haja oportunidad pa traha bai dilanti y ta hasi cosnan asina. mi ta kere prome cu tuma personanan pa traha mester screen nan prome apesar cu nan lo ta bin di bon famia. pero mi ta vraag mi mes af mira kiko ta pone hende hasi pa haja placa kiko ta pasando na aua cosnan ta caro placa no ta yega wel shonnan habri wowo pa di un manera of otro pa drecha of purba drecha e situacion na aua pa sobrevivi......

September 10, 2007

lali said:

Wel enberdad e cos a ki ta di gravedad pero ami ta haj cu fiscal ta exihi paso nan ta jong enberdad pero pakiko nan tin cu keda tanto tempo sera siendo criminal nan mes ta cana rond,e guy na ta hasi fout pero ja plaka a hinga un rol pero nan no a mata ningun hende dus jammer cu nan tin cu keda sera i cu nan tin tur dderecho di haja un chens,ta duro ora bo tin un yui sera!!! ta hopi mes,nan por apela i ami ta haja tur hende merese un chens di cuminsa di nobo,kisas nan por bai hulanda ja asina buska un otoro bida,pero ja

September 10, 2007

Alex said:

Ta bon pa nan menciona ken e guy croes ey ta,....dus famia di ken!!!! Anto pa wak tambe ta cua minister famia a dune trabou. BIBA MEP!!!!!

September 10, 2007

satellite said:

Esey ta pasa ora bo ta hasi fabor politico.......friends and family den gobierno, enbes di hendenan realmente capasita y responsabel pa hasi e trabao. Esaki ta conta pa tur partido politico!

September 10, 2007

Bito said:

na Alex cu Randy,nan tambe merese di traha toch?stop di hinka politica aden,randy sa bon di jabon...mi ta kere la pasa aden,pero nan ta of e croes ta bin di un bon famia,ya ora bo ta joung tentacion ta ponebo hasi cos stranjo....................si bo no sa di e caso no papia.....................danki na Mep cu Aruba ta bajendo poko poko dilanti,no mane e payaso ta grita ,,,Ta mi hendenan'................forsa na e famia Croes......ya la hasi malo e mester paga pe...............tur hende merese second chens den bida,pero ora bo kai bo tin cu paga pe,,,jammer pero esei ta lei di bida.........

September 10, 2007

nos said:

esey ta pasa ora nan ta biba pensa cu nan ta hasi malo anto niun hende no por touchnan,esaki ta 1 di e appel putrinan cu MEP a duna trabow

September 10, 2007

reina said:

wak cuanto latino tin aden?

September 10, 2007

CHAMUCO said:

Bito esaki ta pabo !!!!!! Con abo lo sinti bo si un hende cu rijbewijs falso dal un di bo famia "mama, tata, ruman,yiu" mata den un accident !!!! Abo lo bisa,Noooooooh e guy ney cu a bende rijbewijs merese un second chens den bida?????? >>>>>THATS BULL ......!!!

September 10, 2007

MACHO MAN said:

Na Alex cu Randy... NO PIDI MALO PA YUI DI HENDE. NAN A HACI FOUT NAN TIN CU PAGA PE.PERO NAN FAMIA NO POR WORDO CULPA PA ESEY. DIA CU BOSO DOS A " PAK DE ZEEP" NINGUN HENDE NO A BISA ALGO DI BOSO FAMIA. TA N=BIRA TEMPO PA BOSA MADURA UN TIKI I STOP DI HINCA FAMIA ADEN. BOSO TA KERE CU NAN FAMIA NO TA SUFRI ??? NO SCUPI DEN LAIRA. ESAKI TA PA E DOS SANTONAN ALEX I RANDY

September 10, 2007

Honey said:

Wel loke AMI por bisa ta cu Yeremy ta un mucha BON lanta door su majornan. Mi conoce Yeremy di mucha y mi tin cu bisa cu e ta un mucha bon lanta. Na su majornan mi ta sigur cu nan ta puntra nan mes unda nan a faya. Pero nos tur cu tin jui por pasa den e kosnan aki, ni maske cuanto nos lanta nos juinan bon. Yeremy a Hasi MALO, dus e MESTER ta sera, pero na su majornan mi ta desea nan di curazon hopi forza. Y na tur e majornan mi ta pidi boso papia hopi cu boso juinan. Papia sin kansa esey ta unico kos cu por juda. Y NO huzga niun hende paso NO lubida cu nos tur tin jui.

September 10, 2007

nacho libre said:

na boso nan tur, Nos no mester husga hende pasobra boso nan lo wordo husga pa e Dios bibo. Den bida tur hende por hasie fout, kiko bo siña di e fout lo hasie cu mañana bo ta un miho persona. corda semper cu Dios tey pa nos tur, cu solamente un Dios tin. E ta miho bo wordo husga door di hende, cu wordo husga door di Dios.

September 11, 2007

chandrika moondi said:

Si bo kima bo cos di sinta, bo tin di sinta riba e blarnan. Esaki ta e ley di naturalesa. Nan tin di hanja y sinta nan castigo. Locual nan a haci ta di condona y e asunto aki no por worde papia bon. Ley tei pa proteha comunidad den su totalidad. Ta di lamenta cu e actonan aki a start cu empleadonan publico trahando na CPA, demonstrando cu no tin ningun sorto di control di e hefenan y kada ken por haci y deshaci manera e ta hanja ta bon. Ta bon mes cu ex comisario Dompig y alto inspector Jeanet Richardson tin di bin testigua e siman aki dilanti di huez y asina expone e buraconan den e sistema di control deficiente cu a worde hiba pa e hefenan ei. Si abo sa ken tin un rijbewijs falso, meldo esaki na polis pasobra e chauffeur ei ta un peliger pa nos tur.

September 11, 2007

bito said:

Chamuccu...mi no sa si ta arubiano bo ta asina.pero mane bo ta pensa bo ta un hende hopi negativo,hendenan asina nos mester di nan......pa Aruba bai dilanti...hahahahahahah,mi ta kere bo lo ta un hende hopi santo,scupi den halto....e lo dalbo dobbel bek den bo carra!!!!

September 11, 2007

indira said:

boso no ta cansa si boso no sa ken nan ta ni pa kiko nan a hasie stop di ta pp coi loko y stop di ta hinka mep y e minister nan aden basta di politica boso no tin sentimiento ? boso sa ki d**or e ta pa e famia nan pa e fout cu nan a hasi stop di pp coi loko . stop di pp riba otro paso ainda falta hopi pa cai anto nuin hnd sa ken nan por ta dus tur esnan cu ta comenta no comenta muchu pa dsps un familiar di boso ta hinka aden boso lo mester guli boso palabra nan

September 11, 2007

chazney said:

Honey 100% pa bo.Mi ta full di acuerdo cu bo.mi tambe ta mama di un jui mujer di 6 anja.y mi ta bisa mescos.mi no ta cansa di papia.pero con e lo ta ora cu e tin 18 anja.

September 11, 2007

lesado: said:

chamuco pensa un tiki...cuanto di e hende nan ki cu tin un rijbewijs falso twt core auto hopi mas prome cu nan a hanja rijbewijs falso. Ta hopi di nan ta of twt core sin rijbewijs...dus bo no por c*lpa e guy nan ki di a dal/ of mata hende cu auto...E guy a traha e rijbewijs falso pero no ta e a manda e "chaffeur" dal hende cu auto. Bisa mi cu nunca bo no a jega di laga tentacion dominabo....??? Esaki ta bida. E tentacion ta existi ta nos tin cu bringa contra dje. Ta jammer pa e guynan ki...Y pa tur esnan cu ta pp contra e famianan..boso no sa den ki d**or nan ta pasando,,,e famianan di e hende nan ki no twt ni sa ki nan twt haciendo...dus twt un shok pa nan...si boso kier critika e guynan hasie pero no mete cu e famianan....corda cu boso tambe tin famia y cu aboso por ta den nan lugar..

September 12, 2007

Mama Arubiana said:

Mi ta hanja hopi jammer cu asina tanto hende ta reacciona y hinca politica den e cos aki, esun cu haci malo y nan a gare e ta paga p'e. Pero boso sa cuanto hende ta haci cosnan malo anto nan ta cana liber te ainda rond? Na e famia cu su juinan ta cera mi ta bisa nan gradici Dios cu e asunto a bay asina paso e hobenan aki ta hanja un chens di drecha nan foutnan na caminda y ken sa hasta nan por bira hendenan cu lo uza nan experiencia pa yuda otronan pa no haci malo, mañan. Algo mas esaki ta pa nos tur reflecciona un rato ki ta mas importante placa of bo libertad? Paso nos a bira hopi materialista anto nos a lubida riba loke realmente ta conta esta amor, respet, union, perseveracia, paz, y mas cu tur esaki Dios y su amor pa nos. Pesey no husga pa boso wordo husga. Danki Blessings

September 12, 2007

Jen said:

Wel un cos mi tin di bisa..Jammer.mucha nan jong cu a danja nan bida asina ki pero ja.Ba hasi malo consecuencia ta bin..esey ta conta pa tur hende den bida dus ja pech.Spera e anja nan di castigo sirbi pa nan reflexiona riba loke nan a hasi y cu ora nan sali nan por ta cuidadano nan productivo pa comunidad.

September 16, 2007

PH said:

BOSO BIBA BOSO MESUN BIDA OM I STOP DI PUNTA DEDE!!!!

September 17, 2007

Jen said:

Duna opinion no ta punta dede.Esey ta bida..deal with it..si bo hasi malo tin consecuencia..punto.

September 18, 2007

Real majester said:

boso meseter stop cu e coi di sinberguensa ey si mi brother jeremy hanja 4 anja y mei tur mester hanja meskos y asina ta cuminsa pensa y si un hanja 30 luna tur mester hanje asina ta ley pa un ley pa tur bon asina ta pensa stop di hasi coi sinberguensa

September 21, 2007

Real majester said:

stop di hasi coi sinberguensa cu jeremy serio

September 21, 2007

GARETH TROMP said:

ORACION PA E FAMIANAN DI E MUCHANAN AKI.PA ASINA NA HANJA HOPI FORSA I SOSTEN DI NAN AMIGONAN.DEN BIDA ORA CU BO HASI MALO BO TA PAGA PELE.DIOS SO TA ESUNCUN CU POR HUSGABO.I DI HASI MALO DEN BO BIDA,BO SINJA PABO HASI BON DEN BO BIDA.TA PESEI DIOS TA DUNA BO E OPOTUNIDAD PA BO HASI COSNAN BON DEN BO BIDA.PESEI DIOS TA BISA HASI BON PABO PROHIMONAN, PA TARDI OF TEMPRAN LO BO WORDO RECOMPESA CU COS NAN BONITA.SALUD,AMOR,FELISIDAD.E MSG AKI TA BAI PA DOS BON AMIGO DIMI, I NAN FAMIA NAN.CU DIOS BENDICIONA BOSONAN.

September 26, 2007

e berdad said:

majoria biaha nos tin cu ak prome cu huzga un persona, mster wak e motibo dikon nan ta hinka nan mes aden , porta plaka no ta jega na cas, debe nan cu no por wordu paga, hopi ta critica , pero ban papia serio , puntra bo mes si abo nunca no a jega di hasi fout, y mi sa mescos cu abo sa y ami sa nos tur a jega di hasi foutnan, y hopi di nos ta nenga.siña asepta cu fout ta keda fout, mi ta spera cu despues cu nan caba di e terrornan cu nan ta pasando aden, pa nan no hasi e cosnan aki mas, cu nan siña di nan fout, hopi di nan no ta pensa den e d**or cu nan ta laga nan famia aden.con d**or ta pa wak un ser stima den un situacion asina, corda cu majan por ta bo yiu, bo tata ,bo mama noem maar op.pesei semper keda bo mes y conforme cu loque bo ta, y cu loque bo tin, pasobra anos tin algo ariba nos cabes y rond di nos curpa, pero na otro banda di mundo tin hende cu no tin nada, simplemente na tur cu ta den e problema aki semper keda bo satisfecho cu loque bo tin,

September 29, 2007

Ana Carina said:

Un cos tin di bisa ta cu hende nan aki ta hende grandi nan sa di prome instante ora nan cuminsa cu e falsicashon di rijbewijs cu e ta malo, pero tog nan a opta pa hasie sabiendo cu tin consecuencia su tras. nan sa kiko ta bon y kiko ta malo, cu ta e caminda correcto y cu ta esun incorrecto. nan a scohe pa e incorrecto anto ya bo tin pasa den duro....y si bo no sinja bo no ta sinja nunca mas! y corda nada cu bo a hanja mal hanja bo no ta probecha di dje.

October 06, 2007

Ana Carina said:

E berdad::....... Si cen no ta yega tin otro manera honesto pa traha cen y hoooopi trabouw aki na aruba esun cu no tin paso nan mes no kier. si enberdad cen no tbt yega nan por a traha un part time.. y ta berdad nos tur ta hasi fout nan tur ora. pero ta a nan a scohe pa esey dus nan tin cu wanta consecuencia esey ta mi punto.. mi a gusta bo ultimo dos frase nan, bon commentario.

October 06, 2007

Write comment

Show/Hide comment form

Name

Email

Comment

Add Comment