ORANJESTAD – E Steakhouse Mericano mas gusta na Aruba, L.G. Smith's Steak & Chop House ta preparando pa presenta un otro homenahe culinario na Merca, cu un promocion special titula "A New Taste of America."
Di 13 di april pa 31 di mei L.G. Smith's hunto cu Certified Angus Beef y e US Meat, - Poultry y Cheese Federations lo presenta un seleccion special di platonan Mericano, compaña pa biñanan di California importa pa Arion Wine Company.
Wente Vineyards lo ta bon representa durante e promocion, cu su biñanan famoso combina cu e prome platonan y platonan principal delicioso y inovativo cu lo wordo crea pa Chef Michael Gomez hunto cu Chef Scott Popovic di Certified Angus Beef.
Funda mas di 123 aña pasa, Wente Vineyards ta e viñero mas bieu na Merca bou di operacion continuo y maneho di un famia. Awendia, e viñero ta mantene su rol di liderasgo den produccion di biña na Merca como propiedad y bou maneho di e di cuater y cinco generacionnan di famia Wente.
Combinando practicanan tradicional y inovativo di traha biña, e biñero ta consisti di mas o menos 3,000 acre di viñeronan sostenibel di estado pa crea un portfolio excelente di biña fini.
Situa net oost di San Francisco den e Livermore Valley historico, Wente Vineyards ta reconoci como un di e destinacionnan premier di biña na California, cu purbamento di biña, tremendo cuminda y golf riba nivel di campeonato.
"Biña di Californi y e estilo di bida di e pais di biña na California ta reconoci y aprecia rond mundo," Segun Carolyn Wente, kende ta di e di Cuater Generacion di famia Wente. "Nos famia ta dedica na traha biña superbo, produci sosteniblemente y cu prijsnan abou."
E biñeronan di e famia ta situa den un region cu ta conoci specialmente pa Chardonnay, Cabernet Sauvignon, Merlot y Sauvignon Blanc, tur biñanan cu ta den e portfolio di Wente Vineyards.
Eric Wente, e di Cuater Generacion di famia Wente cu ta crece biña, a dirigi e compania su operacionnan diverso cu e estilo interactivo cu e ta comparti cu su rumannan, Carolyn y Philip.
Eric a bishita Aruba pa varios ocasion y hasta a participa den e Wente Vineyard Golf Tournament na Tierra del Sol. Tambe el a conduci un cantidad di seminario di biña riba nos isla, incluyendo uno dedica na e empleadonan cu ta traha na L.G. Smith's Steak & Chop House.
Adicionalmente, Crecedornan di Biña di e di Cinco Generacion, Christine y Karl Wente ta trece ideanan y perspectivanan nobo na e negoshi den su di dos siglo di operacion, den e areanan di mercadeo y produccion di biña.
Maneho responsabel di e tereno ta un principio fundamental cu a pasa di un generacion di famia Wente pa e siguiente. E filosofia di e famia ta extende na e hardinnan organicamente cria cu ta provee berdura y fruta como tambe diferente yerba pa "The Restaurant" y e cushinanan cu ta haci catering.
Wente Vineyards ta un di e exportadornan di biña premium lider na Merca. E ta hunga un rol principal den e posicionamento di biñanan di California den e mercado global. E biñero ta bende cas un tercer di su produccion di marca na mas di 50 pais rond mundo. E top mercadonan ta Suiza, Canada, Hapon, Alemania y Hulanda.
Related Items:
| Comments () >> |
 |
 |
