|
Exposicion y Benta di Canchi di Saba |
|
|
|
|
Sunday, 23 September 2007 - 14:54 |
Un grupo chikito conoci como e "Saba Lace Ladies" lo ta exponiendo y bendiendo nan bunita canchi unico di Saba na Teak House, for di dia 5 di october pa 11 di october. Esaki ta un evento cu ta wordo teni anualmente na Caribe y e anja aki nan a scohe Aruba pa nan evento.
E Saba Lace Ladies a aserca e donjonan di Teak House ora cu Kaye Marsman-Maduro tabata bishitando e isla natal di su wela pa un bautismo na april. E isla di Saba, un isla chikito y bunita serca di St. Maarten, ta conta cu menos di 2,000 habitante y ta bon conoci pa su flora y fauna unico, como tambe su habitantenan amabel cu ta haci un extra esfuerso pa laga bo sinti bo na cas.
E hecho cu Kaye tin raiznan na Saba a inspir'e pa yuda e Lace Ladies y mas despues el a haya sa cu un di e damanan tabata traha hankies pa su bisawela ora e tabata un mucha chikito. Kaye a keda den contacto cu e Lace Ladies e ultimo lunanan aki y hunto nan a logra di organiza tur cos. Bo ta invita pa mira nan creacionnan na Teak House, dia 5 di october pa 11 di october, tur dia, di 10'or di mainta pa 5'or di atardi. Canchi di Saba Canchi di Saba ta un obra di man cuidadosamente crea pa e hende muhenan balente di e bunita y chikito isla di Saba den Antiyas Hulandes. Canchi di Saba, tambe conoci como "Spanish Work" tin un historia mesun special cu e isla di Saba mes. Panya pa mesa, napkins y bun warmers ta solamente algun di e piezanan cu hende muhenan di Saba ta crea den un variedad di color. Canchi di Saba ta djis un ehempel di e beyeza unico cu ta Saba. Nos ta spera cu bo ta disfruta di bo mesun pieza di e obra di man special aki.
| Comments () >> |
 |
 |
