| Destination Review a culmina |
|
|
|
| Monday, 01 October 2007 - 15:41 | |
 Despues di a bishita e top hotelnan di Aruba y a purba e miho cuminda cu nos isla tin pa ofrece, ehecutivonan di e mercado di viahe di reunion y grupo di incentivo a gosa di un anochi inolvidabel, cortesia di ECO Destination Management Services. E celebracion carnavalesco a cuminsa cu cocktails riba e bunita canchanan di Tierra del Sol, sigui pa un cena exkisito sirbi den e famoso Ventanas del Mar clubhouse restaurant. Despues di e tremendo cena, e VIPnan a wordo busca den un party bus y hiba pa varios bar y club nocturno, unda nan a sinya con pa baila nos canticanan di carnaval. Nan a hasta participa den un les di salsa, pa asina nan por a baila riba e ritmonan latino. E anochi a wordo organiza perfectamente pa e ekipo di Eco Destination Management Services, kendenan hunto cu Tierra del Sol a percura cu tur cos, for di e decoracionnan pa e cuminda y regalitonan, a wordo gusta pa tur hende.
Potretnan ta
mustra e bishitantenan disfrutando di nan ultimo anochi hunto cu
representantenan di e Aruba Hotel & Tourism Association, AHATA, su
organizacion di mercadeo, Meet Aruba y Eco Destination Management. |
