De Palm su DMS, Destination Management Services a score un 10 completo pa e produccion di e concierto di Oscar Leon pa e Caterpillar Group cual a tuma luga den e Hyatt Regency Ballroom. Concebi den colaboracion cu e cliente Venezolano, artistanan local, decoradornan y un ekipo profesional di cuminda y bebida, e fiesta a conta cu delicioso pasapalonan, entretenimento excitante y un decoracion spectacular.

E empleadonan di Hyatt Regency, bisti cu mascaradanan preto, a sirbi un sin fin di bebida y pasapalonan inovativo na e top ehecutivonan regional di Caterpillar y nan invitadonan.

Un grupo di baile a presenta un segmento impresionante di salsa, bisti cu e colornan di e logo di Caterpillar, sigui pa un show dramatico di acrobacia unda dos bichi humano a move un piedra humano!

E sorpresa y punto culminante di e anochi tabata e presentacion en bibo di e leyenda musical Oscar Leon, kende tabata di bishita exclusivamente pa entretene e Caterpillar Group.

De Palm Destination Services a produci un serie di cuater evento pa e grupo, tur diferente den ambiente y tema. Despues di e Anochi den Blanco y e fiesta di Oscar Leon, un fiesta riba beach y anochi di gala ta planea.

Reinventando eventonan ta un specialidad di de Palm Tours, segun Angelo Tromp, kende a comparti e responsabilidad pa e produccion perfecto di e evento hunto cu Sharleen Hengeveld y Stephanie Koole di e compania su departamento di DMS.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment