| Trahadornan di shelter den corte |
|
|
|
| Monday, 15 October 2007 - 08:40 | |||||||||||||
 E punto principal cu e trahadornan di e shelter “Dak riba mi cabez” a trata di trece dilanti den Corte ayera tabata, pa mustra Corte cu e situacion den e edificio no ta adecuado pa traha aden; pa bienestar di nan salud. Click read more pa mas detayes.
A
enfatiza cu e situacion no ta adecuado pa nan bienestar, salud y seguridad pa
sigui traha eyden manera e ta. Esaki a wordo treci den Corte dor di abogado mr.
Duijneveld den number di su clientenan.
A
splica na Huez cu esey tabata e motibo pa cual a dicidi di pone trabou abou y
hasta a logra haya atencion di e Minister encarga. A laga haci un investigacion
(e Minister), y na opinion di e mandatario e situacion ta sigur cu nan por
sigui labora. Algo cu e trahadornan no ta di acuerdo cune.
Durante
tratamento di e caso Abogado di Minister (Gobierno) a bisa cu nan no a bai
Corte pa cuestiona e legalidad di e welga of pidi pa ordena nan bai traha. Loke
nan kier ta negocia, pero enfatisando si e regal di “no work no pay”. “Bo no
por negocia asina cu cuchiu riba mesa di e forma ey. Nos por sigui negocia si,”
e abogado a bisa.
Y
a trece dilanti tambe cu no ta cuestion cu nan no kier traha, pero nan no kier
traha den e lugar ey.
Tambe
Duijneveld a trece dilanti cu nan a bolbe wordo sorprendi ayera. Diasabra ora
cu nan a reuni a palabra cu lo bini un evaluacion nobo y conhunto. Ta resulta,
segun nan a tende den Corte ayera, cu a bini un evaluacion nobo, sin cu e
trahadornan of sindicato a wordo informa. “Esaki tabata un sorpresa un tiki
amargo.”
E
situacion a wordo presenta den forma comprendibel y Huez a haci diferente
pregunta, y nan ta kere cu a keda demostra cu di berdad cu ora cu nan a pone
trabou abou, e situacion no tabata corecto pa nan por a sigui traha den manera
responsabel. Huez a haci pregunta na tanto Brandweer como DTI su
funcionarionan, kendenan a bisa bon cla cu ainda nan no ta cla pa haci e
cambionan cu tin di wordo haci.
A
wordo treci dilanti tambe cu e donjo a admiti cu tabatin asbest y expertonan a
mustra cu esaki a wordo kita di un manera iresponsabel, cu e material por spart
tur rond. Esta no a usa material special.
Mirando
e importancia di e caso aki, caminda placa of entrada di e empleadonan ta hunga
un rol, Corte a dicidi cu diarason awor caba e lo duna su veredicto.
ITF
said:
|
|||||||||||||
 |
Mi ta spera ku bosonan lo gana e kaso, paso den un situacion asina lo mi no traha nunka. Awel laga e ministerio ey bin traha eynan wak kwanto dia nan lo keda traha. Anto aboso trahadornan si mag di traha den un situacion desagradabel anto boka sera tambe nan lo kier, pio ku e sorto di e klientenan asina. Hopi forza ku boso lucha. |
Quarentona
said:
|
Ya,kiko por bisa??? Tur e cos aki ta politikeria,djies pa hasi cierto hende riku riba sodo di pober y mi ta bisa cu tardi of tempran e berdad ta prevalese.Ta nos placa lo tin cu drecha e edificio ey? y atrobe pakiko den centro? Al contrario kiko bo por saka afo????Ta mas choller nos a haya den centro.Kier meen cu enbes cos a drecha e a bira peor.Di Guatemala pa Guatepeor. Y awo ta foi nos sacu e tin cu sali ,no wonder cu placa mester caba.Ban ta serio,Caba cu e cos aki for once and for all y saca e hendenan (choller) foi centro.Join the Mep so they can kick you in your boom,boom. |
F.C Holland
said:
|
Mi ta duna mi comentario a base , cu loke cu mi sa , cu akie na hulanda a sosode, casonan di casnan cu ta contene asbest ta cas nan hopie bieuw. Cu si bo no mishie cu nan, ta ok, pero si bo kitanan , bo mester hasie na un manera profecioneel i pa hasie esakie hendenan no mag keda den e cas of e sHelter, pasobra e ta un risico masha grandie e stof fini cu bo no ta mira bo ta adem e paden i bai pa bo longnan, cual despues di tempo, bo por haja longkanker.Tuma e trahadornan serio con nan a kita e asbestnan mi no sa pero akie nan ta bistie un pak especial, mi por bisa manera un astronauta , asina peligroso eta . Akie na hulanda nan ta usa un stofzuig masha special pa por zuig e stofnan fini, despues di a kitanan |
F.C Holland
said:
|
Mi ta kere cu e minister di salubiridad, mester por sa esaki, con peligroso asbest ta .Tin hulandes, o persona cu ta traha cu shelter cu a biba na hulanda? Anto nan sa di kiko mi ta scierbi, mi mes a pasa cu esakie pa kita dos plaachi di asbest .cu twt ariba mi balcon, tur cos mester a wordo sera, e nan a bien biesti den un pak blanco di pia te cabes Aruba tin hopie casnan cu dak di asbest, tene cuenta cu esakie.Na hulanda twt tin un barco cu a wordo manda di un pais cu e otro, ningun pais twt kier a tume pa kita e asbestnan, pasobra ta un peliger pa pueblo,rond.Minister di salubiridad ser alerto, no ta un cos pa hasie menoscaso di dje. Mi ta spera cu e "Huez"hasie su trabao, pa salud di trahadonan shelter. |
abundancia
said:
|
Wel, wel, nos na Aruba ta degenera den bistimento si. Boso ta bai despensami pero ora mi a wak e na TV mi a kere cu ta e clientenan na ta filma. Esta mahos nos ta bisti. Esta vulgar. Ta con nos kier mustra e cliente cu tin un mundo miho, caminda si bo sali di e mundo cu nan ta aden bo por biba miho, bisti miho y hanja respet di bo prohimo. Pero manera e trahadornan mes ta bista,.... anto lo mi keda ta choller mes. Pasobra e no ta mucho miho cu e chollernan. Ta berdad cu Aruba ta calor pero por fabor, purba di drecha bo mesun calidad di bida prome bo drecha di esun otro. |
