| Elite Productions lanza den gran forma |
|
|
|
| Monday, 15 October 2007 - 10:55 | |||||||||||||
Diasabra anochi na Club Arias na Savaneta a tuma lugar e presentacion oficial di e compania nobo di produccion audio visual, esta “Elite Productions & Entertainment”. Despues di e debuta exitosamente cu e “Aruba Music Festival” diasabra ultimo clientenan potencial y invitadonan por a sera conoci mas di serca cu e compania. Click riba e imagen pa e video y read more pa mas informacion! Durante e presentacion por a tuma nota di tur locual e compania ta capaz di haci den cuadro di produccionnan audio-visual, di sonido, di luz pero sin lubida e set-up complete di un evento chikito y grandi.
E anochi a cuminsa cu un conferencia di prensa unda cu e
director, Sr. Krish Mahtani a splica e idea tras di e compania nobo aki cu ta
un expansion di e servicionan cu e tabata ofrece caba den pasado. Awor e lo ta
brinando hunto cu su equipo, servicio na e mercado local y den Caribe tur
locual ta trata servicionan audio visual. Despues a hiba palabra Mark-Benson
Denz cu ta encarga cu benta y mercadeo di e compania y Mark-Benson a splica cu
no ta simplemente stage, sonido y luz ta loke e compania ta ofrece. E compania
ta un “full service company” y esaki ta encera cu Elite tey pa tur loke ta
trabaonan di instalacion di sonido y video pa restaurantnan, negoshi retail,
hotels, etc etc y tambe Elite ta ofrece paketenan di mantencion y reparacion.
Ta bon pa menciona cu e compania Elite a bira e representante
oficial di DMX Music USA y cu e logro aki Elite ta provee musica di fondo pa
tanto propiedadnan comercial of residencial di cual e cliente por escohe for di
40 canal di musica cu ta apto pa su audiencia. Tambe e cliente por laga pone
mensahenan di e compania den e playlist.
Sr. Eric Clement, un legendario den e mundo audio visual,
tambe ta cu e compania aki y a splica cu Elite tin como un di su obhetivonan pa
educa hobennan riba e tereno aki. Durante e Aruba Music Festival mes Elite a
duna oportunidad na hobennan pa a traha di serca cu nan, pa asina desaroya nan
mes mas profundo den e mundo aki.
Ora e presentacion aki a caba, e invitadonan por a mira un
presentacion di video riba e pantayanan plasma di dos minuut di kiko tur e
compania por ofrece y na final a sera e presentacion cu un demonstracion di
efectonan di luz y sonido ariba diferente ritmo musical. Elite Productions & Entertainment ta situa na Eagle cu su telefonanan 583-9641 y 583-9642 y tambe nan website ta online ariba www.elite-productions.net
Emily
said:
|
|||||||||||||
 |
Hey eric, pabien y hopi exito cu e compania nobo Di parti di fam Clement na hulanda   |
pARTY wOMAN
said:
|
DI LOCUAL MI A WAK NA SAVANETA, HOPI NICE, EFFECT NAN STRANJO Y HOPI COLOROSO.. E MANSION CLUB ARIAS TA OK. DRINKS A CABA DI TEMPRAN...SO IT WAS A GOOD ONE!..  |
Quarentona
said:
|
Eric hopi pabien,mi sa cu e lo ta un exito sigur,paso nos ta recorda bo trabou na La Cabana,caminda eyden mes e muziek tabata sali hopi Zuiver.KEEP UP THE GOOD WORK!!!!! Y Exito,Suerte y Hopi Pasenshi! |
Rush magazine
said:
|
Hopi pabien, Aruba mester di ideanan nobo asina. Un compania asina ta net loke Aruba mester pa keda keep up den e mundo di Nightlife y entertainment,, Keep up the good work !!! Rush magazine. |
GARETH TROMP
said:
|
.MDI I PARTI MI KIER DESEJANAN BOSONAN HOPI EXITO DEN BOSO PROJECTONAN.PABIEN I HOPI EXITO.SPERA DI WAK BOSO NAN CU EFECTONAN ESPECTACULAR. |
