| Trahadornan di shelter a gana nan caso |
|
|
|
| Thursday, 18 October 2007 - 06:29 | |||||||||||||||||
 Trahadornan di Dak riba mi Cabes a Haya razon diaranson for di Corte. Esta cu nan tin motibo suficiente pa bai den accion. Y e ora Minister (Gobierno) no por haci uso di e filosofia di No Work No Pay. E trahadornan tabata masha contento ora cu mainta tempran e noticia aki a drenta.
Corte
den su veredicto ta bisa cu e trahadornan tin motibo pa no traha den un lugar
caminda no solamente nan salud ta na peliger, pero nan bienestar en general.
E
situacion ta dañino pa salud y seguridad, tabata loke ta aparece den e
verdicto. Algo cu Minister no tabata kere. Si el a acepta cu e edificio no ta
den condicion optimal y ya caba a cuminsa haci e cambionan necesario na dje.
A
bini dilanti tambe cu durante tratamento di e caso, a ser menciona cu a kita
algun tubo di asbest. Y cu esaki no a ser haci na e manera adecuado dor di e
compania di construccion cu mester a haci e trabou. Corte ta bisa cu ta cu
razon e empleadonan tin miedo cu tin “vezels” di asbest cu por a keda flota den
aire. Y asbest ta un material peligroso cu por causa cancer.
Corte
a ordena cu Gobierno mester bai laga haci un investigacion si no tin vezels di
asbest den aire eynan. Y esey Corte a bisa mester chek cu Valero of WEB si nan
por haci e tipo di test aki. Mr. Swaen, Abogado di Gobierno, a duna di conoce
cu ya a chek cu Valero caba, y nan no por haci e test aki. Awor ta keda pa wak
si WEB tin e ekipo necesario pa haci e test aki.
Tin
varios aspecto di seguridad cu mester cumpli cune ainda. Por ehempel, den e
gangnan no tin luznan di cu ta mustra unda cu e salida di emergencia ta. Ademas
di esey e porta patras, esun di emergencia, no tin e señal di emergencia poni
riba dje. Esaki mester por wordo haci y ademas, e porta aki na momento cu e habri
y sera, mester ta conecta riba e sistema di alarma pa esnan trahando eynan sa
cu tin ta drenta of sali.
Mirando
e situacion ariba menciona, Corte a yega na e conclusion cu tin suficiente
motibo pa e trahadornan bai den accion pues no traha den e edificio. Y esey ta
nifica na mesun momento cu cu e filosofia di “No work, no pay” no ta valido.
Gobierno mester sigui paga e trahadornan nan salario normal, te ora cu cumpli
cu tur e condicionnan cu Corte ta bisa cu mester wordo drecha. Por a compronde cu ya caba ta haciendo algun di e cambionan caba.
bratrev
said:
|
|||||||||||||||||
 |
e veredicto aki twt di spera....ta hende loco so lo bai traha den un lugar asina, Nan mester basha e lugar ey completo abou (NO TA SIRBI PA NADA) |
chandrika moondi
said:
|
Mi por a compronde cu banda di e clientenan di e shelter, ainda tin un par di trahado ta pasa nan dia ei den. Lo ta bon pa Gobierno y nan mes corda riba nan salud. Asbestosis cu ta un malesa caminda e pulmon ta danja y jena cu cicatriz ta resultado di a enhala partic*lonan di asbest cu bo no por detecta cu bo wowonan. Despues di tempo asbestosis por bira canceroso y matabo. Autoridatnan concerni per direct no mag di laga ni trahado ni cliente den e shelter mas, mientras tanto cu no ta sigur cu tin asbest si of no den aire di e edificio. Bida di cada un di nan ta masha importante. |
Judge
said:
 |
Mi ta contento cu e trahadornan a gana nan rechtzaak y mi ta spera cu e Minister conserni asumi su responsabilidad y drecha e werkomstandigheden of usa of traha un lugar nobo pa e trahadornan ki por ejerce nan trabow bon y gezond. saludos  |
ate
said:
|
Hopi bon. I ta ken ta esnan cu a perde den e caso aki anto???????????//// |
Quarentona
said:
|
Eso.Bo mes sa tur caminda mester tin algun chupado cu miedo di represalia.O shon ta bo derecho of bo no ta stima bo mes????warda otro gobierno sinta ,ta cas bo ta bay bek. |
Toribio
said:
|
Pabién, esei ta nifica cu tín HUSTICIA na Aruba. awor mester basha e edificio ei abou completamente. E minister concerní mester bai punt uit.... kiko NO work No pay Laga é mes bai traha den asbest!!!! |
Honey
said:
|
Quarentona, ami ta haja ta cada ken nan derecho pa nan sa ki nan ta hasi. No ta nada di chupado mane bo kiermeen y esaki no tin nada di haber cu Gobierno lo bai cambia. Ni tampoko cu e trahadornan ta bai kas SI un Gobierno nobo sinta. AKi ta cuestion cu e luga ta den un mal estado y MINISTER of e doñonan tin cu para responsable p DRECHA E LUGA MAS PRONTO CU TA POSIBLE!!!! |
