| 12 luna di prison pa acusado cu 97 bolita |
|
|
|
| Monday, 22 October 2007 - 08:52 | |
E acusado Maxwell Okechukwu Egbujor, si e tabata presente lo a tende cu e
mester bai un aña den prison pa purba di exporta 97 bolita den su curpa, cu ta
ekivalente na 1107 gram. Segun e procesverbaal na momento cu e kier a bai
Estados Unidos, e USA Custom a ripara cu e homber ta sospechoso. El a hibe y
entregue na departamento di Duana di Aruba, cu a cuminsa cu e
investigacion.
Fiscal ta bisa cu el a
wordo atrapa na momento cu e kier a exporta e cantidad di cocaina. E acusado
mes a declara cu su situacion financiero ta malo, y cu e tin un ruman malo na Nigeria y e mester di placa pa paga
dokter. E mes ta biba na Corsow. E ta declara cu un persona a acerke na Corsow
pa e hiba e droga pe via di Estados Unidos pa London. Abogado Van der Sloot den
su defensa ta bisa cu e Duanero di USA cu a ripare, no tabatin e autorisacion
pa haci e detencion.
Fiscal ta bisa cu tin un tratado den statuut, cu si enberdad e ta biba na Corsow, por manda buske pa e pasa su castigo, pa e hecho castigabel cu el a haci su mes culpabel na dje. Fiscal a demanda un castigo di 12 luna. Su abogado van der Sloot ta bisa cu e ta haya e sospecho no legal, Fiscal ta bisa cu e homber mes a lanta sospecho como cu el a trata nervioso. E duana a para, papia cune y tin autorisacion y tambe a mustra e sospechoso riba su derechonan Fiscal ta bisa cu e Duanero no a haci mal uso di su autorisacion. Laboratorio a duna como resultado cu ta trata di cocaina. Fiscal ta bisa cu e ta biba na Corsow, y si e ta inskribi na Censo, e mester wordo entrega na Aruba segun e tratado den Statuut. Huez den su sentencia ta recorda e abogado, cu tur Duana na Aruba por controla tur hende riba aeropuerto. Si un US Custom tin sospecho cu un hende tin droga, e ta detene y hibe pa e Duana di Aruba. Nan mag di detene un hende si nan tin sospechoso. Relaciona cu su problema personal, Huez a bisa cu tur hende cu bin akinan cu droga, tin problema financiero. El a bai di acuerdo cu e demanda di Fiscal y a condene na 12 luna di prison. |
