| Caso di internet cafe contro gobierno |
|
|
|
| Wednesday, 31 October 2007 - 08:26 | |||||||||||||
|
Un Internet Café a cuminsa un caso contra Gobierno pa motibo cu e
departamento concerni, DTZ kier strobe nan di importa un aparato, pa haci comunicacion telefon
via di computer. Andin
Bikker a splica cu e aparato cu nan ta papiando di dje por wordo cumpra riba
Internet pa menos cu 100 dollar. E aparatonan aki bo por hinca un of dos SIM
card den dje.
Y si mester yama un mobil di SETAR, ta hacie via e chip di SETAR
y sit a esun di Digicel ta hacie via chip di e compania aki, of haciendo uso di
linea fiho. Pues ta spaar placa cu tecnologia y toch SETAR ta gana. Na tur pais
por haci uso di dje, segun Andin Bikker kende tabata e Abogado cu a representa
Internet Café.
E
problema, segun e ta bisa, ta cu DTZ no ta independiente. Te dia di awe no a
moderniza leynan di telecomunicacion y ta sigui protégé e compania nacional. “E
consumidor ta bai atras pasobra e no tin e beneficio pa haci uso di e
tecnologianan cu e por haci uso di e tecnologianan cu ta dispnibel riba
Internet. Nos a gana e caso aki dia 7 di juli cu a pasa. Huez a declara e ley
bieuw di telecomunicacion como “onverbindend” pa e tipo di aparatonan aki,
Esaki pasobra SETAR mes ta haci uso di e tipo di aparatonan aki pa yama via
Internet. Blue Phone, ta haci yamada via aparato similar cu esun aki.” Awor a yega un cargamento nobo cu a yega y
Gobierno ta bolbe para riba cu e no mag drenta y pesey nan mester a bai Corte
atrobe. Gobierno kier aplica leynan di 1909 riba tecnologianan di 2007.
SWAEN
Abogado
Swaen a splica cu tat rata di un aparato nobo, cu ta pega e aparato riba e plug
di SETAR. “E no ta un aparato chikito; e ta grandi. E no ta un box chikito
manera nan ta bisa,” Swaen a sigura.Den
e aparato tin un chip y e ta converti e linea di telefon fiho den uno di
cellular. Dor di esaki, ta deshaci di un schakel den e comunicacion y cual
consecuentemente ta haci e yamada mas barata.Gobierno
ta di opinion cu pa haci uso di e box aki, mester haya un permiso di e
departamento concerni, esta DTZ, pa cual Douane no a permiti pa e wordo saca y
drenta circulacion.
Huez
a studia e caso y a dicidi di bini cu un proposicion. A sugeri na e partidonan
pa sinta na mesa y trata di yega na un acuerdo. El a duna nan un siman di tempo
y si no logra un acuerdo, e ta spera nan bek den Corte otro siman diarason, pa
informe di e desaroyo. Si informa Gobierno cu no a yega na un acuerdo, anto e
ora Huez lo trata pa duna su veredicto un siman despues di esey. Pues e ora aki
dos siman.
DTZ,
e departamento di Gobierno pa control riba tur loke ta comunicacion, ta kere cu
pa haci uso di e aparato aki mester di un permiso di nan. Mientras cu esnan di
e Internet Café no ta kere cu esaki ta e caso. Si duna permiso mes, Swaen no ta bisa cu esaki lo ta e caso, e ora e lo mester ta regula. Entre otro lo mester bai dicidi kico lo ta e tarifanan. Ademas manera cu esnan di Internet Café kier haci, nan lo bai ta usando e telefon duro di SETAR, linea duro di SETAR, frecuencia di e telefonnan mobil. E no tin permiso ni pa mobil ni pa telefon duro. Pues usurpa tur esak, y pesey nan mester di un permiso esey.
moderno
said:
|
|||||||||||||
 |
Tur cos cu por juda aruba pa asina keda cu un tiki placa nan ta contra. Ari Swean mes tin placa e no ta sinti gana of perde caso e ta cobra tog. Ke hubo di Sra Anna cu awor cu esaki si e por resta placa pa come un pida pan. Dos cos tin e gobierno ki tin di move of tur rubiano mester bula afor pasa aruba no ta un pida baranca mas e a bira un bol di ............. |
Presidente
said:
|
Bo sa cua partido lo ta un bon partido pa Goberna?? DR.!!! Nan lo lanta caso contra nan mes, pasobra e no ta compronde cu esaki, mihor ela laga un persona cu no ta envolvi den politica haci esaki. E ta lubida cu dia e drenta den Gobierno, Hesuuuuu, ta fiesta lo bay haci cu ne. E ta continuamente( pafor di gobierno) ta ataka departamentonan di Gobierno, hibandonan corte y ed kier drenta algun dia den gobierno, despues cu ela caba di manda tur di nan corte. Andin, bin bij. Jammer cu abo a bira asina. Bo twt un bon persona, pero bo a kibra bo mes caba. Mi a vota pa bo, tempo cu bo twt ariba lista di MEP. |
djuli
said:
|
AMI SI TA CONTENTO CU ANDIN, DANKI NA ANDIN AWE MI POR TIN UN CELULAR. CELULAR Y TELEFOON NO TA UN LUHO MAS. |
Lisandro
said:
|
Mi ta kere cu Andin ta hasiendo un trabou fantastiko paso e como poltico apesar cu e no ta den parlamento pero toch e ta sa di sali na defensa di e pueblo pa asina NOS como pueblo por probecha di e tecknologia cu nos tin awendia...tanto bal esnan cu ta den gobierno paso nan mes no ta pensa riba e tipo di cosnan asina.. cu tin hendenan cu kier keda tras ta nan asunto pero no strobe esnan cu kier bai dilanti hasiendo huso di di cosnan moderno..esun cu kier keda tras , keda tras numa...Saludos ! |
Presidente
said:
|
Defensa di cua pueblo?? No esun di Arubianonan. Mi ta full di acuerdo cu technologia di awendia ta uno hopi bon. Y cada ken por haci uso di dje. Y di un banda ta bon cu por cambia e leynan di telecomunicacion. Y mi ta spera cu Andin bin awor y cuminsa habri wowo di politiconan tocante leynan di hack den computer di hende. Mi ta puntra mi mes, dicon e no a bin cu esey, prome cu esun di internet cafe?? Ahhh, berdad, pasobra e ora e no ta gana placa cu n'e y esun di Internet cafe si. |
