|
Despues di oras ta sinta scucha Abogadonan di hospital y sindicato ABV
hiba palabra, Huez a dicidi cu e trahadornan di hospital tin derecho pa welga.
Y cu awe den careda di 4’or di atardi e lo dicta fayo. Ayera
mainta Gerencia di Hospital a entrega un peticion urgente na Corte pa un caso
sumario pidiendo Corte pa ordena e trahadornan pa reanuda trabou, pa hospital
por sigui brinda e servicio manera ta.
Anoud
Boerstra, director Medico di Hospital pa medio di su abogado a trece dilanti
den Corte cu a dicidi ayera mainta pa cuminsa e caso sumario na momento cu nan
a constata cu e manera cu e accion tabata tumando lugar tabata inaceptabel pa gerencia y pasobra e calidad
di cuido pa nan pashentnan tan a peliger. A wordo ilustra e situacion cu ta
surgi cuido di pashentnan, entre otro e bañamento, pero tambe cu no por
suministra remedi comokiera cu persona di Botica tambe ta den accion.
Di
otro banda a wordo bisa cu gerencia di hospital ta hacienda todo por todo pa
logra yega na un acuerdo cu AZV pa nan por mira con leu nan por yega den e
demanda di e trahadornan tambe. Ayera, esta dialuna caba a cuminsa reuni cu
AZV. Un reunion cu a sigui ayera mainta, pero a wordo posponi pa tratamento di
e caso den Corte y djei a sigui pa 4’or di atardi atrobe,.
ABV
di su banda a trece dilanti cu e pasenshi di su miembronan a wordo basta getest
caba, pasobra ta basta luna caba nan ta den e negociacion aki y te hasta a pone
un cooling off periodo cu no a duna resultado.
Pa
3.20 e delegacion di sindicato ABV cu por a drenta paden a sali for di edificio
di Corte y a expresa lo siguiente na su miembronan: “Huez no a dicta sentencia
ainda; e ta bai haci esey mayan (awe) banda di 4’or. Es decir, accion ta sigui.
Unico cos cu huez apidi ta pa nos bai bek na un week-end pasobra tin poco
peliger ta core aworaki.”
Tabatin
algun miembro cu no tabata mucho di acuerdo cu mientras cu ta sperando e
decision di Corte, tad al un “paso atras” pa bai na accion di week-end dienst.
Segun Presidente di
ABV, Bart v d. Putten, na momento cu Huez a bisa cu e veredicto lo ta diarason,
el a bisa tambe cu e trahadornan tin derecho di welga.
| Comments () >> |
 |
 |
