Diaranson den oranan di atardi un gran cantidad di trahador a presenta na Corte pa scucha e veredicto den e caso cu Stichting Ziekenverpleging Aruba a cuminsa contra {ABV). Pa exactamente 4’or a keda ratifica e derecho di welga di e trahadornan, pero cu garantia cu nan mester duna. E sindicato y e trahadornan a considera e decision aki di tur manera un triunfo.

Den e contra demanda di e sindicato nan a pidi pa Corte apunta un experto financiero independiente pa haci un evaluacion di e cifranan di hospital pa mira si di berdad no tin espacio pa duna nan e aumento cu nan ta pi y cual nan no a conoce for di 2001.

Den e caso aki a wordo treci dilanti cu e situacion a yega di e leu ey caminda suministra di remedi a yega bou di su punto minimo. Y esaki hospital tin miedo cu e por tin consecuencia ireparabel.  Esaki mientras cu, segun hospital, nan nunca lo por yge na e resultado desea. Esaki pasobra pa hospital por duna e sindicato loke nan ta pidi, nan ta totalmente dependiente di AZV pa esaki. Of di resultado di e negociacionnan cu tin andando awor. Como cu e negociacionnan ta andando, gerencia di hospital a bisa cu e accionnan tabata premature y ta causa hopi dañ na tercera persona. E unico cos di balor cu hospital tin ta en gran parte edificio y instalacionnan y esakinan no por wordo usa pa aumento di salario.

Corte den su veredicto ta cuminsa pa bisa cu e derecho pa tene accion colectivo no por wordo limita cu ponencia di hospital cu e accion ta prematuro y cu e hospital mes no tin e recursonan. Ademas di esey, Corte ta bisa cu Bond a duna hospital suficiente tempo caba pa busca un solucion pa e problemanan financiero cu hospital a bisa cu nan tin. E hecho cu otronan ta sufri daño cu e accion aki, toch no ta hacie algo illegal.

Y tampoco tin daño asina grandi pa bisa cu e ta illegal.

E punto principalmente di Hospital tabata cu e accionnan of welga ta trece salud di pueblo na peliger. “Ongemak” cu un pashent ta pasa aden, no ta forma parti di peliger pa bisa cu e accion ta illegal.  Y e hecho cu ta un solo hospital tin aki tampoco.

Si Corte a bisa cu aplicando e servicio di anochi si por causa daño, caminda solamente e cuido sumamente necesario so ta wordo duna, y esaki por wordo haci solamente apsobra den dia ya caba mayoria di cuido a tuma lugar. Pero aworaki no tin e cuido ey den dia tampoco.  Bond a priminti di pone personal aserca ora cu esaki resulta sumamente necesario, pero Corte no ta haya esaki suficiente.

Corte ta bisa cu e por a saca afor di e palabranan aki cu Bond tin pensa pa sigui cu nan accion y e ora e servicio di anochi lo no ta algo incidental mas.

Pesey Corte a evalua cual ta e besetting minimo cu mester tin pa duna e cuido minimo, sin cu ta haci e derecho di welga ta bira algo inaceptabel.  Corte a constata cu Hospital no kier discuti esaki cu Bond Oesey Huez mester a tuma un decision den esaki. Y esey ta no por permiti draai solamente nachtdienst. Esaki ta inaceptabel.  E minimo cuido por ser duna si aplica por lo menos e zondagdienst. Y otro departamentonan tamnbe lo mester haci lo minimo pa e zondagdienst por funciona.

Hospital como esun cu a perde e caso, mester carga cu e gastonan di e procedura,.

Comments (3) >>

Show/Hide comments

Mistery said:

Awel si despues di un paar di dia ta pafo, nos a hanja loke nos twt kier!!!! Awo nos ta bai sigi hasi nos trb cu hopi amor, manera semper!!!!!!!!!

November 01, 2007

djuli said:

Pabien trahadornan boso merece mihor.

November 01, 2007

claro said:

ai no....stop di hasie coi loco hende nan. Please bay traha back pe a pueblo di aruba. Leeuomay cu tur e energia nan aki. wrda nan tur pa carnaval 2008

November 23, 2007

Write comment

Show/Hide comment form

Name

Email

Comment

Add Comment