Dia 2 di december, E programa di television Bestial lo inicia cu e campaña “Ken ta stima ami?”.Riba plaza di Ling & Sons. Amantenan di cacho por bini hunto pa por aporta pa por rescata e 10 cachonan. Grandi y chikito lo bini hunto pa aporta na e dogwash special di BESTIAL.

Camara di Bestial lo filma durante henter e dia. Magic lo ta live, Los Sobrinitos, Impac y Edjean Semeleer lo percura pa anima e evenemento. E famoso Eric Alexis lo pinta cara di e muchanan presente. Check Point Color lo tey pa saca potret cu e famoso Jake di Bestial y di e cachonan cu a pasa dor di un “mini metamorfose”.

Despues cu a inicia cu e programa Bestial na television y a cosecha un aña di exito y reaccion positivo di e pueblo,  awor ta na su lugar pa Bestial duna algo bek na nos bestianan stima. Bestial kier realmente nifica algo valioso pa e bestianan. E “Campaña Ken ta stima ami?”a nace for di e necesidad pa yuda remedia e situacion penoso di hopi cacho, despues cu a mira cu propio wowo e sufrimento cruel cu tin riba caya, pero cu hopi ta escohe pa ignora. Cu e campaña aki Bestial kier trata di scapa 10 bida valioso di cacho cu AWE ta biba riba caya. Nos meta ta pa mustra y concientisa e pueblo di Aruba riba situacionnan real cu e cachonan ta biba aden. Nos lo mustra na pueblo cu SI por saca nan for di e situacion aki y nos kier concientisa un y tur cu esaki no mag di sigui pasa na Aruba y nos ta ilustra tur esaki tambe den e programa.

Comments (2) >>

Show/Hide comments

EDPMK said:

aMI TA STIMA SU NANISHI, NANISHI FREEUW TUTU ASINA.

November 08, 2007

Diamond7344 said:

Hopi bon sigi asina!!! Spera cu asina e hende por bira mas conciente cu mester cuida nan bestianan. Saludos....

November 09, 2007

Write comment

Show/Hide comment form

Name

Email

Comment

Add Comment