Den e afan pa duna e ehempel na nos comunidad pa incentiva e idea di yuda esnan cu tin menos recurso, MAGIC FM a disidi di hasi algo special den e espiritu aki; E idea a sali for di mente y curason di e man drechi di e emisora directora financiero, cu ta Jaqueline Erasmus. Click read more pa lesa mas di e bunita iniciativa aki!
Jaqueline a bisa "Erin, pakiko
nos no ta hasi entrega na diferente famia humilde aki na Aruba un
pasco felis, algo cu por trese un sonrisa riba nan cara, cu nan tambe
manera nos por disfruta, ham, kalakuna, ayacka, e cah’i cerbes,
coecoei, refresco, buscuchi, pandushi etc etc…. pues pa nan come y bebe
algo, tin un kerstboom na nan cas". Tur esaki Erin a considera un idea
fantastico y a gare cu brasa habri y a bisa e ta un tremendo idea…Awor
e pregunta a surgi ken y cuanto famia ? Nos a lanta un comishon cu a
haya e nomber di Na Drempel foundation, cu na su debido momento lo ser
funda oficialmente tambe, pero cu lo tin como meta , hasi e tipo di
proyectonan caritativo aki; E cantidad di e famianan lo ta
dieznuebe..na honor di e 19 aniversario di e programa.
Con nos lo haya
e 19 famianan aki? E secretaria di nos comishon cu ta Stevalies
Cardenas a tuma contakto cu Sociale zaken cu tin e nombernan aki, y
hasi un investigashon pa haya e nombernan aki y MAGIC y NA DREMPEL lo
bai over na entrega e 19 famianan aki…nan regalo di pasko, pa un pasko
felis….lo bo pensa 19 ta poko, enberdad lo a desea di por hasi mas,
sinembargo laga esaki ta un simbolo, laga esaki ta un inspirashon pa un
y tur cu ta biba na aruba, sintie como un mensahe di lokual cu pasko
realmente ta ninfica y mester representa pa nos; esaki ta loke kiermeen
pasko, "yuda otronan cu no por..yuda esnan den nesesidad"…laga esaki ta
e muestra di con nos por gana un fabor serka Papa Dios y esaki ta door
di yuda un otro….y esaki realmente ta henter e mensahe tras di e idea
di e 19 famianan cu lo risibi nan regalo di pasko , cu mi ta sigur lo
trese un bunita sonrisa riba nan cara y den nan curason..nos lo laga
nan sa cu nos tei pa nan y cu nos ta yuda.
Si abo amigo haya e
oportundad aki, e no mester ta hopi, si bo cuminsa siquiera yuda bo
bisinja, un conocir cu bo sa cu tin mester ..ta yena nos cu
satisfaccion inmenso…di e forma ei nos ta gradisi Papa Dios pa tur e
bendishonan cu ela permiti pa nos gosa di nan; …e entrega lo tuma lugar
den e siman di pasko…..NA DREMPEL di fin di aña di e forma aki kier
inspira un y tur pa hasi mescos…..ta palabranan di Erin Croes,
directora di e emisora.
Y n'e mesun momento MAGIC FM y NA DREMPEL ta manda un palabra di danki
na tur esnan cu ta bai coopera, nos amigonan comerciante..aki na Aruba
nos ta conosi como hendenan masha caluroso y cariñoso..y mi ta sigur cu
e lo hasi un diferencia den nos comunidad.
| Comments () >> |
 |
 |
