Recientemente tabata tin un vuelta eliminatorio pa loke ta trata 4 simannan di Qualifying Round, pa loke ta Aruba Karaoke Idol. Te cu asina leu cu nos a bin di compronde for di e Comite Organizador, diamars awor, esta dia 20 di November, Aruba henter lo haya sa ta kendenan ta esnan cu lo sigui pa e siguiente vuelta, en espera di e anochi final, cual lo ta dia 18 di December. Click read more pa mas detayes.

Diamars anochi a participa 10 cantante di caliber, cualnan ta Angelique Kelly, Robert Vrolijk, kende por cierto a haci un sublime presentacion cu e cancion La Bamba, Elvys Lugo, kende, segun hurado, ta un tremendo Lounge Singer, cu sigur sigur a yama nan atencion y di esun di e publico.

Nos tin cu bisa si, cu Aruba tin su Eddy Herrera, pasobra e voz tabata inconfundible.

Francella Jacobs, kende na comienzo tabata tin score casi perfecto di 99, pero si a sa di duna un show y tabata tin su fanaticonan cu a sa di respalde durante henter su show.

Joycelyn Alexander, Leo Geerman, Cynthia Richardson, kende nos tin cu bisa cu “Fantasia”, Aruba tambe tin su “Own R’n B Singer”.

Angeline Henriquez, Francis Rosel y Sharitzka Robles de Medina, kende a score hopi halto cu e cancion Zombie, di Cranberries.

Loke nos a bin compronde di e publico, cu sinembargo di e super bon presentacionnan di e publico, e sonido di e machine tabata un tiki halto cu a haci cu cierto cantantenan, casi bo no tabata scucha su stem, pero por lo general, tabata un anochi sumamente dushi, cu apoyo di tur banda pa e cantantenan.

Nos tin di bisa cu hurado, siguramente tin masha, pero masha hopi trabao pa scoge e finalistanan cu lo bay canta den e siguiente vuelta y ainda, nos tin siman number 6, cu ta diamars awor, dia 20 di November cu e siguiente cantantenan.

Julius Martis, Simadis Marhwell, Lia de Cuba, Ezequiel V. Roario, Laura Jaramillo, Jaime Robles de Medina, Chris Semerel, Jogy Ruiz, Alex Raven y por ultimo, Giselle Geerman.

Nos tin di bisa cu e ultimo dia aki, tin cantantenan cu a yega di participa anteriormente den festivalnan grandi y a sa di bay cu premio. No tin di descarta cu e simannan previo, tambe tin cantantenan grandi, kendenan sigur ta en espera di e resultado final, ya cu sin descarta, Nan ta Super Bon.

Pues, competencia tin.

Aruba, bin presencia presentacionnan di taya, cantantenan di caliber, cu sigur lo deleitabo cu cancionnan di semper, den forma di Karaoke, demostrando cu Aruba si tin talento.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment