| Rush magazine a celebra su salida |
|
|
|
| Friday, 16 November 2007 - 08:10 | |
 Recientemente tabatin e “official launching” di Rush magazine na Ra sushi. Sr. Ruell Justina, a splica con e la yega na e idea pa introduci un revista, cu ya ta asina popular, riba e mercado di Aruba. Su pasion pa extreme lifestyle a cuminza for di tempo cu e ta mucha y tabata bikecross despues skateboard, rollerblade y actualmente ta bodyboard.
Semper el’a sinti cu falta algo manera
Rush Magazine pa duna e atletanan di extreme sports mas forza y smaak pa
asina por bira mihor den esaki y asina tambe por hasta mira den futuro mas
campeonnan mundial den extreme sports pa asina por saca cara di Aruba.
Tambe
sr. Justina a papia di e Rush Productions, cu no solamante e kier bin cu e
revista pero tambe organiza competencia y actividadnan di extreme sports.
Door di lanta un productions, e oportunidanan ta mas amplio pa por haci
esaki y activa e extreme lifestyle den nos hubentud. Rush ta un soño cu a bira
realidad pa sr. Justina, un hoben dinamico y determina di apenas 26 aña. Cu
Rush Magazine e kier pone otro hendenan nan soño tambe bira realidad. Awor cu
tin e revista aki mas hende por lesa over di e nos atletanan cu ta bon den
un of otro extreme sports y hasta den futuro haya sponsers, pasobra awor tin un
revista cu ta pone e pueblo na altura di e acontecimientonan y desaroyo di
e deportista y e deportenan di extreme sport y tambe e extreme lifestyle, dus e
fiestanan, tambe musica, style di bisti, etc., lo haya atencion.
E
ambiente e anochi special aki den Ra sushi tabata hopi ameno y completamente
yen. E set up di e lugar tabata decora na un manera profesional cu un banner
zuiver y flat screen den backround cu visualizacion di differente extreme
sports cu a haci cu a duna un esfera moderno. E musica tabata na ordo y tabata
tin un open bar te cu 10’or di anochi cu sushinan delicioso di RA Sushi unda a
celebra cu alegria e yegada di Rush Magazine. Despues e after party a sigui te
den oranan di marduga unda tur hende tabata contento y orguoyoso di e revista
di momento Rush Magazine.
Algo
tambe cu a hala hopi atencion tabata e t-shirtnan di Rush cu Ruell Justina y
Alexander Lejuez tabata tin bisti, pero e highlight mes tabata e Miss Rushnan
cu nan Top sumamente atractivo y trendy, pa e mucha muhernan cu ta “in”. Pronto
e t-shirt y topnan lo ta obtenibel riba mercado, sper’e!
Pabien na e hoben Ruell Justina cu su logro di pone Rush Magazine riba mercado. |
