| Introdans lo ta na Aruba den december |
|
|
|
| Friday, 16 November 2007 - 08:25 | |
 Riba e dianan 6, 7 y 8 di december Aruba di nobo por disfruta di e grupo profesional di baile INTRODANS, cu ta den e top 3 di e mihor gruponan di baile den nan pais Hulanda. E grupo aki ta uno unico na Europa ya cu nan ta focus pa haci baile moderno y di nivel halto accesibel pa un publico grandi door di pone elementonan comico y “speels” den nan coreografianan.
Esaki sobre todo tambe pa
atrae hobennan na e arte di baile. 6 di december pa 4’or lo tin un workshop pa
docentenan di baile y pa bailarinnan di nivel mas halto, cu lo mustra con pa
pone e metodo di Introdans den praktica, cu ta focus riba traha cu hoben.
Despues di e workshop aki ta sigui pa 5.45pm un workshop pa mucha entre 8 pa 14
aña pa mustra e participantenan di e prome workshop e praktica di e tecnicanan
siña den nan workshop.
Diabierna 7 di december INTRODANS ta duna dos funccion cera pa skolnan so, mientras cu riba 8 di december tin funccion habri pa publico en general pa 4.00pm y 8.00pm. Nan lo baila e combinacion di coreografianan jama VANMANENMIX cu ta ensera entro otro e bailenan ‘Sticky Pieces’ (hende pega na otro) y e colorido ‘Polish Pieces’. Adulto ta paga afls. 25,- y hoben te cu 18 aña ta paga 15,-. Carchi obtenibel na Van Dorp Dakota y na Cas di Cultura. E projecto aki ta wordo haci posibel entre otro pa di Cas di Cultura, Prins Bernhard Cultuur Fonds, Instituto di Cultura y AHATA. |
