The Clown Doctors a entretene ancianonan na Flora Market, mustrando nan rond di e bunita tienda di mata y fuente pa decoracion di cas, sigui pa un tiki diberticion mientras cu nan a saborea cos dushi, cuki y coffee di Taste of Belgium.

Flora Market tabata un sponsor principal di e Clown Doctors henter e anja aki y na honor di e temporada di fin di anja e habitantenan anciano di Maris Stella a gosa di un actividad dibertido.

Riba e potretnan por mira e Coffee Klatch den e ambiente di fin di anja na Flora Market.

The Clown Doctors ta e profesionalnan medico mas stima na Aruba y ta trece alegria pa e muchanan na Hospital Horacio Oduber. The Clown Doctors ta un organizacion caritativo cu ta depende riba e sponsornan generoso manera Flora Market, pa continuacion di nan servicionan comico na muchanan cu ta malo y nan famianan. E payasonan tambe ta bishita  Maris Stella y ta provee amistad pa e ancianonan. Tambe nan ta bishita scolnan pa muchanan cu necesidadnan special y ta mehora na habilidadnan di comunica dor di hunga y interaccion personal.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment