Hopi ta e yamadanan y reaccionan cu Cable TV Aruba ta ricibiendo di parti di comunidad relaciona cu e introduccion di “High-Definition” (HDTV) y e canalnan nobo di Discovery Channel. Ora cu clientenan ta cumpra un flat screen nobo hopi biaha nan ta puntra con por haci uso di e señal High-Definition cu Cable TV ta ofrece. Tambe ta puntra con pa haya e señal digital cu ta duna mihor calidad cu e señal analog.

Cable TV Aruba tin awor 2 canal den formato di HDTV. Esaki ta e canalnan National Geographic HD (canal 600) y WEALTH Channel HD (canal 601). Pa ricibi e canalnan aki mester un receiver (“set-top box”)  digital cu ta “HDTV ready” y tambe e television mester ta HD. Entre e Box y e Television mester un kabel special cu ta sea DVI of HDMI cable. Esaki ta un kabel special cu ta transmiti e señal di audio y video den forma digital, sin afecta e señal.

E receiver HD ready cu Cable TV ta ofrece ta e asina yama HD DIGITAL VIDEO RECORDERS (DVR) den dos modelo, uno di “single tuner” (cu ta graba un canal) y esun “dual tuner” cu por graba dos canal na mes momento. Esaki ta un box cu por graba tur show preferi riba un “hard disk” cu ta den e DVR, asina no mester di VHS of otro tipo di tape mas. Mas ainda lo bo no perde niun momento di bo película of noticia na momento cu mester atende telefoon of lanta bay den cushina, djis primi pause ariba bo remote y na momento cu bo ta back dilanti bo television bo por sigui wak bo programa. Cu e DIGITAL VIDEO RECORDERS (DVR) abo ta tuma e control ariba bo television.

Manera ta conoci, recientemente Cable TV Aruba a agrega diferente canalnan nobo digital, di cual 7 ta di Discovery Channel. E canalnan di Discovery ta hopi educativo y recreativo y ta  inclui:

Discovery KIDS (canal 63) cu programanan educativo pa nos chikitonan.

Discovery ANIMAL PLANET (canal 64) cu ta presenta tur sorto di programma di nos mundo animal

Discovery TURBO (canal 77) pa e amantenan di velocidad y machinaria.

Discovery SCIENCE (canal 78) cu tambe ta un canal hopi educativo tocante sciencia en general

Discovery CIVILIZATION (canal 79) cu ta presenta programanan interesante tocante civilizacion.

Discovery HOME and HEALTH (canal 90) cu un lista di programacion amplio educativo y recreativo tocante hogar y salud.

Discovery TRAVEL and LIVING (canal 91) cu ta presenta un programacion tocante viajenan rond di mundo y manera di biba di diferente paisnan/comunidadnan.

Ademas di esey, Cable TV Aruba tambe a agrega WEALTH channel (canal 96) riba su lista extenso di canalnan cu awor ta conta cu 154 canal di cual 50 ta canalnan di musica (audio) cu sonido digital. Ademas, tin 13 canalnan di pay per view, cu ta presenta tur luna peliculanan diferente pa tur esnan cu tin e sistema digital. Awor clientenan por disfruta di peliculanan via e sistema di Cable TV Aruba for di comodidad di nan propio cas y na e ora cu ta combini nan mihor. Pa mas informacion y ofertanan di e receiver special cu tambe tin e capacidad di graba (DVR), por acudi na oficina di Cable TV Aruba na Caya G.F. Betico Croes 200.

Comments (3) >>

Show/Hide comments

Edsel said:

Ya cu boso nan a buta un bunita update di e famoso Cable TV su programma nan, ki bo spanta nos cu e prijs di e set up box

December 18, 2007

chandrika moondi said:

Dikon Cable TV no ta splika nos cu no ta necesario pa tin un DVR pa ricibi tur HD programma. Ta solamente pa e programmanan cu nan ta kwalifika como 'premium channels" y cu ta 'encrypted', so bo mester di un di nan DVR. Si mi receiver box tin QAM (Quadrature Amplitude Modulation) of mi HDTV tin QAM como componente mi no tin mester di un DVR pa ricibi unencrypted channels (ABC, CBS, NBC,CNN etc etc). Please splika nos ta pakiko boso ta forza nos pa cumpra un DVR carisimo mes serca boso y no ta corda cu hopi hende lo no tin plaka suficiente pa cumpra un di boso DVR.

December 18, 2007

ArubianoInHolland said:

Ki dia cable tv Aruba ta pone mas canal pa hubentud????? Pakiko ainda nos no por tin MTV, VH1??? Nos ta e unico pais na mundo cu no tin e canal nan aki riba nos sistema.

December 20, 2007

Write comment

Show/Hide comment form

Name

Email

Comment

Add Comment