Fraccion di RED ta habri aña cu iniciativa di ley pa cambia ley di “overbruggingstoelage. Fraccion di RED a haci entrega di e iniciativa di ley pa elimina e gran inhusticia cu politiconan a crea pa nan mes, esta e sistema di “overbruggingstoelage” of tambe miho conoci como e “golden handshake” cu ex-parlamentarionan a zorg pa nan mes.

Na 1995 11 ex-parlamentario a cobra na “overbruggingstoelage” en total e balente suma di casi 600 mil florin. Despues di eleccion di 2005 siete ex-parlamentario a cobra “overbruggingstoelage”, esakinan ta di MEP, AVP, PPA y OLA. Cu excepcion di uno, tur a pidi pa cobra ‘ineens’ e suma gordo, a pesar cu ningun di nan a cai den un bashi. Un so a pidi pa cobra cada luna, pa evita cu lo pone beslag riba e suma gordo pa via di su debenan personal. E presidente actual di MPA a gana su caso den corte di apelacion, unda e ta exigi pa cobra e “overbruggingstoelage” a pesar e tabata y ta cobra un salario gordo como ambtenaar; e a cobra cu interes acumula alrededor di 50 mil florin. Ex-parlamentario di AVP a cobra na 2005 un suma riba 100 mil florin na ‘overbruggingstoelage’. Imagina kiko ta bai pasa na 2009 ora gran mayoria di e parlamentarionan actual no ta bolbe mas den parlamento. Ta un suma miyonario pueblo tin cu bai paga na “overbruggingstoelage”. 

Pesei fraccion di RED ta pidi den e iniciativa di ley pa e cambio drenta na vigor riba 1 di januari 2009. Den 2008 mester por keda cla cu e tratamento y publicacion di e ley nobo riba iniciativa di fraccion di RED. Esaki na prome lugar ta den man di presidente di Parlamento. E mester zorg pa pone esaki como punto di agenda riba e proximo reunion di Comision Central. Na januari 2007 fraccion di RED a presenta otro iniciativa di ley pa cambia e ley cumulativo di BBO den uno no-cumulativo, pero e presidente a sconde den su lachi di lessenaar y nunca e a keda trata. Mi ta spera cu e biaha aki nos iniciativa di ley core miho suerte den man di e presidente di Parlamento. E mester realiza awor cu si e strobe, esaki ta sali pueblo hopi caro.

Kiko e iniciativa di ley di fraccion di RED ta ensera? E  ta recomenda pa stipula cu e overbruggingstoelage ta keda paga te un suma di 70% di e salario di parlamentario (y no 80% manera e ta aworaki) cada luna durante un periodo si e ex-parlamentario cai den un bashi, pues no por cobra mas e suma di un aña di salario den un solo ‘shot’. E momento cu e ex-parlamentario tin trabao y cu un salario mas halto cu su salario como parlamentario e no tin derecho riba dje. Si e ex-parlamentario ta cuminza cobra diferente pensioen cu ta suma mas halto cu e salario di parlamentario, e no tin derecho riba dje. Si resulta cu e tin entrada menos cu e salario di parlamentario anto e ora ey ta paga solamente e diferencia durante un periodo determina. Cua ta e periodo? Un ex-parlamentario cu ta 4 aña of mas (y no 2 aña manera e ta awor) den funcion e ta cobra  seis luna (y no un aña manera e ta awor) di salario si e no tin otro entrada, y

si ta menos cu 4 aña e ta cobra tres luna di salario si e no tin otro entrada.

Comments (41) >>

Show/Hide comments

Judge said:

Ami ta haje un bon iniciativa pa bin cu e ley mensiona pa caba cu bagabunderia cu ta pasando eyden cu plaka di pueblo. Esaki ta cosnan cu mester hinka tempo, energia y plaka den dje pa trese un cambio poisitvo pa Aruba. No manera cu mi a scucha president di Parlamento ajera na radio cu kier gasta tempo y plaka di pueblo cu ta pagando e y otro parlamentarionan balente plaka pa traha pa pueblo pa obliga sr. Lampe bisti bachi y no a wayabera. Cual mi ta haja cu tin mas cos importante cu bai sinta gasta tempo y plaka valioso di pueblo pagador di belasting. Den mi opinion e tipo di politiconan baratanan ki kier djis kita attension di pueblo riba e desaster cu nan a hasi y ta hasiendo na Aruba. No por ta posibel cu politiconan kier hancho pa nan y smal pa pueblo. Esaki ta un bon ehempel pa e otro politiconan na Aruba. RED sigi cu e bon trabow. saludos

January 05, 2008

A la Chavez said:

Na Venezuela nos tin Chavez y su hendenan ta bisti na militar cu nan baret cora... Awor na Aruba nos tin Rudy Lampe cu su crew den wayabero.... E cos ta simpel, si bo bai misa bo no ta bai cu panja pa bai lama, toch??? Cada lugar y ocasion tin nan vestuario y si Rudy Lampe a dicidi di bai parlamento e tin cu bisti apropia pa e trabao unda e ta bai traha. Un juez no por bai corte den wayabero tampoco, of si???

January 05, 2008

Biba Sadam said:

Di kiko boso ta papia ????

January 05, 2008

G.L. said:

Rudy el Diablo, Cuminsa Bisti bachi y duna respet na loke ta toca Aruba y sigur bo lo haniami ta sostone e iniciativa aki (y no ora macamaba tey ta corre bisti e bachi di mas caro cu dashi di oro. OF Ora nan tey bisti bo wayabero pa asina mi por wak cu e no tin nada di haber cu faltamento di respet pa loke ta trata Aruba/Parlamento enz, pero mi ta duda cu bo lo ooit haci sey paso bo semper lo kier keda bisa "JA BAAS"). Tanten bo sigui demostra cu tur cos cu no ta di Aruba SI bo ta respeta e ora ey ami mucho menos lo tin gana di respeta bo y mucho menos lo mi sostonebo cu e iniciativa aki. E tres Wayaberonan ey pone hende corda e grupo "Locomia".

January 05, 2008

ate said:

Ki bal bo ta un parlamentario bon bacha (sea homber of muher) i ta sigui bai di acuerdo pa abusa bo pueblo (olifante n in schaapskleren). Pesei no mester ta importante mas con bo ta bisti den Parlamento, pero mas importante mester bira kico realmente bo ta haci pa bienestar di bo pueblo, ogeacht con bo ta bisti.

January 05, 2008

Judge said:

@ A la Chavez, Si e wayabero cu s.r Lampe ta bisti den parlamento no ta apropia dicon bo kere nan no por oblige bisti bachi? Door cu e wayabero ta apto segun expertonan di vestuario sino e no lo por a bisti e wayabero ey. Awo e parlamentario y politiconan barata cu nos tin Aruba kier hinka tempo den e cos ki pa bai cambia y of traha un protocol pa oblige bisti bachi siendo cu tin mas cos importante pa hasi cu oranan y plaka cu pueblo ta paganan. Kiko nan lo bin despues pa purba di kita attension di pueblo di e situasion desastroso cu tin na Aruba? obliga sr. Lampe bisti holoshi y yojasnan caro of perfume di marca caro? esey den mi bista ta un di ridic*les mas grandi cu politiconan barata ki ta treciendo dilanti. BTW ki bal bo ta bin bisti cu bachi armani pero bo no ta voer niks uit. Wel mil biaha mi lo wak nan den beachwear y traha pa pueblo mane debe ser. Miho nan gasta nan tempo y energia pa e ley cu RED a bin cu ne. saludos

January 05, 2008

chilly boy 43 said:

Rudy duna respet na bo mes cuminsa bisti bachi (flus) cu pueblo ta paga pa bo bisti, duna honor na nos parlamento tambe, dikon na Curacao i Hulanda si bo ta bistinan, stop di haci pajasada i tuma pueblo haci.

January 05, 2008

Arends269 said:

Ta ridic*lo e "issue" aki. Otro muestra palpable cu e parlamentarionan di MEP no tin nada di hasi! Ta mes ridic*lo cu aki na Aruba, un isla den Caribe, unda e temperatura averaje tur luna ta mas di 85F anto nos ta bisti bachi. Ta un macakeria e bistimento di bashi. Ban mustra un tiki c*ltura manera Ministernan ta hasi na Jamaica, Bermuda, etc. Na Bermuda representantenan di pueblo hasta ta bisti e famoso "Bermuda Short". Ami ta pro e wayabera. After all, Parlamento ta pa TRAHA, y esei Pader Lampe ta hasi! Parlamento no ta lugar pa modela bachi cu dashi...

January 05, 2008

lala said:

hey boso ta pp tanta pa bisti bachi , PERO NO TA E BACHI TIN CU TRAHA

January 05, 2008

BIG said:

Simplemente rudy mi ta jamabo anto ni cu hooftletter, pasobra bo a bira un politico shusi y pa colmo bo ta mescos un bobolongo cu e brill ey cu wajabero full oldfashion, mi no tin ningun respect pa bo. Awor si bo a ceda un simpel Pastor Catolico lo tawata otro cos, lo ami BIG lo a jamabo Mijnheer Pastor Rudy Lampe.

January 06, 2008

BIG said:

p.s. abo luis bergen of ta con jamabo y e otro mi no sa ni bo nomber, mi no tin ni comentario pa boso

January 06, 2008

rb said:

ki bo ta pp di bergen estupido? bo no sa riba kiko mes bo ta papia.buska un bida mihokos bo hasi,. bo no sa nd di politiek dus bai hunga cometarista otro caminda.

January 06, 2008

cosbonso said:

Rudy a cuminsa su jornada di jora atencion y esaki ta un di nan. Parlamtento ta e organo mas halto aki na Aruba y ta mas di dos decada caba tur a zorg pa tin bachi. Suddenly tin e zgnmd experto cu a bisa esaki of a bisa esaya. Na Aruba no tin lugar pa tipo di lobo den lana di carne manera Rudy. Un biaha mas mester bisa cu no ta falta palo pa dal cacho y si papia di algo mester hinca gobierno etc etc etc aden. Judge mes ta un di nan cu ta grita tur dia, ta jora paso Mike no ta den gobierno etc etc. Si Rudy no sa bisti y ta kere e ta bin cambia vestuario den parlamento e por wel di keda su cas. Tanto bal e tey of laga di tey anyhow.

January 06, 2008

cosbonso said:

Cu e iniciativa di ley ta na su lugar ta berdad, pero e mester a bin cu ne promer cu cierto haraganan a cobra e toelage. No laga e baca hoga pa despues purba tapa e pos. Rudy tawata bon na altura di e asunto aki, pero e no ta asina stupid ya cu e kier a garantisa su mes su pension debidamente promer cu e la make the move. e sa bon bon cu 2008 ta su last lap den parlamento ya cu e no a demostra net net nada. Predica no ta mescos cu politica y Rudy a bruha dos cos den otro. Willem a dal e duro den un entrevista y te awe rudy no a reacciona. Judge mester bai wak cuanto algun di su brothernan di AVP a cobra tambe. Danki tambe!

January 06, 2008

Judge said:

@ chilly boy 43, Pueblo pagador di belasting no ta pagando parlamentarionan y minister pa nan modela sino pa nan traha. Sino pa nan traha pa pueblo mane debe ser. Un bachi of un flus no ta duna bo respet, paso respet bo ta gana respet. Awo ki bal bo ta bisti bachi of flus caro pa haja respet y bo ta drumi sunu riba caminda publico te cu nan a saka su potret y pone den corantnan y internet pa mundo henter wak. Esey ta parlamentario cu nos tin cu respeta paso e ta djis bisti un bachi? of bisti bachi y hit and run? E wayabero ey ta parti di nos c*ltura y ta wordo bisit pa nos bieuwnan y asta muchanan jongnan y ta pas cu nos sfeer tropico cu Aruba tin. Aruba mester politiconan serio y no modelonan cu no ta voer niks uit. saludos

January 06, 2008

Judge said:

@ BIG, Mil biaha oldfashon cu bril pero ta traha pa pueblo cu un modelo cu no ta voer niks uit. Nan sa bisa "El mono que se viste de seda, mono se queda". saludos

January 06, 2008

Bito said:

U got the look......hahahahahahahahaa

January 06, 2008

Judge said:

@ cosbonso, Dus mi a habri anja y mi a cuminsa di ta AVP y mi ta cu MIKE. Wel no ta stranja mi cu bo comentario di purba di kita atencion y no keda ter zake. Mi ta haja mas bien sra. Mervin Ras y tur otro politico cu a bin cu politica barata tradisional anticua a laga hopi di desea. Maar ja mi no por spera nada drechi di sra. Mervin Ras cu no ta sirbi pa politico y mucho menos como president di Parlamento. Nan no sa mas con pa purba di kita atencion pa asina kere cu pueblo no lo wak e desaster cu nan a y ta hasiendo. Enves di habri anja y bin cu cosnan positivo mane RED a bin cu ne ela purba di kita atencion durante su entrevista y den corant over di vestuario di sr. Lampe. saludos

January 06, 2008

Judge said:

@ cosbonso, Si bo kier wak con hende bisti cu bachi den parlamento ta duna respet djis wak con nan ta comporta nan mes durante reunion di parlamento of debate (si bo por jame debate anto) bv. esun di BBO y hopi otro mas y djis wak/ scucha con politiconan di MEP y AVP a comporta nan mes. Esey ta respet cu politiconan den bachi tin pa pueblo? Berguensa AVP cu MEP cu nan tin mas cu 20 anja den parlamento y como minister nunca a ni hi of ha pa hasi loke RED a caba di hasi awo. Esun mas cu a desapunta mi tawata MPA cu a demostra cu e ta asina haragan pa plaka cu ela asta bai corte pa haja plaka. No wonder tin hopi juristanan hopi biaha ta wordo jama ladron legal. E miedo cu abo y hopi mane abo tin cu boso ta realisando cu politica barata tradisional y anticua ta cabando. saludos

January 06, 2008

Judge said:

@ cosbonso, Bo no mester elogia e iniciativa di RED so, sino condena falta di boluntad y iniciativa cu MEP, AVP y MPA tin. Pero si bo a scucha e programa ki dia ey di radio di top fm cu e parlamentario barata ey cu esun cu entreviste a purba di tapa y desvia di e realidad y bisa cu no tin pobresa y cu tur cos ta bon na Aruba a hajele den wowo ora pueblo a cuminsa jama y bisanan e berdad. Aunke nan militancia a purba di back up nan. Imagina bo asta sr.Rudy Croes y e otro parlamentario barata ey y e locutor a sinti cajente di pueblo su rosea nan a core cuminsa ganja papia riba otro topico pa fria cuenta pero e programa a caba cu pueblo a keda recorda nan e realidad. saludos

January 06, 2008

Honey said:

Rudy Lampe ta hasi su mes interesante pero bo no ta!!! Bo ta kere Arubiano ta hende bobo, aki nan bo ta bisti e panja vies ey. Na Hulanda manera semper ta bo custumber di kere cu hulandesnan ta masha kos anto bo ta bisti flus aja nan. A jega tempo pa stop di tuma e pueblo aki hasi. Bo no ta gasta placa, pero bo ta hasi 2 trabou si, paso bo ta duna les na IPA. Asina ta stop di hasi santo, no lubida ta den Parlamento bo ta, no den MISA. Y si bo ta kere cu lo bo bin hasi POLITICO nan SANTO awel bo ta robez. Y no bai drenta MISA mas tampoko paso hasta DIOS pa TRAICIONA!!! Regards

January 06, 2008

MCR said:

WEL WEL WEL......ALWEER MEP OP ZIJN BEST (@#$@!~~!@#!!!????). E EHERCITO DI BRILNAN DI PALO CU TA SOSTENE MEP, NO POR WAAK ESENCIA DI UN INICIATIVA DI LEY CU LO POR TA UN ALIVIO FINANCIERO PA E PUEBLO MES DEN SU TOTALIDAD. PLACA CU AKI POR SER RESCATA Y DESTINA PA ENSENANSA, CUIDO SOCIAL, ETC., ENVEZ DI BAY SOMENTA DEN E BAUL SIN BOM DI POLITICONAN CU TA COMEHEIN, COMEHEIN PA PLACA ,ANTO DI PUEBLO. E LIDER DI FRACCION DI MEP TIN E CONCEPTO FALSO DI KERE CU PARLAMENTO TA SU BIJKEUKEN, UNDA CU E TA "DAME EN MEESTERES!" ASINA PUES TUR E ASUNTO DI GUAYABERA TA KEDA MASHA CHIKITO MES BANDA DI E INCIDENTE UNDA CU UN POCO TEMPO PASA UN ILUSTRE PARLAMENTARIO DI MEP A SALI FOR DI LAMAN MANERA NEPTUNES, UN IDOLO FOR DI E MYTHOLOGIA ROMANO, ANTO DEN E TRAHE SMOKING DI GALA DI ADAM . . CONCHALE , LAGA NOS MIRA POLITICA DEN SU CONTEXTO REAL, ESTA UN RELACION TIPICO HUMANO, NA BIENESTAR DI UN Y TUR. KITA BOSO BRILNAN DI PALO'OM!!!!!!!

January 06, 2008

Honey said:

MCR ta abo tin bril di palo. y bo no mester skibi na caps lock esey caba ta mustra cu bo kier ta sabi pero bo ta leeuw di ta. Rudy ta y lo keda hasi su mes ridic*lo. Awo ela haja poco bobo longo tambe ta bisti manera e. Boso bai lanta un grupo di Karnavl cu wayabero.

January 06, 2008

cosbonso said:

Aha...anja a habri y ban habraca otro pa motibo di politiek atrobe. Bo sa cu mi a wak Nel ta duna Rudy abrazonan fraternal dia di e promer piedra di e monumento cu nan ta bai traha na Sta Cruz? Wel, door cu nos no ta politico laga nos insulta y bringa cu otro paso ta nos lider y nos partido nan ta toch. Nan mes ta wine and dine y aki riba tin hende ta bira loko asina bo trapa nan teentjes. Sr. Ruiz mester madura y admiti cu si di berdad Lampje tawata kier caba cu e cos aki anto e mester a hasie day one cu e la drenta parlamento y no awo cu e temporada di gobernacion ta bai drenta su penultimo anja....Ban serio, ta ken no kier placa fasil. Pesey nan sa bisa cu un politico ta drecha su cama pero e no ta drumi riba dije te ora e hanja sonjo of nan mande bai drumi.

January 07, 2008

BIG said:

na e estupido rb cu ta defende bergen, kiko bergen sa di politic si ta un bobolongo manera rudy lampe ta su lider y abo ta mas estupido ainda di sigi bergen, y abo judge mihor bo kede keto basobra ni na Aruba bo ta biba y boso no rabia tur cos ta un joke

January 07, 2008

P.T said:

stop di kritika hende,stop di ripara hende,wak boso ems boso mes ta yen di fout. VERBETER DE WERELD BEGIN AAN JEZELF boso ta blo para wak hende,boso Arubiano bobonan cu no tin scol,boso cu no sa di nada,boso lema ta sinta haci redo,biba bida di hende,envidia hende,lanta falso testimonio riba hende,cos cu ta masha mal mira bou cara di Dios.Ban mira Stop cu e cosnan ey,pa asina Dios por bendiciona nos dushi isla.ban mira stop cu boso mal amayanan.

January 07, 2008

Judge said:

@ Cosbonso, Masbien abo tin cu madura y usa dies plaka di tino ora bo pone un bo comentario. Si bo kier papia di hasi algo prome cu e baca hoga wel djis check cuanto tempo RED y cuanto representante tin den parlamento y puntra bo mes cuanto tempo e otronan di MEP y AVP tin den parlamento. Si bo a volg e trajectorio di ora RED a drenta parlamento cuanto cos ela hasi pa stop e bagabunderia cu e politiconan barata tradisional y anticua di MEP cu AVP a regel for di 1986 te cu awe pa nan mesun sako. Ta di lamenta cu enves MPA a uni cu RED den e lucha contra e bagabunderianan ki ela kier pa plaka y no pa banda di pueblo. Abo tin cu admiti cu locual RED a bin cu ne ta algo positivo y critica MEP, AVP y MPA cu no a ni hi of ha pa tuma e iniciativa akinan. Dus cuminsa bin cu critica constructivo y no partidista. saludos

January 07, 2008

Judge said:

@ BIG, Mi no mester biba na Aruba pa mi por habri mi boca e ta un derecho segun nos statuut y grondwet ta duna mi y mi ta use. Mi ta studiando duro akinan pa ora mi caba mi por bai mi dushi isla Aruba dus esey como Arubiano ta mi derecho di bin cu critica. Porta abo ta wak y tuma tur cos como un joke pero ami no paso e cos ki ta serio. Ta door di tuma tur cos mane un joke y no asumi responsabilidad como Arubinao y ciudadano di Aruba e situasion di Aruba ta unda cu e ta y cual no ta nada bunita of di gaba. saludos

January 07, 2008

Ariën Rasmijn said:

Kiko, ta "Queer Eye For The Political Guy" e cos aki a bira? Leumind e guy su wayabero, at least e ta bisti su uniform di Aubus cu lomba straight. Tin hala di politico Arubiano cu te hasta cu flus caro bisti ta mustra incapaz pa mara nan mesun veter. Pero den serio awor, kiko boso ta pensa di henter e cuenta di overbruggingstoelage? Of boso kier keda ariba e topico facil di flus/ wayabero/ bermudashort...

January 07, 2008

Presidente said:

Un bachi no ta haci bo mas ni menos hende. Wayabero tampoco. Bistiendo bachi, no ta haci bo lubida pueblo, tampoco wayabero. Nada contra loke Rudy Lampe ta bisti. Pero tin un dresscode. Mescos ami cu tin cu bisti mi uniform. Esey no ta haci ami mas ni menos empleado. Pero e ta segun etica. Mi ta kere cu Rudy Lampe tin miedo di bisti bachi, pasobra su creencia ta, cu si e bisti bachi, e ta capaz di perde su identidad di kere cu e ta pastor ainda. Rudy, bo no ta pastor mas. Overbruggingstoelage, haha, nada contra pa e presenta un mocion ariba dje. Be my guest, pero e comentario estupido cu ela duna pa motibo pakiko, no ta mucho sano. Jammer, Rudy, bo a hera convencemi. Ora bo presenta algo, wak pa bo tin comentario cu ta dun'e peso, sino ta tanto bal.

January 07, 2008

BIG said:

Ohmbo judge lagi nek bru, abo ki si ta stressed out, bo no mester tuma tur cos asina na pecho man, I am just pulling your leg, chill out cayo, si bo tin fe den Dios nada malo ta pasa, ni cu of sin politico nan, tur ta mescos

January 07, 2008

Judge said:

@ Ariën Rasmijn, Ami ta hopi eens over di iniciativa di e ley pa e cambio di e overbruggingstoelage. Mi ta haja cu mester bin cu un sollicitatie plicht tambe. Esaki mi ta haja ta necesario pa evita cu algun lo tuma e overbruggingstoelage mane cu ta plaka pa nan baha cu vakantie pa lunanan largo prome cu nan tuma e iniciativa pa busca un otro trabow. Dus den mi bista bo tin cu purba di hasiele mas waterdicht cu ta posibel pa nan no hasi mal usa di e buraconan den e ley di overbruggingstoelage. E asunto di vestuario (wayabero) ta djis un cos pa purba di kita atension di e issue cu mi a scucha sra. Melvin Ras usa durante su intrevista tocante e ley mensiona cu mi ta haja masha ridic*lo mes. Pa colmo ela back fire formal riba MEP. saludos

January 07, 2008

MCR said:

TANTEN CU NOS PLACA DI BELASTING TA SER DESPERDICIA PA NOS GOBERNANTENAN, TUR ARUBIANO TIN E DERECHO Y DEBER PA HABRI SU BOCA Y PROTESTA. ARUBA TA DI NOS TUR. E OVERBRUGGINGSTOELAGE MESTER SER REGLA DI OTRO FORMA. TUR INICIATIVA DI LEY PA SALBAGUARDIA NOS RIKEZANAN, MESTER SER SOSTENI DOR DI PUEBLO.TA SOLAMENTE SWEETHONEYNAN CU BRIL DI PALO CU TAMBE TA GOZA DI SWEETMONEY DI PUEBLO, NA UN MANERA ILICITO Y FACIL POR TA CONTRA ESAKI. PERO NAN NO TA COMPRONDE CU OTRO NAN TIN CU PASA MALO DOR DI ESAKI. IT'S FOR THE LOOT, HONEY, JUST FOR THE LOOT! PASOBRA AMI SI TA SINTI MI HORTA ORA MI GOBIERNO TA CORUPTO! TAMBE BO TA HANJA HENDE CU NO TA HANJA NINGUN SWEETMONEY DI E GOBIERNO, PERO TOG TA SOSTENE E TRUPA CORUPTO AKI. BON E POBERNAN AKI ........,WEL TA OTRONAN LO TIN CU SACRIFICA NAN MES PA NAN.

January 07, 2008

MCR said:

BERDAD, TUR E ASUNTO DI GUAYABERA TA SIMPLEMENTE UN SMOKE SCREEN. NO TA DI AWOR SR. LAMPE TA BISTI ASINA DEN PARLAMENTO. AWOR CU RED TA BIN ADILANTI CU UN SERIE DI INICIATIVANAN DI LEY, TA CORE BIN CU ESAKI. BERDAD TIN E ASUNTO DI PROTOCOL Y MI TA RESPETA ESAKI TAMBE. PERO "MET DE MEP KUN JE ALLE KANTEN UIT!". PA BO HANJA MI RESPET, BO MESTER ACTUA RESPETUOSO TAMBE CARAMBA ! NOS TUR TA CORDA CON UN POCO TEMPO PASA UN MINISTER DI MEP A RANCA SALI ,DEN ORA DI TRABOW PROTOCOLARMENTE BON BACHA Y DASHA,DEN SU LIMOUSINE, RUMBO PA PARADERA. DESPUES DI A DRAAI UN 7 BIAHA ROND NA E ROTONDE PA MOTIBO DI AGITACION, E AUTO,DOR DI E ASINA YAMA "MIDDELPUNTVLIEDENDE KRACHT",A LOGRA SALI, Y ASINA MANERA HORCAN IVAN A DRENTA CARIBE ELA DRENTA PARADERA. AKI SI...,AYO PROTOCOL !!!! BACHI A BAY LAIRA Y CARSON A CAY. SEGUN E VICTIMA NA RADIO, TA CAMISA CU DASHI SO A KEDA. E MINISTER TEY KETO BAY SI. PESEY PA MI MEP TA Y TA KEDA SOMETHING ELSE

January 07, 2008

Honey said:

Hende cu supuestamente ta pasa trabou NO tin internet. Y pa bo informacion mi ta un mep y lo mi keda mep tambe. Y ami ta traha 2 trabou pa mi jega na mi kosnan. Nada Gobierno ta dunami!! Asina ta stop di keha y bai traha. Bo ta sinti na banda critica luga bo bai traha y si bo placa no ta jega buska 2 trabou y stop di jora kos a bira caro rond mundo. Y sorry pero mep NO mester di bo voto pa gana. Dus keda critica numa. Regards

January 08, 2008

Dr-Zero said:

TO ALL: Permiti mi recomenda un y tur algo. Ora mi lesa e comentarionan mi por ripara mesora kende ta esnan cu ta bay na e escencia di e discucion y kende no. E artic*lo of comunicado di RED ta entorno un concepto di ley cu nan a presenta riba e Ley di Overbruggingstoelage. Un ley cu favorece parlamentarionan y ministernan na momento cu nan retira. Den e situacion actual apesar cu nan haya un otro trabao mesora nan ta mantene e derecho pa cobra un suma grandi den un solo biaha. E spirit di e ley mester ta basa pa na momento cu un parlamentario of minister cay den un bashi financiero (p.e. nan no a haya un trabao mesora) por sigui cobra pa un tempro stipula. Door di a agrega e palabra "ineens" y "onder alle omstandigheden" e meta a bay perdi. Esaki ta loke RED kier pone stret bek, como parlamentario of minister bo tin cierto derechonan pero pakico abusa?

January 08, 2008

Dr-Zero said:

Lo ta un bon idea si un y tur cu pone nan comentario aki riba bay na e issuenan y no actua como fanatico partidista, paso esey ta reflega posibilmente loke bo no ta; un posibel BOBO. Asuntonan encuanto un guayabera, bril di bobolongo etc ta muchachada (cos di mucha). Ban discuti habri y al caso, crea un forum di nivel, sino tin otro cosnan manera chatrooms pa papia den bo Child Egostate (dus nivel di kleuters). Bon bini di awor na discucionnan di nivel!!!

January 08, 2008

Chispa said:

Mi ta di acuerdo cu dr.Zero ariba e hecho "crea un forum di nivel".Si nos ta stima nos yuinan anto nos mester ta conciente cu ta nos ta esnan cu ta responsabel pa nan vocabulario di mayan por ta decente tambe.

January 10, 2008

Presidente said:

Rudy lampe mester corda cue collect aki, no ta mescos cu esun den misa. Tir'e na laira y Dios ta coi e placa y e resto Rudy Lampe ta coi. E ta lubida cu dia e no ta den Parlamento mas of cualkier otro ariba su lista, y nan mester busca trabao, cu pa cuminsa como politiconan, no ta hanja trabao, onge-acht ariba cua lista bo ta. Bo ta den politica y bo tin previlegio pero bo tin tambe un boshi di desventaha. Puntra cualkier ex-politico, ex-parlamentario y laga nan conta bo con cos ta. Y e ora mi keir wak Rudy Lampe kiko e ta bay haci. Drenta misa bek?

January 30, 2008

Presidente said:

Corda cu placa ta caba. Y ken Ryudy lampe ta kere cu e ta? Un psychic cu ta wak den futuro cu un cantidad di Parlamentarionan npo ta bin bek? Rudy Lampe sa papia disparate, pero esaki si a kibra record. Y con e sa cu nan no a cay den bashi?? E ta nan financieel adviseur? Asina cu nan retira for di e posicion, nan no ta cobra mas. Un salario di Parlamentario ta ongeveer 7 mil Netto( Rudy Lampe tambe) Y a base di cuanto tempo bo twt Parlamentario, nan ta conta cuanto bo ta hanja na overbruggingstoelage. Y esnan cu a sali for di sector priva, no ta hanja trabao, pa mottibo di nan afiliacion cu politica.

January 30, 2008

Presidente said:

Ami lo a hanja esaki mucho mas mihor cu si Rudy Lampe a pone cu Parlamentarionan cu ta traha den sector publiko, no mag di manetene nan trabao. E ora nos ta wak cuanto enberdad Rudy lampe tin pueblo na pecho y si enrealidad y ta para tras di e "malgastamento" di placa. Corda cu e despues di Politica tin su placa di collect cu e por bay cobra. Luigi Bergen, si algun dia e bira Parlamentario, despues di esey e por bay para bek dilanti klas. Anyways, Ta e mocion aki ta esun cu ami kier wak. Ora e bin cu e mocion aki, e ora mi por bay mas serio cu ne. Sino te ainda pa mi e ta keda un ganjado, hipocrita y un traidor.

January 30, 2008

Write comment

Show/Hide comment form

Name

Email

Comment

Add Comment