E dinamico Rachel Noordemeer, Gerente General Asistente di La Cabana Beach & Racquet Club, a despedi di su coleganan siman pasa, durante un encuentro casual. Rachel lo ta regresando pa un di Aruba su hotelnan di high rise den e capasidad di Director di Food & Beverage, el a traha eynan prome como Director di Banqueting y ta regresando despues di a subi e trapi ehecutivo.

La Cabana Beach & Racquet Club ta tristo pa wak e bai, segun Gerente General Joe Najjar, sinembargo nan ta contento pa wak e exitoso y den demanda. Najjar tambe a uza e oportunidad pa ofrece un brindis di fin di anja na su directornan di departamento y empleadonan.

Rachel su coleganan tabatin tremendo cosnan pa bisa tocante su compromiso y dedicacion; nan tur kier a presenta nan pensamento formalmente durante e encuentro, unda nan a bisa con hopi Rachel ta nifica pa e hotel, unda su tempo y contribucionnan tabata aprecia.

Suerte Rachel, nos lo mira bo atrobe e anja aki, na un otro hotel.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment