15 aña pasa Aruba a haya pa prome bes e servicio di Cable TV. Na comienso esaki tabata un fenomeno ya cu prome cu esaki tabatin canalnan di Tele Aruba, hunto cu e otro dos canalnan di Venezuela cu tabata wordo capta via antenne na casnan na Aruba tabata e unico nan cu e pueblo en general por a mira na television. 

Cu yegada di Cable esaki a trece un cambio grandi na Aruba.  E exposicion na canalnan mericano y latinoamericano a trece un cambio y e televidente di Aruba a haya mas opcion. Apesar cu e tempo ey a cuminsa cu 21 canal, awendia Cable TV ta ofrece 154 Canal di cual 50 ta canalnan di musica den formato digital y recientemente a inclui 2 canal HD (High Definition).

E aña aki ya caba varios casnan tin e servicio digital, cual ta encera canalnan cu imagen y sonido digital cual tabata un servicio hopi pidi durante aña 2007. Na final di 2007 Cable TV a presenta tambe su promer dos canalnan den formato High Definition (HD). Hopi ta e televisionan awendia cu ta bin HD ready, pues ta ofrece e cliente un imagen y sonido hopi zuiver. 

Den e proceso di cambio desde cu SETAR a tuma Cable TV over na 2005, por remarca tambe cu full e red di kabel di Cable TV a ser reemplaza pa kabelnan di mayor capacidad y a ser inverti tambe den equiponan nobo pa por permiti e paso pa e era digital y tambe di por a duna e servicio di Internet via kabel, por cierto un servicio hopi popular hunto cu e canalnan nobo. Un logo nobo a ser crea pa asina marca e era nobo. 

Cable TV of Aruba a pasa door di varios cambionan durante e 15 añanan. Pa menciona un par:

- Mester a muda 2 biaha di nan edificio pa falta di espacio pa expande nan servicionan.

- Modernizacion di nan “Head End” cual ta e lugar unda cu e senjalnan ta ser baha for di satellite pa ser distribui pa e casnan.

- Expansion di e cantidad di canalnan for di 21 pa 57 y despues na final di aña 2006 a bai pa 140 canal y finalmente na 2007 a pasa pa 154 canal. 

E cantidad di abonadonan tambe a crece durante e 15 añanan desde cu e promer cas a ser instala den e bario di Pos Chiquito. Awendia Cable ta sirbi gran mayoria di casnan na Aruba y ta agradecido na e sosten cu Cable TV a ricibi durante tur e tempo di nan existencia.

Cable TV ta felicita esnan cu tey cu Cable desde su inicio y hunto cu tur esnan cu a uni nan mes na e red di Cable TV durante tempo ta gradici nan pa nan sosten. 

Den nomber di tur empleado y gerencia di Cable TV nos ta felicita Pueblo di Aruba cu nan 15 aña di Cable TV y cu nos por sigi brinda Boso e mihor servicio pa hopi ana mas.

Comments (1) >>

Show/Hide comments

playero said:

Hopi pabien cu boso tercer lustro, pero mi ta kere cu a jega tempo pa cable tv mehora su programacion tambe. Pasobra si bin un otro compania di cable, anto boso por wel di lubida, ta tur hende lo bai laga boso. Djies magina boso si un compania di dish bin Aruba cu un bon oferta pa su clientela. Pa e programacion cu a boso tin, no ta justifica e prijs halto cu nos ta pagando !!( Aruba ta mas caro cu tur otro pais na mundo)

May 05, 2008

Write comment

Show/Hide comment form

Name

Email

Comment

Add Comment