Recientemente a tuma lugar e entregamento di diploma di Adjunct-Commies der Belastingen na Servicio di Impuesto. E estudio pa “Adjunct-Commies der Belastingen” ta un estudio fiscal interno di Servicio di Impuesto y Aduana y ta e estudio di e segundo nivel den un serie di 3 nivel di estudio fiscal interno cu ta wordo duna na Servicio di Impuesto mes.

E estudio aki a dura alrededor di 2 aña y tabata e promer estudio fiscal interno cu a wordo duna despues di e Reorganisacion di Servicio di Impuesto na december 2004.

Pa prome biaha e estudio aki a wordo duna cu un curriculum nobo es decir cu 3 proceso fiscal sea e parti di cobransa, cobramento y control a wordo mescla den un estudio. Antes e procesonan aki tabata parti den 3 estudio separa for di otro. Tur cursista den e estudio nobo aki a haya sa di tur proceso fiscal a base di e material cu nan a ricibi na nivel di e estudio aki. Mester bisa cu e estudio no tawata nada facil. Pa cu e sistema nobo aki tur graduado awor por eherce funcionnan den tur e 3 ramonan fiscal esta den e parti di cobransa, cobramento y control. 

Un grupo di 15 funcionario di Servicio di Impuesto a termina e estudio cu exito. E grupo di graduado ta:  sra. Shareen Bikker, sra. Zwaika Briesen-Winterdaal, sra. Marelva Geerman-Croes, sra. Yajaira Croes, sra. Lienette Dania, sra. Roosmin Krosendijk-Everon, sra. Dientje Hassell-Henriquez, sra. Natalie Koolman-Weller, sra. Sharon Luidens, sra. Astrid Maduro, sra. Emely Navas, sra. Estelita Kransen-Paesch, sra. Jacky Roga, sra. Lada Gomez-Ruiz y sra. Sharmaine Werleman-Antonette.

Tawatin 2 mihor graduado y nan ta sra. Shareen Bikker y sra. Roosmin Krosendijk-Everon. Nan tawatin un 9 como promedio di cifra y pa esaki nan a ricibi tambe un bunita boket di flor. 

Servicio di Impuesto ta sumamente gradicido na un cantidad di persona cu a traha hunto pa cu e estudio di Adjunct-Commies der Belastingen. Na prome luga mester bisa danki na Minister di Finansas y Asunto di Economia, sr. N. Swaen bac., kende a duna su aprobacion pa start cu e estudio aki. Tambe na Director di Servicio di Impuesto y Aduana, sra .mr. R.R. Lopez-Hernandez, kende semper ta para positivo tras di e estudionan fiscal interno di Servicio di Impuesto y Aduana pa asina e empleado por yega na un nivel mas halto y profesional den su carera. Tambe mester bisa danki na e personanan encarga cu e organisacion diario di e estudio aki kendenan ta sra. E. Noten bac., secretario di estudio y sra. drs. L. Vandormael-Moons, hefe interino di estudio. Naturalmente mester bisa danki na tur e docentenan (interno y externo di Servicio di Impuesto).  E docentenan tawata: sr. R. Maxwell, sr. C. Meelhuijsen, sra. mr. drs. R. Werleman, sra. E. Goedgedrag, sra. A. Yuen bac., sra. D. Geerman, sra. mr. L. Gomez-Pieters, sr. L. Pieters, sra. mr. B. Richard, sra. mr. A. Geerman-Giel, sr. M. de Cuba y sr. C. Angela. Tur e docentenan aki a dedica hopi di nan tempo pa haci e lesnan un exito. 

Tambe mester bisa danki na seccion Asunto di Facilitacion di Servicio di Impuesto cu a prepara e luga di entregamento di diploma na un manera formidabel.

Finalmente mester bisa un danki na tur esnan cu a haci e estudio uno exitoso den e dos añanan aki y un pabien hopi grandi na e graduadonan kendenan a lucha hopi y a sa di persevera pa yega na e meta final esta e graduacion.
 

Dia 31 di januari ultimo y den un ambiente ameno, Su Excelencia, Minister N. Swaen a entrega e diplomanan na e graduadonan. Riba e dia aki tawata presente tambe sra .mr. R.R. Lopez-Hernandez, Director di Servicio di Impuesto y Aduana, sr. A.Th.A. de Groot, Hefe di Servicio di Impuesto, sra. drs. M. Jadnanansing RA, Hefe adhunto di Servicio di Impuesto y gran parti di e docentenan y e famianan di e graduadonan. 

Riba e foto por aprecia e momento despues cu tur e graduadonan a ricibi nan merecido diploma di Adjunct-Commies der Belastingen.

Comments (2) >>

Show/Hide comments

il said:

gr8..sigi cu e bon trabou

February 11, 2008

Tranquilo man said:

Nan ta pasa tur nan tempo dedicando ta studia i esunan di Diferente minister ta haja esaki of posicion mas halto sin sinja. Abuso di e ministernan . Si mi haja peticion di pueblo TRANQUILO MAN lo por publica algun di nan.CU nomber i salario completo. Cu nomber di ministernan.. Shonana PABIEN cu boso diploma i cu boso haja bendicion pa por cobra boso salario MERECIDAMENTE. Dios sa ki dia boso lo haja Bevordering awo. Si boso ta contrapartido di es Gobierno aki lo boso la tin e schaal 7 aki caba

February 12, 2008

Write comment

Show/Hide comment form

Name

Email

Comment

Add Comment