|
Desaroyo
economico sostenibel tabata riba e agenda ora cu e Director Gerente di Divi,
Alex Nieuwmeyer, a yama bonbini na un delegacion oficial di Hulanda na Windows
on Aruba. E bishitantenan di estado kier a topa cu representantenan importante
di e sociedad Arubiano den un ambiente relahante, pa asina intercambia di
opinionnan y yega na un miho comprondimento di e asuntonan economico di Aruba. Click read more pa un reportahe fotografico.
Riba e potretnan por mira
Premier Balkenende y Secretaria di Estado Bijleveld, Relacionnan di Reino,
mientras cu nan a disfruta di un lunch special prepara pa e magonan culinario
di Windows on Aruba.
Tambe inclui riba e lista
di dignitarionan invita pa topa y conoce e oficialnan Hulandes, Ewald Biemans,
Presidente di e Directiva di e Aruba Hotel & Tourism Association, Nicole
Hoevertsz, director di e Comision Olimpico Internacional, Juan David Yrausquin,
Presidente di e Aruba Trade and Industry Association, y Helen V/d Wal, un
consehero di gobierno.
Balkenende y Bijleveld
tabata na Antiyas Hulandes y Aruba pa un bishita di estado, entre 10 di
februari pa 15 di februari, fortaleciendo e relacionnan cu e area Caribense di
e Reino. Nan a wordo informa riba e progreso di e proceso politico, y tambe a
bishita proyectonan den e area di educacion, salud publico y desaroyo
economico.
Nieuwmeyer ta raporta
cu e lunch a bai hopi bon, y cu e dignitarionan a expresa un gran interes den e
proyecto di Divi riba nos isla y den futuro, desaroyonan benidero cu e lo
encabesa den e area di San Nicolas.
| Comments () >> |
 |
 |
