For di Sr. Serge Mansur di Partido Democracia Real nos a ricibi un comunicado cu ta analisa e programa di gobernacion di partido MEP di 2001, y ta compara esaki cu locual a sosode den e ultimo 6 anjanan. Click read more pa e relato.

Esaki ta e prome edicion di un serie di articulo cu lo sali den e proximo lunanan y cu lo enfoca riba e Programa di Gobernacion di Movimiento Electoral di Pueblo cu ta data di 2001. E Programa di Gobernacion aki ta uno cu ta consisti di 14 Seccion Principal y 25 Pagina.

Pa cualkier persona cu lesa e Programa aki lo bira hopi cla cu e Gobierno cu a sinta na 2001 cu un sosten hamas bisto na Aruba, y cu yen di esperanza, tabata sa masha bon kico nan lo mester a hasi durante nan periodo di Gobernacion. Nan pensamentonan tabata bon cla, mientras cu nan ideanan y puntonan di salida tabata logico y practico. Hasta nos por bisa cu Gabinete Oduber III tabatin un comienzo basta positivo. 

Lamentablemente, locual tambe lo bira hopi obvio durante e lunanan nos dilanti, mientras cu nos ta analisa e Programa di Gobernacion aki, y compara esaki cu e realidad ta cu poco tempo despues di a sinta, e Gobierno a desvia di su propio vision y asina a perde un oportunidad cu ningun partido a yega di hanja, y cu por lo pronto lo no ripiti. Atravez di e añanan e desvio aki a hasi cu Gabinete Oduber III & IV a perde su caminda y a desperdicia un oportunidad di oro. 

Pa motivonan di tempo y espacio ta imposibel pa cita cada un palabra cu ta den e documento, pero lo nos hasi nos maximo esfuerzo pa keda fiel na e letranan y e espiritu di e contenido di e documento. 

E edicion aki lo enfoca riba e prome seccion di e Programa di Gobernacion cu ta titula “Bon Gobernacion y Bon Administracion Publico” 

E Seccion aki ta habri: “Gobierno ta comprometi . . . pa asumi responsabilidad pa transparencia y integridad den gobernacion, . . . “. Ta obvio cu no a logra e dos metanan aki. Pa loke ta transparencia, ta notable cu hopi decision importante (NFR, BBO, Aumento di Invoerrechten, Fringe-benefit regeling, etc.) a wordo tuma den secrecia, y nos comunidad a wordo informa di esakinan algun luna (den algun caso siman) prome cu nan a drenta na vigor. Obviamente no a duna oportunidad pa un discusion sano riba e topiconan aki. Si ta husto pa reconoce cu den algun caso (cambionan den AZV, Medidanan di 2002), si tabatin discusion. Pero ta notable cu esakinan a data for di 2002 y 2003, y ya na 2004 Gobierno no kier a scucha mas di comunidad di Aruba. 

Encuanto di integridad, mester wak e Gobierno den su totalidad. Nos sa cu tin Gobernante integro den actual Gobierno, pero nan tambe mester carga responsabilidad pa e actonan di nan coleganan tanto den Gobierno como den Parlamento. Aki nos por corda un sin fin di incidente atravez di e añanan. E incidentenan aki ta varia di errornan den huicio, debilidad den moralidad personal, foutnan den sigui procedura, te na actonan cu ta duna tur aparencia di ta corupto.

No ta nos intencion di ataca ningun politico personalmente, y como cu ta trata di un analisis di henter e Gobierno, nos lo no menciona ningun di e incidentenan aki especificamente akinan. Loke si nos tin cu trece dilanti ta cu ta importante pa un politico (y sigur un minister) carga su mes cu dignidad, y percura pa su comportacion no por ni crea duda den su integridad of su caracter. 

Algo mas leu den a mesun seccion ta papia di fortalece Parlamento: “Gobierno lo promove cu Parlamento por eherce su funcion di control debidamente door di crea e infrastructura necesario pa Parlamento por funciona independientemente. E forma habri di Goberna aki ta stimula participacion di gremio, partner social, y otro instancianan den e proceso di tumamento di decision, dunando contenido na nos democracia.” Palabranan bunita porcierto! 

Lamentablemente henter e promesa di fortalece Parlamento a keda na nada. Durante e ultima añanan nos por a tende palabranan manera “Stempel Parlament”, “Ja-knikker”, “Cheerleader”, etc. pa describi e parlamentarionan cu ta sostene Gobierno. E palabranan aki ta simplemente un forma pa ilustra cu realmente no a existi ningun control di parti di parlamento durante e ultimo añanan. Hasta nos por corda algun ehempel grabá caminda cu Gobernante ta duna instruccion na Parlamentario. 

Pa loke ta trata participacion di representantenan di comunidad, mester bisa cu a cuminsa hopi bon, te cu, pa prome biaha den historia di nos pais, tanto comercio como sindicatonan a apoya Gobierno den introduccion di medida. Esakinan a wordo discuti den detaye, y a keda introduci sin ningun protesta of problema. E apoyo di sector priva tabata mara na algun condicion. Entre esakinan tabata introduccion di un Dialogo Nacional y tambe cu e medidanan lo a keda revoca despues di algun luna. Lamentablemente Gobierno no a cumpli cu e palabracionnan hasí e tempo ey.

Despues cu algun reunion a tuma lugar, actitud a cambia, y desde e tempo ey tur representantenan di sector prive a keda sistematicamente ignora, ataca, intimida, y tilda di ta metí den un complot internacional ala James Bond. Durante e lunanan nos dilanti lo nos papia hopi di e supuesto complot aki. Ni e integrantenan di e partido na mando lo no nenga cu representantenan di comunidad no ta wordo scucha mes (BBO ta un bon ehempel). Claro, lo nan purba hustifica esaki (principalmente mencionando e famoso complot), pero realidad ta keda realidad. 

E seccion ta termina cu un promesa pa hasi e famoso Kerntakenanalyse pa determina kico ta tarea di Gobierno y kico no. Pa cu esaki e documento ta bisa: “E proceduranan lo ta transparente y e gremio y instancianan concerni lo wordo envolvi asina tanto cu ta posibel”. Mester admiti cu en berdad e kerntakenanalyse a wordo hasí, pero esaki despues di un tardanza di un periodo di gobernacion y mei (6 aña), y no prome cu a tuma miles di hende na trabao, y crea un cantidad enorme di departamentonan nobo.

Den henter e proceso di prepara y compila e rapport, ningun instancia di sector priva a wordo involvi ni consulta. Y obviamente ta sector priva ta esun cu tin cu paga e checknan cu e gobernantenan ta firma tur luna! 

Awor cu e rapport ta cla e ta wordo tení secreto te ainda pa Gobierno. Pero si ta conoci caba cu e rapport ta recomenda pa elimina virtualmente tur e departamentonan cu a wordo crea durante e ultimo añanan. Esakinan, hunto cu tur e nombramentonan politico a costa y ta costando nos comunidad cientos di miyon di florin! Pero bon, e rapport a wordo hasí, y awor ta di spera cu e ta wordo hasí publico pa tin un discusion sano pa asina hunto por dicidi riba su implementacion. 

Pa loke ta e sección aki por bisa cu Gobierno su falta di cumplimento cu su mesun plannan ta hopi obvio. Hasta caminda a cumpli, a hasi esaki despues di tardanzanan enorme pa cual comunidad lo sigui paga pa hopi aña largo.

Te aki e comunicado di Serge Mansur di Democracia Real.

Comments (78) >>

Show/Hide comments

MCR said:

Emberdad e tumor politico maligno cu yama gabinete oduber111 y 1V ta comiendo poco poco , pero sigur sigur nos conbibencia sano y dushi cual nos tabata orguyoso di dje y asina lo conberti Aruba den un isla di pobresa y miseria. Si na anja 2001 ainda mep a bin cu un programa di gobernacion , cual manera e artic*lo ya ta bisa cu na caminda nan a laga tog benta un banda, nos ta constata cu pa e eleccion di 2005 mep a ni sikiera tuma e molester pa traha un !!!!!! Un programa di gobernacion ya ta duna e pueblo un idea kico e partido en cuestion tin den mente pa hasi/no hasi na fabor di pueblo si e hanja representacion den parlamento. Ademas tambe Nel tabata core pa tur debate politico.Laga nos compara awor kico ta e esfuerzo cu e candidatonan americano tin cu hasi pa gana confianza di e pueblo americano!!!!! Den tur pais democratico normal ciertamente ta bin cu programa di gobernacioin y ta tene debatenan politico.......Punto !!!!!!!

February 21, 2008

MCR said:

Aki na Aruba no.....Aki mep ta bay pa eleccion sin un programa di gobernacion , anto Nel coriendo pa tur debate politico tambe...Pero mep asina mes a logra net net suficiente voto pa a cera su cura cu e 11 zombinan, cu e tabata necesita pa suta, dal, maltrata, machica, trapa, desprestigia, viola, atraca, horca, saqea, etc., e c*lto y digno pueblo di Aruba cu tanto medidanan pa paga di e manera aki su deficiencia gubernamental di e ultimo anjanan. Mep no tabata tene debate politico y no tabatin un programa...,pero SI e tabatin un AGENDA SCONDI . Cu e agenda scondi aki naturalmente mep no por a traha/ of no mester a traha cu presupuesto na anja 2006, y TAMBE pa varios luna den 2007 ( si mi no ta hera 6 luna !), mientras cu BBO ya a ser pusha den strot di pueblo pe 1 jan 2007. Awor ta con bin mep a logra tog di sigura su 11 zombinan anto ? Wel, sin duda algun dor di e keeshi Namdar, etc,etc,...............

February 21, 2008

MCR said:

Tambe dor di cu mep a demoniza masha mahos mes AVP ( e partido mas grandi di oposicion ) cu supuestamente lo a horta e 50 miyon di FDSN. Wel 11maart 2008, nos lo tende enfaticamente cu ta berdad cu AVP a mafia e 50 miyon di FDSN (?). Pero un cos si , NO POR TIN TREGUA CU CANCER..............................

February 21, 2008

Ariën Rasmijn said:

Dicon no pone henter e programa online pa nos tur por piki pieu ariba dje (of defende)?

February 21, 2008

Manolo said:

Segun MCR, MEP no tabata tin un programa pa e eleccion 2005. Talvez e no tende, mira of lesa e siguiente documento cu a sali 1 luna promer cu eleccion 2005, titula: "Programa di Accion di MEP pa Gobernacion 2006-2010. Hunto nos si por mas pa bo, pa Aruba sigui progresa". E ta contene mas cu 30 pagina di puntonan clave di gobernacion cu a wordo reparti rond Aruba, excepto na cas di MCR. Cu e documento aki MEP a haya 11 asiento solido y a GANA e eleccion! Cu awe tin partido cu ta gaba cu nan ta 'e partido di mas grandi den oposicion' ta muestra palpabel cu awendia cu cualkier lolipop tin hende den AVP ta bira contento. Nan tin mas cu 60 anja caba ta anhela di bira un dia e partido di mas grandi na Aruba y den Reino Hulandes. MCR, Stop di yora y traha un tiki mas duro pa trata di gana e eleccion di 2009. Lamentablemente tin e casonan di Fondo Desaroyo Nobo,i Interbank y Radar cu ta colga manera spada di Damocles riba boso cabez.

February 21, 2008

Manolo said:

Awor cu MCR enverdad a haya sa cu tabata tin un programa di MEP pa eleccion 2005, NO bin maha y bin cu e muchachada awor riba e titulo di e programa. Siguramente awor nos lo bay lesa tocante 'Nos si por mas' of 'Aruba sigui progresa' etc. Hendenan manera MCR na Aruba nos ta haya 13 den un dozijn. Su partido AVP a horca Aruba cu debe, fraude, malversacion y corupcion y toch ciegamente e ta sigui sostene e partido aki.

February 21, 2008

Bito said:

Manolo,hamas nan lo bin den gobierno,laga nan sigui sonja,con lo bo por vota pa hendenan asina???si un tal otmar hanja castigo pa traha pa cominidad,seguimi e mester baha ta e mes a bisa................ken lo confia Mr ta mi hendenan...........kwa Arubiano puro...tell me.......

February 21, 2008

Clandestino said:

It only takes a single voice to start a Revolution! - Thorin

February 21, 2008

Manolo said:

Kende no ta corda e famoso plan di AVP pa elecion 2005? Despues di e debenan di garantia (206 miyon dollar), Fondo Desaroyo Nobo (50 miyon florin), Radar (23 miyon florin), Race Track (40 miyon florion), Radisson (140 miyon fl.orin), ainda nan tin e curashi pa bin cu e 'Plan@roba Aruba'. Si pueblo mester a ekiboca na 2005 y duna nan e confiansa pa drenta gobernacion di e pais aki, e resultado na final di 2009 lo tabata un 'Plan Bari', esta un pais na werki y bancarota.Ta pesey mes pueblo diariamente ta grita cu orguyo : 'Mil vez MEP mes'. Y danki tambe!

February 21, 2008

Manolo said:

Awor nos ta hanja tambe un politico di un partido chiripero cu semper ta papia di futuro, vision y cu nan no ta un partido tradicional di pasado ta bay 7 anja atras y ta coba den programa di partido MEP pa wak kico a wordo realisa of laga. Na lugar di presenta nan propio plan pa futuro, nan vision y kico lo por bay mihor den e pais aki, awor a resulta cu nan ta perde nan tempo valioso ta analisa programa bieu di otro partido. Ta coi haci mes e hendenan aki no tin! Ta ken a papia atrobe di politiconan dinosauro? Ya cu e ta asina entusiasma pa coba den e programa y rapportnan bieu, lo ta bon pa e analisa tambe e rapportnan recien di Fitch Ratings, dii IMF y carta di gobierno Hulandes y wak si tin algo positivo den nan. Lo e keda asombra cu e resultado di tur e rapportnan aki ta sostene pa gran parti locual tabata e vision di MEP den e programa pa eleccion 2001.

February 21, 2008

John Kelly said:

I like what this government is doing. Sometimes i compare it with what we have in the State, and truefuly, i believe that it's the same. and i really like my president. He's cool and so is the arubian prime minister and their spa.

February 21, 2008

cold one said:

Tog ta interesante pa wak cu e Gobernantenan no ta cumpli ni cu nan propio intencionnan. E ridic*lonan ta esnan cu ta mira gobiernonan anterior, envez di esun actual. Ainda tin hende ta papia di e 12-8, siendo cu nos no ta ni den Antiyas mas. Tristo!

February 21, 2008

cosbonso said:

Wawww, Serge tin cuero di cara di bin papia di credibilidad y bon reputacion E por bai wak Tio Luis cu ta mal sera pa DROGA, LABAMENTO DI PLACA, EXTORSION y OTRO COSNAN CU YA A CUMINSA duna hende miedo di ta banda di e Mansurnan

February 21, 2008

cosbonso said:

Ami drenta gobierno mi lo presenta un plan pa make sure cu hendenan cu ta laba placa, extorsiona hende y biba lekker cu entradanan di droga, drenta KIA y no sali nunca mas. Make sure cu nan dedenan no ni tribi di drenta den nos sistema di gobierno.

February 21, 2008

Ariën Rasmijn said:

E cos cu ta stranjami mas ta e tipo di lenguaje propagandista cu ta wordo husa. "kwa arubiano puro..." "pueblo ta bisa..." acaso b'a bati na cada porta pa consulta cu hende pa nan opinion? Cua ta bo definishon di un Arubiano "puro"? Pret si, tin hende kier sa nan ta Josef Goebbels. Den siglo pasa campañadornan di Mao, Stalin, Hitler i Castro tabata intimida hende, hasi insinuashon sin base i scupi propaganda na exactamente e MESUN manera, matando tur forma drechi di dialogo. Den un filosofia asina ta hopi mas valioso pa tin un pion obediente cu ta vota pabo, hisa bandera manera un loco i comete actonan dubioso na nomber di nan partido, despensa, "na nomber di pueblo" en bez di un persona cu ta pensa pa su mes i cu tur espacio i discreshon pa hasi esaki, na ken gobierno lo mester duna cuenta na dje al final. Pero no. Na Aruba hende kier sa nan ta mushroom. "Keep 'em in the dark and feed them bull****..."

February 22, 2008

MCR said:

Ami no ta fanatico di AVP, di RED, di MPA, di PDR..................pero mi ta PRO NAN EMPENJONAN VISIBLE PA DRECHA ASUNTONAN PA E POBLACION DI ARUBA...SIGUR MI NO POR TA MEP, PA MOTIBO DI E DELIQUENCIA DI SU INTEGRANTENAN ACTUAL NA FORMA ABIERTO Y VISIBLE PA TUR HENDE CU KIER MIRA ESAKI........ Si tin un partido cu ta liga cu delinquencia, anto esaki sigur ta mep. Nos no por a lubida caba tog e epoca di Ocando Paz, cu tabata cana kibra katang katang drenta Aruba den scuridad di anochi, y hanja un trato VIP. Dor di ken ??? Mep tin hooooopi riba su consenshi y su maldad e ta simplemente proyecta riba otro.Pero ta tur cos ta pa un tempo, mano !!!!! Otro cos si un familiar pega di mi (mi tata, mi mama, mi casa, mi yiunan) ta meti den algo malo of sushi,esey lo ta nan ******* business, y nan tin cu wak pa nan mes ta con nan ta sali for di esaki.

February 22, 2008

Presidente said:

Ta pasobra Serge a perde tur cos commercialmente y ta den bati bancarota, e la drenta politica. Y ta mas cu visto cu e Mansurnan ala estilo di OLA ta usando Andin Bikker, pa despues ala estilo di OLA, perhudica Andin. Cu tanto inteligencia cu Andin ttin, pero e no sa nada di nos historia politico y no ta ripara cu ta usa nan ta us'e. Despues kiko Andimn ta bay haci, ora cu Mansurnan a chica Abdin??? Bin yora cerca MEP.

February 22, 2008

MCR said:

Mi no por yuda pero ta asina nos a ser lanta pa nos mayornan y ta asina tambe mi a cria mi yiunan. Nos ta considera e lembemento di un partido/of cualkier politico pa hanja cos algo denigrante. Dor di estudio nos tur a bira profesional y a eherce e profesion corespondiente. Pa mep ta tur cu ta contra nan ta meti den droga, den cosnan erroneo,etc. Bo no ta bin cu programa di partido, bo ta bula pipa pa debate, bo no ta traha cu presupuesto, bo no ta traha cu partnernan social (hopi biaha esakinan ta politicamente infiltra y kibra ), enfin un tutu...Aruba su status aparte a ser secuestra y ta ser usa como HUB, PA ASINA NAN YEGA NA NAN COSNAN MATERIAL. Pero un pais di tal forma "maneha", lo sucumbi on the long run. Ah,... y por ultimo, si ta esaki emberdad ta loke pueblo kier (loke sigur mi no ta kere )segun mep, pueblo lo muri hunto cu mep...., mescos cu e tumor canceroso (mep) lo muri ora e curpa (Aruba) tambe muri...

February 22, 2008

MCR said:

MEP NO TA UN PARTIDO POLITICO NORMAL, E TA MAS BIEN UN STATE OF MIND MALIGNO DI CIERTO HENDENAN AKI NA ARUBA MES, CU E SOLO META DI PROBECHA MAS TANTO CU TA POSIBLE DI E BENEFICIONAN DI STATUS APARTE. Mep no ta eterno, ya cu semper malignidad no ta pa largo... Pero e cos ta : Kico y con grandi lo ta e danjo cu Aruba lo sufri na man di e cancer politico aki ?????????????????????????????

February 22, 2008

guess said:

MCR bisa bo lidercito yoron i su 40 ladron nan debolbe nos e placa bek di FDN anto asina nos tur por biba full happy riba e one happy island aki, cu hopi tristesa mi ta mira con un hende cu a verduister un 200 pa 300 mil fiscal ta pidi 2 anja anto pa un grupo cu a verduister 50 miyon just trabow communitario, con por ta possibel otro biaha ssigi horta na miyones i no na 100 mil , mas bo horta menos bo castigo ta hanja. NEL horta un BIYON E ORA A BO TA SALI LIBER

February 22, 2008

Virus said:

@ Serge Mansur No ta nada nobo cu loke bo ta trece dilanti. Nel a expresa bon cla y raspa, cu campanja ta un y goberna ta otro. Ela pone bon duidelijk. Pesey bo no por link su actividadnan cu locual nan a presenta como e programma di campanja. By the way, ta pakiko bo a subi lista? Pa salba guardia Aruba of pa Famia, DR. Emanscur?

February 22, 2008

Presidente said:

Un consenshi remordiente ta pone bira desespera y bay radio y papia coi loco. Un consenshi remordiente ta pone bo lubida y tira c*lpa ariba otro. Pero niun no por bin dilanti y bisa cu nada ta berdad. Sorry, pero partido AVP mes a admiti cu nan ta c*lpabel door di tira c*lpa ariba otro. Tur esten nan mesun campanjadornan a basha bao ariba nan. Abo ta defendiendo un lost case. Nos ta warda yen di anhelo pa dia 11 di Maart, kiko e uitspraak ta bay ta.Pero Otmar ta c*lpabel, Tico ta c*lpabel, Henny ta c*lpabel. Henny a tira c*lpa ariba Tico, Otmar ta corda exactamente donacionan pa kiko nan twt ta, pero e no por corda pakiko e contratista no a caba su cas. Please, mi no sa si abo a yega di traha cas, pero bo ta sera un contract toch cu un contratista y bo tin e ora preto ariba blanco e motibo pakiko un contratista no caba bo cas. Of esaki a ser haci sin cu tun contracto, anto si ta asina, dicon e no a traha un contract?????????

February 22, 2008

Manolo said:

Claramente bo por sinti y mira con MCR ta BABA formalmente pa su partido moribundo AVP drenta gobernacion di e pais aki. E no tin ningun vision,ningun plan pa futuro, pero solamente scupi su gal berde contra MEP. Ta parce cu e ta sinti su mes comodo den tur e coruptonan di su partido y ta asina ciega cu e no ta mira cu ta MEP a logra e Status Aparte y cu awe e por tin e libertad di habri su boca cuanto cu e kier. Si no ta pa MEP ainda su persona lo ta wordo atrapa pa e isla di mas grandi Curacao. Den un paar di palabra pa MCR: NO DIGNO DI UN ARUBAINO DRECHI!

February 22, 2008

Ariën Rasmijn said:

@Presidente: Kiko, ta redo so bo tin? Con bo sa cu e guy aki ta casi bancarota anto kiko esei mester tin di haber cu e topico?

February 22, 2008

hallo said:

Ami no ta compronde kon ajinda tin hendenan ku ta ciega pa e partido geel desastroso, shonan kita boso bril di palo Cuanto mas pueblo mester soporta di e hende nan aki. Ta puro medida e hende nan aki ta pone ariba lomba di pueblo, masha bunita tur e hotel nan ku a bin nobo pero kiko ta keda di e pueblo di aruba e persona nan ku ta ganando salario minimo tur comestibel ku ta subi ta keda subi mas bbo mi kiermen di. tempo di AVP e partido amigo nunka a castiga pueblo asina ku medida nan pisa, tempo di avp no tabata tin tanto choller, pobresa, tiramento,etc, dikon semper tin hende ta keda bati ariba AVP asina, tempo di AVP tabata tin ordo establesi, esij ta mi opinion.

February 23, 2008

MCR said:

Apesar cu Lago tabata paga nos mas cu 300 miyon florin di winstbelasting pa anja, Aruba, na momento cu ela hanja su status aparte ya tabata completamente plan bari. Mep di Nel a comehein tur placa. Betico (qepd) a purba di tur manera pa wak si lo por tabatin maske e minimo posibilidad pa habri e refineria atrobe, pero no tabata exitoso den esaki. Na anja 1986 bow liderasgo di mr. Henny Eman, Aruba a bin riba pia atrobe. AVP a compremete su mes pa trece Aruba back riba pia atrobe...Y ela hacie, ANTO CON !!!...PASOBRA E UNICO, PERO TAMBE E UNICO MANERA CU NOS TABATIN, PA POR A HACI ESAKI, TABATA DI BUSCA UN SALIDA FOR DI E PERCANCIA ECONOMICO VIGENTE, DEN EXTENCION DI NOS TURISMO. Aruba no tin materia prima, pero si hendenan cu tabata kere den loke nan tabata haci. Baymento di Lago a tolondra mep por completo. Nan no tabata sa kico pa haci..Nan a manda hende bay traha back den cunuco.

February 24, 2008

MCR said:

Nan a roga Hulanda pa tuma un 10.000 hende pa cria. E ora si Hulanda ta bon. Un panico total. AVP no a mira speranza mas den Lago. Den e tempo ey no tabata posible mas pa a habrie back djis pa su huma, pasobra importante tabata pa cueste loke cueste cubri e vacio cu Lago a laga atras: Esta e 300 miyon florin pa e presupuesto di Aruba, cu a cay afor ! Pa bo traha un cas sin fondo, bo ta busca un hypotheek, pa bo por hanja hypotheek bo mester sigura bo bida. Punto ! AVP a bin cu constuccion di un serie di hotel, pa di e manera aki expande nos turismo cu tabata tey caba..Pero pa a construi e hotelnan aki mester a bin cu e garantianan. Pasobra ta cua sokete ta bay inverti su placa si e no tin e garantia cu un dia elo hanja esaki back ! E empenjo pa a restart nos economia a resulta di tabata un exito rotundo. Pueblo tambe a hala faha mara, ambtenaarnan a perde casi 1/4 di nan entrada. Pero tabatin un motibo......Yuda nos Aruba back riba pia......

February 24, 2008

MCR said:

Y kico mep a haci ? Despues di a keda cayao pa dos anja, ata Nel a cuminsa bin ta harbri su tolele [non stop te e dia di awe. Awe sin embargo un poco mas modera, pasobra e sa drommels goed kico lo ta e consequencia di su actonan. Awe e ta papia imitando un manager cu un mastermind economico] riba e garantianan, anto na principio ta tur a bay di acuerdo cu nan. Manera nos tur sa e proyectonan tabata sumamente exitoso y ta cantidad di rubiano a cuminsa gana honradamente nan pan di cada dia. Ora di a tuma gobierno over na 1990 , ata Nel y su gobierno a cuminsa ta boycotia sistematicamente tur e proyectonan cu AVP a laga atras den construccion! Figura bo, bo ta trahando un cas, bo a fiya placa di hypotheek, pagando ariba dje aseguro di bida.........anto bo no ta controla kico e contratista ta haci..... Ta pesey aki aya cosnan a bay fout... Ta pesey mi ta haya mep semper criminal...E ta hunga wega peligroso cu nos pan di cada dia....

February 24, 2008

MCR said:

AVP kier a bin - ora di entrega mando na gobierno di mep na 1990 - cu un traspaso responsable di documentonan di cada proyecto andando di cada ministerio. Pero Nel y su trupa a nenga esaki rotundamente....Mientras cu dia cu AVP a tuma gobierno over na anja 1986, ta un cura di porco nan a encontra. No tabatin ademas ningun file, ningun documento cu a keda atras. AVP si a laga - como debe ser tuuuuur documento pa nan atras. Na anja 1994 ora cu gabinete Eman 11 a tuma over tabata mesun cos. Atrobe mep no a laga ningun computer, ningun file, ningun pida papel atras.......Y esaki mi mes a wak cu mi mesun wowonan....Gobernacion ta continuacion...Mep no tin ningun clase di respet pa nos pueblo..Mep ta hunga cu porvenir di nos yiunan...

February 24, 2008

MCR said:

CU APESAR DI TODO TE AINDA NEL Y SU mep POR SIGUI SNUK Y PLUNDER E LUGAR AKI TA DEBI NA 3 FACTOR: (1). NEL Y SU MEP TA DRIF AINDA RIBA POPULARIDAD DI BETICO(qepd).(2).NEL SU TOLELE MAGICO CU CUAL E TA LASTRA TUR COS CU TA POSITIVO DI OTRO HIBA FIERNO Y NOS TAMBE HUNTO CU NE.(3). E ACTITUD EGOISTA Y MATERIALISTA DI E 11 ZOMBINAN DEN PARLAMENTO. No ta cuestion di fanatismo pa un ke otro partido ,pero Aruba mester cambia. Nos mentalidad mester cambia..... Tur loke sr. S. Mansur a relata den su artic*lo ta berdad. Berdad pa esnan CU KIER MIRA E BERDAD...REALIDAD TA REALIDAD.....PUNTO !!!!!!!!!!!!!1

February 24, 2008

ProJustitia said:

@MCR: E desesperacion pa cos ta pone cu bo por scirbi di awe te otro anja ora cu elecion bati na porta. MEP no ta diferencia di AVP ya cu aki ta trata di dos partido grandi. E unico diferecia ta cu AVP nunca pero nunca por a forma un gobierno nan so, y esey awr abo ta bezig cu! Exactamente loke a sosode den e anjanan glorioso di OLA. A lapi, pega, mara y lijm na otro, pero e dinamismo di por a lidera e gobierno nan ey a keda leu for di cada un di nan cu a forma e gobierno. Ta cumbini bo lastra MEP na bo antoho, esey ta bo unico salida. No tin otro. Si Serge mester drenta politica ta paso su famia y su hendenan mester di algo, no ta pa nada otro.

February 24, 2008

MCR said:

Ningun partido politico chikito of grandi lo sobribi den futuro pa hopi tempo largo, si nan bin cu e mesun sorto di politica cu esun di mep muribundo actual, esta (1). ramzack e pueblo,(2).probecha di keeshi politico al estilo Namdar/Maurice Neme,(3).tolele-ando mentira kibrando otro...Di esaki mi ta sigur. Mep emberdad, manera e artic*lo ta trece bon cla padilanti a haya e chance di oro na 2001 pa drecha hopi cos pa e pueblo arubano. Pero cierto famiyanan den mep a mira e chance di oro den nan bida pa bira miyonario a costo di e pueblo arubano. Nan a conberti mep den NAN JACKPOT ETERNO ,GESPONSER CU PLACA DI PUEBLO. Emberdad tambe ta un realidad cu AVP nunca a toke e suerte di a coy un mayoria absoluto como partido politico. Pero SO WHAT ! Pasobra sin esaki mes AVP a sa di cumpli cu su pueblo. ANTO CON ?

February 24, 2008

MCR said:

AVP a restart e economia di Aruba despues cu Lago a bay y Nel su mep a comehein naturalmente e placa di winstbelasting. Promer cu esey AVP tambe mester a pone e lucha pa e causa riba e via corecto BACK ATROBE, ya cu mepistanan a hera pasa e station voorbij , poniendo Aruba asina den direccion di un independecia descabeya. Figura bo, Aruba independiente anto cu un Rudy como MINISTER DI INHUSTICIA, anto un dona Theresa, como EXECUTIONER. No AVP nunca a hanja mayoria berdad, pero cu AVP semper Aruba tabata gana. AVP berdad a hanje den un scual cu e partidonan chikito den e tempo duro di restauracion di economia, exepto cu e partido PPN, cu tabata semper hopi comprometi cu e destino di e pueblo arubano. MI a perde si respet pa OLA, specialmente pa motibo cu Gembie, despues cu pa anja a contra-aresta Nel, anto despues pa motibo di hamber y "twaalf ambachten en dertien ongelukken" politico, ta hinca rudia dilanti di e mesun Nel, pa pan....

February 24, 2008

MCR said:

TA ESAKI TA MI OPINION PERSONAL MRC, ANTO CU HONOR PUNTO

February 24, 2008

Virus said:

@ProJustiTia, Mi tin pa comparti e mesun pensamento cu bo. Casi tur hende a defia di e tema di e artic*lo y nan a sali, den un moda di decesperacion, pa defende nan Partido cu con cu bay con cu bin a hasi malo. Aruba a conoce dos Gabinete. Esun di Eman y Esun di Oduber. Tur dos a laga Aruba cu un debe di 2 biyon. Tur dos partido a wordo financia door di sea Mansur, Morisneme, Lacle, de Veer y Croes. Y queste lo que queste, e typo di famianan aki ta cobra tur locual cu nan a hinka aden y mucho mas.

February 25, 2008

Virus said:

Biniendo bek ariba e artic*lo, ami ta puntra mi mes, dicon Serge Mansur a subi lista. Pami esaki ta tuma door di e famia desespera pa haya bek locual cu a pasa nan den e ultimo caso di Interbank. Mirando con AVP ta wordo mancha door di Justicia, nan mester a desvia nan source pa por drenta bek gobierno. E pushi gancha den un skina, mester hasi saltonan raro pa por scapa curpa. Commerciantenan a cuminsa subi lista nan mes, pa salvaguardia nan minanan a costo di Pueblo. Aruba mester habri wowo y wak e realidad. Tur esnan cu tawata y cu ta na poder gubernamental, ta hasi kiko cu ta pa por bini bek of keda na mando, usando e d**ornan di e Pueblo.

February 25, 2008

Virus said:

E famianan tradicional (Eman, Mansur, Croes, Lacle) kier mantene nan posicion. Pesey nan ta sigi sponsor e Partido nan (AVP, DR, MEP, MPA), pa ora cu nan ta den gobierno, nan por cobra bek cu interes e sumanan cu a wordo fia. Aruba mester paga tino bon. Waak con Mansur, por medio di Diario, ta defende AVP. Alabes famia Mansur a drenta DR djis pa tine como un spear tire. Famia Croes, por medio di Solo di Pueblo (Edmond Croes), ta defende MEP. Tur dos partido ta wordo defende pa medio di un medio di communicacion, cu ta supose di ta neutral. Prensa semper mester ta neutral pa por trece e berdad dilanti.

February 25, 2008

Virus said:

Pami, mr. Serge Mansur, a drenta cu un solo meta. Famia Mansur mester mantene nan influencia y pata den e saconan di nos Pueblo, pasobra ta eyden e placa ta cu ta hasinan biba ala grandi. Corda Aruba no tin resources nan pa exporta.

February 25, 2008

Presidente said:

Arien rasmijn: Busca informacion, anto e ora bo sa kiko mi kiermeen. Ora bo caba di busca bo informacionan anto e ora bin puntra mi si enberdad cu loke ami a scirbi ta redo!!!! Si bo a maak mee e desaroyo di OLA, bo ta wak e similaridad cu tin entre OLA y DR. Si bo a sinta den e prome reunionan di OLA, y bo a wak e hendenan cu twt rond di OLA y a guia OLA na comienso, bo ta wak e mesun personanan aki rond di DR.

February 25, 2008

Cold One said:

Virus: Stop di plama redo. Ta tristo cu un hende di RED ta baha na e mesun nivel di e partidonan grandi di difama, ataca, y hasi redashi di hende.

February 25, 2008

Virus said:

Redo??? Kiko ta redo??? Cu Serge Mansur no ta commerciante? Cu famia Mansur no tawata tin influencia ariba nos gobiernonan anterior??? Bisa mi kiko ta e redo!!!

February 25, 2008

Presidente said:

Virus: Nan no ta compronde. Nan no ta mira esaki. Ta esnan cu ta MEP of AVP ta esunan cu ta bisti bril di palo. Pero nan? NOOOOOOO( sarcastic)

February 25, 2008

Presidente said:

Pero cold one: contesta Virus. Mi tambe kier hanja sa cua di nan ta redo. Y si ta posibel, mustra mi cu nan ta redo.

February 25, 2008

MCR said:

Na Aruba cacho , pushi, djaca,conew,totekki,c**alaca, enfin,ta tur ta bin pretende di por expresa nan opinion ( cu naturalmente ta hooopi di aplaudi !), pero en realidad no ta raca e esencia,e clue di e problematica di nos Aruba di awe! Ademas: Abrir la boca no es hablar ! E loke ta molestia e pueblo awe ta e hecho cu algun di nos mesun hendenan ta cabando cu tur nos felicidad y futuro. Ay no, sigur mi no ta desespera. Te hasta de vez en cuando mi tin cu hari e cierto pensamentonan troci, anke mi ta compronde hopi bon cu e situacion ta grave pa Aruba............ Aparentemente e Virus," tolele-us,mepistus di Nellus" tin hopi consenshi arubano den hopi mal estado.............. E aventura politico cu mep lo laga e lugar aki cu un wayaba masha pisa mes. Si, no ta AVP, no ta ningun otro partido,sino cu ta e mismito mep cu ta e c*lpa mayor di tur e desgracia aki..............

February 25, 2008

MCR said:

E boom economico enorme aki tabata e resultado directo di e garantianan y e contruccion di e hotelnan.E gobierno di e tempo ey a traha duro,di mainta te anochi,casi sin sosiego.Mep tabata sa cu e boom no tabata procedente di nan.Ta pesey nan a boycotianan consistentemente.E coalicion responsable pa e boom aki a prepara tur cos lo mehor cu ta posible pa Aruba por a absorba tur esaki. Coastel a ser habri, pero no cu e extra na winstbelasting cu Lago tabata paga. Ta pesey e plan di rescate di AVP no a duna e habrimento di Lago mucho importancia.Betico(qepd) tampoco kier a habri Lago manera Nel a habrie.Bon mira, Lago a habri (como Coastel) cu hopi deshonor pa Aruba: Ni un clabo Coastel tabatin mester di a cumpra localmente, tur tur cos nan por a trece for di Merca sin paga impuesto di importacion.Cu e compania a hanja tax-holiday,,,ok ! Pero cu nan por a importa tur tur cos asina, ta manera cu Aruba mester a baha su carson cu deshonor....

February 25, 2008

MCR said:

E gobiernonan di AVP y mep ta diferencia tambe hopi den e trato cu nos conciudadanonan. Esunnan di AVP ta paga indexering,aumento pa onderstand,handycapnan y nos grandinan.Ta masha babel Nel a haci tempo cu AVP a redobla e pensioen di e grandinan. Mep ora e haci algo pa e pueblo, ta masha chiripero chiripero esaki ta bay.Mep a cera universidad, IPA,scolnan y ensenjanza a manera para. Scolnan ta manera camponan di gitano,yen di trailers.AVP su gobiernonan ta na bienestar di e pueblo,esunnan di mep ta ser maneha pa un agenda secreto na beneficio di e mepistanan so na promer lugar.Bon asina bo por sigui.Definitivamente e gobiernonan di mep y AVP no ta igual.Mep ta descontinua tur cos cu AVP a bin cu ne y awor e ta den un racha pa profila su mes como partido di proyecto par excellence.Pero mep lo keda recorda den historia, como e partido DI MEDIDA CONTRA PUEBLO.

February 25, 2008

MCR said:

Un remarca: Mep lo mester ta riparando cu e ta hogando su mes den su mesun lodo, cu pa anjanan largo e tabata tirando riba otro, specialmente riba su rival AVP. Pesey tambe cu ta hopi biaha bo ta tende cu ta tanto bal AVP of mep, pasobra ta tur dos lo ta mescos. Pero conocedornan sincero di politica aki na Aruba sa masha bon mes cu esaki NO ta e caso.Desde e baymento di Betico(qepd), bow di e liderazgo di Nel ta zak mep a keda zak den lodo.Nos a mira aki riba caba cu e pueblo nunca a sali gana cu mep, apesar cu e pueblo a duna na varios ocacion mep un chance pa goberna.Nos a wak con AVP anke den un coalicion hopi dificil a logra supera e economia di Aruba.Nel a habri Coastel cu masha hopi fanfaria (Pero laga mi ta hopi cla aki. Coastel sigur tin su lugar aki na Aruba. Hopi di nos arubianonan ta ganando nan pan na e compania aki.Pero Coastel no tabatin e dimension y e significacion en relacion cu e boom economico cu Aruba a conoce despues di1986.

February 25, 2008

Cold One said:

virus said: "Pami esaki ta tuma door di e famia desespera pa haya bek locual cu a pasa nan den e ultimo caso di Interbank" " E famianan tradicional (Eman, Mansur, Croes, Lacle) kier mantene nan posicion. Pesey nan ta sigi sponsor e Partido nan (AVP, DR, MEP, MPA), pa ora cu nan ta den gobierno, nan por cobra bek cu interes e sumanan cu a wordo fia." Esaki no ta solamente redashi y shisheria, pero e ta pretende di por lesa mente di hende cu mi ta duda cu e conoce personalmente. Ami sa cu Serge no ta mucho sera cu Jossy, y si bo wak Diario bo ta ripara cu PDR no ta ricibi e apoyo ciego cu AVP si ta hanja. Serge ta un hende serio cu tin e derecho di wordo huzga riba su meritonan y no riba shisheria di hendenan cu ta core tras di redashi.

February 26, 2008

Cold One said:

Hecho ta cu hopi hende (incluyendo Serge como presidente di ATIA) a avisa cu BBO lo tin consecuencia serio pa loke ta trata inflacion. MEP a insisti cu ta un "Pacto Diabolico" ta hasi nan bisa esaki y cu no ta asina. Rudy Lampe a corre bai sconde na Hulanda y awe tur hende a ripara cu nan (entre otro Serge) tabatin razon. Rudy Lampe y su secta ta un gang di comunista cu ta presenta un peliger ala Chavez pa nos pais.

February 26, 2008

Virus said:

@Cold One Cuminsa busca informacion pa bo sa kiko RED a hasi e tempo ey. No djis tende algo anto bin papia. Check ariba RED su web-site pa cual kier info tocante BBO. RED como representante di Pueblo den Parlamento a hasi su trabow como parlamentario e tempo ey. Esey ta su derecho y SU obligashon. BTW, RED a sostene tur e instancianan cu a trece un analyse ariba e BBO cu por a mustra si e tbt factibel pa Aruba of no. Locual cu bo a trece pa dilanti awor aki, ta wordo jama redo. Nan di e E di cu E ta. Cuminsa busca info pa bo orienta bo mes. Bo ta parce di a perde bo strea di nort.

February 26, 2008

Virus said:

Ademas, kiko tin pa bo, Cold One? RED a lanta na defensa di e Pueblo. RED ta bringa corruption. RED ta bringando pa duna Pueblo bek e mandato por medio Parlamento pa tin mihor controle ariba Ministernan. Kiko abo tin contra esaki? Bo ta mirando RED como un rival grandisimo! Acaso bo ta defendiendo algo cu bo tin miedo di perde? Bo tambe ta un di e commerciantenan cu ta wardando fabor? of bo ta simpelmente un hende cu ta laga otro pensa pa bo y hunga bo manera cu nan ta haya ta bon? Bo no mester contesta mi! Djis pensa pa bo mes.

February 26, 2008

Virus said:

E analyse cu S. Mansur a trece no ta nada nobo. E ta confirma locual RED a trece dilanti caba. Solamente DR ta un pa dos anja laat. Pesey ma bisa caba, nan a cuminsa sinja di RED. E pregunta ta, pakiko commerciantenan a lanta un partido? Si bo ta hiba e mesun analysenan cu RED a hiba, pakiko hasi un trabow dobel? Pakiko critica RED, si bo ta bringa e mesun issue? Pami e contesta ta, cu e interes di DR no ta afilia na esun di RED. Bo sa dicon? E no ta cumbini e commerciantenan grandi! Awo si mi ta fout, mustra mi cu e no ta asina. RED kier pa pueblo tin un bista y control ariba kiko ta sosede cu e placa di Pueblo. Abo awo!!

February 26, 2008

Presidente said:

Ok, AVP ta yama BBO un medida. Awor esun cu AVP kier a trece si nan a drenta den Gobierno( see planAruba, see Tegenbegroting 200, con nan lo a yam'e??? Regalo??? 12% ta mas cu 3-6-9.

February 26, 2008

Ariën Rasmijn said:

@ Cold One: eh, anto loke bo ta bisa di RED no ta shisheria anto? (of at least propaganda di campaña?). Sure, RED su idea di un zakenkabinet no ta echt convence (mescos cu e argumento cu abogado i comerciante automaticamente ta un fit perfecto pa drenta politica), pero pa yamanan comunista ala Chavez ta full foi sla (of nan mester tin un arsenal grandi di arma scondi bou di nan wayabero). Shonnan na ambos banda, relax! Esei ta e mesun tacticanan di politica bieu cu boso ta tilda MEP cu AVP...

February 26, 2008

Presidente said:

Cold one::: Si bo por a saca afor loke Serge a trece dilanti di BBO, bo mester por a topa hopi mas cos cu Serge Mansur a haci contra e pueblo trahador!!!! DO NOT CHALLENGE MI!!!!!! Pasobra mi conoce Sege pa hopi anjas caba, y ta berdad di un banda cu e papellucho no ta defende DR manera ela haci cu OLA, pero ta mesun hendenan rond di DR twt rond di OLA, manera e mepistanna lo bisa, nan ta muchanan manda.

February 26, 2008

Honey said:

Serge mester a subi partido politico na corsow ta aya ela hibe tur su "Negoshinan" toch? Awel dal bai bo no ta contrubi aki na Aruba pa net net nada. Of bo ta warda pa drenta Gobierno pa saka TIO LUIS foi prison? HAHAHA ta koi hari paso serge lo bo tin di keda berdad paso mi kiersa cu....... lo bo tin di bai juda mas hende sali. Lastimamente cu bo partidito lo no bai make it atrobe tin mucho vrouwje riba e lista ey Regards

February 26, 2008

Presidente said:

Cold one: Y BTW, bo por a refresca mi memoria kiko Serge a bisa di e pagamento di BBO di Valero????? Bo metser a topa cu esey, pasobra e twt den ATIA e tempo ey manera bo a bisa y den mesun conferencia di prensa ela menciona algo di Valero, please, referesca mi memoria, bo mes sa, ta burico di mondi mi ta.

February 27, 2008

Cold One said:

Segun mi ela menciona cu Gobierno ta ridic*lo di pone belasting riba export y cu ta un triki e BBO ta. Un triki cu a nace den nan desesperacion pa placa, placa, placa, placa. Corda cu ta gobierno (tanto MEP como AVP) a duna tax holiday. No ta Andin ni Serge ni Monica ni Rudy (Lampe).

February 27, 2008

Cold One said:

@Virus. En berdad RED ta papia bunita, pero ami si ta corda con e lider a kima auto y despues inventa storia stranjo di cu un comerciante a tira botter riba dje. E ta loco y e odio comerciante. Tipico comunista. @ Honey: Tuma un calmante. Bo ta mucho hostina

February 27, 2008

Presidente said:

COLD ONE; Y kiko Andin Bikker, Serge su lider a bisa pa loke ta trata e pagamento di BBO di Valero????????? Claro cu nan no por a duna taxholiday, nan nunca a goberna.DUH

February 28, 2008

Cold One said:

Segun mi Andin ta di acuerdo pa Valero paga su BBO. Pero ami no t'aki pa sirbi como bo mmoria si!

February 28, 2008

Virus said:

@Cold One, Ni ami ni Presidente bo no por a contesta algo simple y riba issues. Aki bo ta ripara cu bo falta hopi na conocimiento. Porfabor, no bin papia cosnan cu nan a contabo via via sin sa e berdad. Bo kier sa e berdad, busca pa bo mes. Cuminsa educa bo mes ariba issues. Asina aki ningun hende por loliabo.

February 29, 2008

Virus said:

E dushi di RED ta, cu e ta zona bunita pero alabes e ta devastador pa hopi amo di hopi partido politico. RED no tin sponsor grandi manera hopi tin. RED ta depende di Pueblo. Asina aki su compromiso lo ta cu Pueblo. Mi no por bisa esaki di DR. Analysa e trajectora di Andin for di comienso y tambe kiko ta su interesnan. Awor tin un Manscur, sorry Mansur ariba lista. E unico Mansur ami por confia un poco ta Don. Don a traha hopi duro pa awe e otronan por biba manera nan ta awor aki. Mescos ta bay pa e padushi di Henny. Pero jammer genoeg mi no por papia asina di e desendientenan.

February 29, 2008

Virus said:

Cu bo ta califica Pader Lampe pa loco, mi tin di bisa cu mi ta diacuerdo PERO e ta loco pa stima su Pueblo y loco pa bringa e inhusticia y corruption contra su Pueblo. Bo no por bisa esaki di DR. Mescos cu tur otro partido tradicional, DR no ta sostene e pensamento cu paralamentarionan y ministernan mester sufri mescos cu e pueblo. Esaki mi ta refiri na por emhempel: Hisa e edad di pensioen di tur parlamentario y ministernan igual cu esun di Pueblo. Un mas? Laga tur Parlamentario paga full nan AZV-belasting manera tur otro hende cu ta wordo considera manera un eenmanszaak. Hopi hende no sa, pero un parlamentario no ta un ambtenaar. E no tin un donjo di trabow cu ta page. A nan ta e to