|
Construccion di scol basico na Kudawecha |
|
|
|
|
Thursday, 21 February 2008 - 00:00 |
Minister drs. Marisol Lopez-Tromp ta invita Sr. Otmar E. Oduber pa enbes di
critica e haci algo pa Pueblo y por lo menos cumpli cu su sentencia di 120 ora
comunitario door di yuda cu construccion di scol basico na Kudawecha cu ta
bayendo den bon rumbo. Click read more pa mas di e relato.
Si acaso Otmar E. oduber accepta e desafio aki, Gabinete Oduber, lo desea pa
despues di su prome 4 oranan di trabao, ora cu nos dushi solo di Aruba ta hasa,
ora cu su paña ta sushi di tera, su man y dedenan ta yen di cayo y e ta baña
den sodo di HOMBER CU TA TRAHA PA CRIA FAMIA pa e corda cu un gran parti di nos
Pueblo tin cu traha duro pa gana nan pan. Anto Gabinete Oduber kier pa e
reflecciona riba e 50 miyon florin cu te awe Pueblo especialmente Pueblo di San
Nicolas, no a mira nada di dje.
Pues, Minister drs. Marisol Lopez-Tromp ta invita henter Pueblo especialmente
Pueblo di Noord y henter Parlamento pa pasa na Kudawecha y admira construccion
di scol basico na Kudawecha. Manera informa den pasado Gobierno a opta pa
construi un scol nobo na Noord a base cu e poblacion den e distrito di Noord a
crece hopi den ultimo añanan y e scol basico publico di Washington na Noord a
surpasa su capacidad maximo.
E scol basico na Kudawecha lo ta situa net patras di e veld di Kudawecha. E
scol basico lo conta standard cu 12 klas y un gymzaal. E inversion di
construccion di e scol aki ta di 6.45 miyon florin.
Minister drs. Marisol Lopez-Tromp kende tin un compromiso cu mehoracion di
calidad di enseñansa na Aruba ta hopi contento cu e construccion di e scol
basico di Kudawecha y e otro proyectonan di renobacion ta cuminsa pronto. Cu e
scol aki Gabinete Oduber IV ta sigui inverti den futuro di Aruba
| Comments () >> |
 |
 |
