| De Palm Island a celebra 20 aņa |
|
|
|
| Thursday, 21 February 2008 - 09:00 | |||||||||||||||||||||||||||||||||||||||||||||||||||||||||||||||||||||||||||
 Diaranson anochi cu precensia di staff, personal, famia, amigonan y prensa a ser celebra e di 20 anniversario di De Palm Island. Un de Palm Island cu a wordo completamente transforma pa e anochi aki a sa di luci sublime. For di e momento di yegada cu cada persona a wordo jama bon bini ariba e isla door di e staff completo te na e despedida tabata algo formidable. Un pabien na e famia grandi di De Palm Tours. Click read more pa lesa un poco di e historia y mas imagen di e celebracion.
Tempo cu Refeneria di LAGO a sera su portanan na
1985, De Palm Holdings- a conclui cu turismo lo reemplasa refinamento di
petroleo, como un entrada di intercambio extranhero, y lo bira e pilar mas
importante di economia di Aruba.
De
Palm Tours a decubri e tempo ey tambe cu tur hende tabata enfoca riba
construccion di hotel pa e industria di turismo, pero ningun hende tabata pensa
riba e facilidadnan recreacional y actividadnan pa e bishitantenan hasi durante
nan estadia na Aruba. E compania e ora ey a dicidi di combina su servicio di transporte, cu un desaroyo
agresivo cu facilidadnan recreacional y servicionan aquatico. Asina e inversion
pa desaroya De Palm Island a ser hustifica.
Pesey
a cuminsa busca sitionan di recreo, capaz pa duna bishitantenan di Aruba y
residentenan local, posibilidadnan unico y inovativo di entretenimiento. E
intencion tabata cu e facilidadnan aki lo ofrece tambe atraccion di turismo
nobo y un destinacion pa nan boto, bus,
jeep, y auto-nan, ATV, etc. E motibo principal tabata pa solidifica e
compania su posicion di lider den e industria di turismo di Aruba.
E
motibo mas importante pa selecciona un isla priva, ta pa motibo cu islanan
priva tin un percepcion unico den e bistanan di tur clientenan, mundialmente. E
percepcion aki a ser confirma , ora cu Sra. Jaqueline Kennedy y Sr. Onnasis, a
contrae matrimonio riba nan isla priva. Residentenan di mundo tabata encanta cu
e lugar. Fuera di esey tabatin un programa di television cu e nomber di
"Fantasy Island" cu Ricardo Montalban y cu tabata ser filma riba un
isla priva; e programa a hanja bon aclamacion, pa motibo cu ela enfoca un isla
priva.
Asina
e idea pa desaroya un isla priva, como un centro di entretenimiento y
recreacion a nace. E projecto aki a bira un modelo pa Caribe. Miyones di dollar
a ser inverti den e isla priva aki, cu a
habri na Januari 1988. Den un tempo cortico
ela bira un centro di recreacion pa e bishitantenan di Aruba, mescos
tambe pa nos propio residentenan local. E grupo mas grandi cu a ser entretene
riba e isla, aki den un solo funcion, tabata 1600 empleado di Valero, riba nan
Dia di Famia. E isla aki por ser usa pa fiestanan cu temanan, mescos tambe tur otro
sorto di funcion.
E
ta situa tambe meimei di un formacion di
coral den un rif y ta habita pa e variedad mas grandi di bida marino tropical y
piscanan. E "Blue Parrotfish", ta e residente mas famoso di De Palm Island.
Pa e motibo aki e la bira e lugar mas ideal pa snorkel. Fuera di turistanan,
residentenan local tambe ta hasi uso amplio di e facilidad pa fiestanan di
oficina, matrimonio, bishitantenan di gruponan incentivo, etc. Riba De Palm
Island bo ta hanja diferente edificio, manera bar, restaurant, un tienda di
souvenir, beach y diferente cushina y por wordo usa durante dia y anochi.
Den
e proceso, De Palm Island a crea un destinacion atractivo pa e botonan di De
Palm Water sports, e bus-nan di De Palm Tours, y e jeepnan, mescos e
Landrovernan di De Palm Car Rental, etc. Cu otro palabra e companianan aki tin
un lugar mas, pa hiba nan clientenan. Un pier cu nomber di Port De Palm, a ser
construi na Balashi riba tera firme di Aruba, na e otro banda di e isla De Palm
Island, pa asina duna acceso na e isla. De Palm tin un flota di botonan ferry,
cu ta hiba e pasaheronan entre e isla di Aruba y De Palm Island. E "ferry
boat" nan aki ta sali cada 15 minuut.
De
Palm Island ta un extension logico di e actual structura di e companianan. E ta
ofrece e companianan di De Palm Group, un oportunidad excelente pa asina mehora nan mesun linjanan di
producto y servicionan. Di otro banda e otro miembronan di De Palm Group, ta
hasi nan contribucion door di constantemente manda un cantidad di clientenan pa De Palm Island.
De
Palm Island a bira un isla " all inclusive". Pa por fortalece e controlnan financiero, De Palm Island a bira un destinacion "all inclusive". Bishitantenan ta paga un prijs cu ta inclui e biahe di e ferry pa y for di e isla, ekiponan di snorkel, tur bebida y cuminda. E stacion di cashiernan a ser kita y no tin intercambio di placa, una bez e pasaheronan jega De Palm Island. E unico actividadnan opcional ta Seatrek, compra na e tienda di souvenir, y biahenan di sumbuyamento. Seatrek ta un parke submarino desaroya y traha door di De Palm Island. Esaki a ser hasi door di a sink dos avion y un bus bieuw di De Palm Tours, cu ta atrae un variedad grandi di piscanan tropical. Piscanan tropical ta gusta tin sombra y e vehiculonan aki bao di awa ta duna nan esaki y nan a hasi e vehiculonan aki nan cas nobo.
Logronan
importante riba De Palm Island:
E
parke aquatico Blue Parrotfish, cu a drenta den operacion na Juli 2006
E
construccion di e parke submarino, door di a sink dos avion deportivo y un bus
di De palm Tours pa crea rifnan artificial y hasi e areanan mas atractivo pa
bishitantenan. E projecto aki tambe a ser termina na 2004.
Mehoracion,
drechamento y instalacion di airconan di e dos edificionan grandi riba De Palm
Island.
Sociedad
cu " Taste of Belgium" pa operacionnan di F&B.
Un
Compromiso pa Proteccion Ambiental Interesante:
Como
parti di e mehoracion di e producto di De Palm Island, un planta grandi pa
trata desperdicio a ser instala. E planta aki ta kita tur bacteria for di
desperdicio humano, pa preveni contaminacion di awa y ta ser re-usa pa muha
matanan (landscaping).
Pa
e compania, e logro di celebra 20 aña no ta bay sin mas. De Palm Holding ta
masha agradeci na su empleadonan, pero specialmente na e pueblo di Aruba cu a
sa di sostene e compania aki pa hopi aña largo. Cu e mas reciente inversion
miyonario na e isla, incluyendo e atraccionnan aquatico nobo pa deleite di
henter famia, De Palm Island ta cla pa sigui pa hopo aña mas!
GRANDMA
said:
|
|||||||||||||||||||||||||||||||||||||||||||||||||||||||||||||||||||||||||||
 |
COMO CU TA 20 ANJA, HACI E PRIJS 20 FLORIN  HOPI PABIEN, E TA UN DUSHI LUGAR |
mtf
said:
|
Hahahahaa si e prijs tambe mester por kambia. Un kos mi por bisa tempo ku por a hiba mucha gratis e twt mas facil, awoki tog mester pensa bon of plan ta kual luna por bai. Pero si un dushi lugar di berdad, y bo ta pasa bon... Hopi pabien na the malmberg family y tur otro... Semper vakantie grandi ta dushi pa bai... |
ARUBANITA
said:
|
Un pregunta na genrente di "the Palm tours": Boso a celebra na grandi y unda e invitacion di tuuuuuuur e trahadonan cu a juda bende e isla aki pa 20 anja largo?? Ni un carchi di danki nan a haya!!!! |
