| Serge Mansur ta reacciona riba MEP |
|
|
|
| Sunday, 24 February 2008 - 23:00 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Nos
a haña hopi reaccion positivo riba esaki, como cu esaki ta un iniciativa ful nobo.
Nos no ta grita of ataca hende, ni ataca nan famia. Locual nos ta hasi ta
simplemente analisa si locual a wordo primintí a wordo cumplí cun’e. Obviamente,
priminti algo sin cumpli ta simplemente gañamento.
Parce
cu e iniciativa aki a pone algun persona den partido MEP bira masha nervioso
mes. Atrobe un di e autornan cobarde y anonimo di e partido a dicidi di ataca
tanto mi persona como nos partido. Pakico tanto nerviosismo? Wel, simplemente
pasobra nan sa masha bon cu cualkier analisis asina lo sali pesimo pa nan.
Mescos
cu miles di Arubano, mi por corda den anjanan 70 y 80 partido MEP tabata uno di
hendenan cu curashi cu no tabata tin miedo pa para pa nan principionan. Ta
tristo pa wak cu awor e partido ey a cay den man di un grupito di probechador
cobarde cu ta ataca hende anonimamente, envez di maneha nos pais cu ta locual
nos comunidad ta paga nan hopi placa pa hasi.
E
atake anonimo di MEP ta cuminsa cu yama mi persona un “hende di bon bida” (como
sifuera esey ta algo malo). Mi mester admiti cu mi bida en berdad ta bon; mi
tin un fantastico casá, un tremendo famia, bon amigo rond di mundo, y mi ta
biba riba un isla magnifico. Na otro banda, mescos cualkier hende, tin cos cu
ta molestiami tambe. Por ehempel: Un Gobierno sub-mediocre cu ta devastando e
pais cu mi stima.
Locual
mi ta hanja hopi stranjo ta cu e partido cu ta sintá den Gobierno supuestamente
pa percura pa felicidad di henter nos pueblo, aparentemente no gusta ora
ciudadano Arubano tin bida bon. Acaso ta nan so mag biba bon? Ta friends &
family so mag biba bon a costo di e resto di nos comunidad? Ta pesey nan a
introduci un BBO, hisa invoerrechten, hisa leges, hisa accijns, etc, etc. sin
cu esakinan ta den nan programa?
E
atake anonimo di MEP na dado momento ta yama nos partido pa “Chiripero”. Mi ta
supone cu e palabra “kinderachtig” aki ta referi na e hecho cu den e ultimo
eleccion MEP a hanja hopi mas voto cu nos partido. Esey ta un hecho, pero e
autor anomimo nervioso mester corda cu ni AVP, ni MEP no a nace grandi. Hasta
PPA, e partido cu mas asiento a yega di saca den historia na Aruba a nace
chikito.
E
autor anonimo nervioso ta sigui menciona varios iniciativa di AVP cu cual ni mi
persona, ni Democracia Real no tin nada di haber (ni nos ta di acuerdo cu nan).
Mi no sa kico AVP su errornan tin di haber cu nos partido, pero mi ta supone cu
esaki ta producto di e autor anonimo su nerviosismo.
Dado
momento e autor anonimo nervioso ta scirbi: “Alavez tin punto di accion cu debi
na cierto circumstancianan tin cu wordo ehecuta ainda”. Esaki ta berdad, pero a
lubida di menciona cu e circumstancianan aki ta: Un Gobierno Sub-Mediocre. Asina
cu Democracia Real drenta Gobierno e problema ey lo ta drechá, y pueblo di
Aruba lo por experiencia gobernacion responsabel y capaz pa cada Arubano. Democracia Real lo sigui analisa e promesanan di MEP y compara esakinan cu locual en realidad a wordo hasí. Lo nos hasi esaki na un forma obhetivo, y sin bira nervioso, sin sconde tras di anonimidad y sin atakenan baho y cobarde. Pasobra nos SI ta kere cu promesanan di campanja t’ey pa word. Te aki a e comunciado di Democracia Real.
jama
said:
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
mi no por kompronde dikon tin hende cobarde ta skibi kos den korant, sin pone nan nomber i ta usa nomber di otro si. masha bon serge mansur, pone bo nomber i fam, pasina e cobarde sa ku den democracia real no tin cobarde, bon siman pa henter pueblo di aruba |
anonimo (pero no di MEP)
said:
|
Mi ta gusta Democracia Real, su vision, y su lider Andin Bikker, cu ta lanta caso contra gobierno, para contra e monster geel aki, pero............ e ta rondona su mes cu Colombiano, y algun candidato cual fam mes ta crea duda den bo como votador. Esei ta hacie fastioso. Pero, bisami, ta ken ta completamente integro? al menos, den e partido aki no tabatin scandal (ainda )di placa cu a somenta, negoshi di real estate, scandalnan sexual, y negoshi di permiso. |
Virus
said:
|
E influencia di RED a cuminsa traha serca DR. No ta nada nobo locual cu DR ta trece dilanti. RED ta e prome partido cu a trece e tipo di analysenan aki. Ta pesey RED ta den gobierno. E pregunta ta awor, DR ta pensa di bringa e corrupcion cu tin y defende e pueblo? RED a bin ta demonstra esaki caba. RED ta defende tur locual ta bon ta e pueblo y ta bringa tur locual ta malo of cu ta hurt Aruba. Ta pesey e partidonan MEP y AVP ta jama Pader Lampe pa ganjado sin por trece e mentira dilanti basa ariba un issue. Si acaso DR lo traha na e mesun manera cu RED, spera cu lo bo wordo jama pa diabel. |
Virus
said:
|
Serge Mansur, e pregunta ta keda tambe: Bo famia lo tin influencia den DR? Corda cu berdad semper ta sali na cla. |
Virus
said:
|
Por ultimo, ban spera cu nan no ta e lobo disfrasa na lamchi. |
Presidente
said:
|
Pa Sege: Si bo wak e cantidad di asiento cu MEP a hanja na e prome eleccion cu enan aparticipa, ta hopi mas grandi cu cualkier otro partido cu a lanta. Partido MEP hamas y nunca a keda sin saca un asiento, semper twt 8 asiento bay ariba. Dus Sege Mansur mestter bay busca su informacionan mihor prome cu e scirbi algo. Esaki ta conta tambe pa partido AVP. Nunca nan a baha bao di un asiento. No cu ami keir defende AVP, pero Serge a scirbi algo cu no ta berdad. |
Cold One
said:
|
Ami ta casi sigur cu lo mi vota pa Democracia Real. Ya ta basta cu e dos partidonan grandi ladron. Anonimo: Bo mester sa mihor di uza un hende su faam of posibel actonan di familiar contra di dje. Foei! Presidente: Serge a papia di nace chikito. MEP no a nace den eleccion, pero prome cu eleccion. Nan a crece liher si, y ya tabata grandi pa nan prome eleccion. Esey ta berdad. Na ta trahando bon si! Nan Bindo tabata enorme! |
Rompe Hueso
said:
|
Ta con e dicho di difunto BETICO (q.e.p.d.) tabata ta atrobe??? Esun di e caravana y e cachonan cu ta blaf!!! |
The Innovator
said:
|
Mi ta kere cu e analisis constructivo di Serge y tur otro politico ta algo pa aplaudi...Nos mester stop di pratica politica bieu...Nos por ta di partidonan politico diferente cu filosofianan diferente, pero na final, ta pa Aruba nos ta trahando toch? Ban trata di usa e criticanan positivo y haci algo cu nan...PDR ta un partido cu ta mustra di ta escogiendo un rumbo diferente na locual nos ta custumbra di wak den e arena politico Arubiano...Y tin algun otro partido cu tambe ta riba e camnida ey...E bottom line ta cu e politica cu a ser hiba desde nos Status Aparte, no ta sirbi y mayoria di e pueblo Arubiano ta fada y cansa di esey... |
The Innovator
said:
|
Tur hende na Aruba por sinti e consequencianan di e mal maneho politico, sigur e ultimo 8 anjanan...Ban stop di critica pa critica y ban traha hunto pa hiba Aruba rib'e caminda cu nos merece...No obstante e colornan politico, nos por traha hunto y caba cu e politica immadura cu tanto anja a domina Aruba...Serge, sigui asina...Mi ta respeta bo area di expertisio y lo mi kier tende mas di bo analisis...Y di tur otro politico cu por analisa cu argumentacionnan cientifico sin inlfuencia emocional! |
ate
said:
|
Hopi bon. Porfin hendenan critico, manera Serge ta lanta for di sonjo. Ta hopi tin na Aruba, pero e miedo twt grandi. Pero shonnan studia, critico, habri boso boca i si por subi riba un partido cu no ta ni AVP ni MEP. Pasobra nan sistema di hiba politica twt bisto funesto pa Aruba. Awor ban spera cu esnan cu no ta 'mancha' ainda di 'picanan' politico, por keda para riba nan idealismo. Pasobra ta esey e pueblo kier aworaki: UN IDEALISMO LIMPI pa hiba ARUBA dilanti. Basta na corupshon, vriendjes-/familiepolitiek. Laga tur hende sa na Aruba cu e sistema di goberna Aruba ta para riba cualkier corupshon etc. |
Manolo
said:
|
Pregunta di siman: Ta cual lider politico a bay te den Corte di Casacion na Hulanda pa trata di ranca 15 miyon florin di placa di pagadornan di belasting? No ta e mesun politico aki a manda un carta pa e gobierno actual den cual e ta exigi e suma di 15 miyon aki y cu si gobierno - debi na e situacion financiero - no por paga esaki un solo biaha, e ta dispuesto pa haya e suma aki paga poco poco,pues den cuota. Vaya pueblo, sorto di lider politico asina por wordo confia cu gobernacion di e pais aki? |
Manolo
said:
|
Lo ta bon pa esnan cu ta kere ciegamente den Democracia Real analisa e lista di e partido aki durante e ultimo eleccion. Riba e lista aki ta aparece un candidato cu hunto cu e lider ltabata na yoramento na television, cuater dia promer cu eleccion. E asunto di The Mill ta bisa boso algo? |
Honey
said:
|
Serge ta un Mansur y hamas un mansur lo por bin na poder!!! Sorry pero Serge ta pio e ta un persona masha materialista. DIOS spaar nos tanto di Serge cu Adin. E palabra "chiripiero" a dal serge duro. Serge keda den o mundo di elite nos mester hende humilde no hendenan manera ABO!!!! Regards |
Clandestino
said:
|
It only takes a single voice to start a Revolution! - Thorin |
Cold One
said:
|
Honey, Bo paranoia ta demasiado obvio. E malesa MEP ta hinca te den bo tripa. Huzga hende riba nan meritonan y no nan faam. |
MCR
said:
|
Mi ta ful di acuerdo cu e ponencianan di S.Mansur den su dos artic*lonan, pasobra ta esaki a pasa na Aruba e ultimo anjanan: (1).Nos tin e realidad di e programa di gobernacion di mep for di anja 2001(esun di 2005 mi no a mire nunca, pasobra e no a existi ).(2). E realidad di kico a socode den gobernacion (pero esaki ta ningun sorpresa ya cu Nel mes a bisa:"Loke bo ta priminti den campanja ta un y loke bo ta haci den gobernacion ta ful otro"Loke mi no mi ta compronde ( pero esaki no tin nada di haber cu e artic*lonan di S.Mansur ) TA E ACTITUD TRAICIONERO Y INCOMPRENDIBLE DI E SINDICATONAN PA CU E TRAHADORNAN Y E PUEBLO DI ARUBA EN GENERAL...GEWOON CRIMINAL !! SI NAN POSTURA TABATA OTRO NA ANJA 2001, MEP LO NO A TRIBI DI HACI LOKE ELA COMETE CU PUEBLO !!UN BIAHA MAS, GEWOON CRIMINAL ! |
MCR
said:
|
Un biaha mas e sindiicatonan: Ok...un paar di nan mep sigur a infiltra y lo ta para swak contra mep, mescos cu mep a kibra FESINA antes.Esaki tambe ta e modus operandi di mep : infiltra y habraca ; NAZI-style!!.Awor e Virus maligno di mep no solamente a afecta e sindicatonan, pero tambe a plama den casi tur e departamentonan di gobierno, tambe den rekenkamer, accountingsdienst, te hasta OM den e caso di FDSN. Te hasta mi por bisa cu e gouverneur, pa loke ta toca e bienestar di e pueblo arubano den representacion di su Mahestad La Reina, solamente ta visible ora e ta bay para bow di e cuadra di su mahestad na ora di un bis**ta importante of tambe na ora di un ke otro obseqio, pa saca un portret.Nos parlamento a bira e sinfonia di Mervin, hancho habri pa mep y cu su coro di e 11 zombinan y completamente cera pa oposicion.Den e anochi di BBO,Nel a grita Mervin: "Que me toque la sinfonia!" y e 11zombinan a canta :"VOOOOOR" y nan a horca e pueblo... |
MCR
said:
|
ARUBIANONAN , E POSIBLE GOBIERNO NOBO DESPUES DI E ERA DI E mep AKI LO HANJE DEN UN SKUAL BASTA FORMAL Y PISA PA DRECHA E COROTO CU E mep AKI A LAGA ARUBA ADEN. LO BOSO WAK,... NAN LO CAY DEN UN RACHA DI LAGA DOCUMENTONAN DJIS SOMENTA, MANERA SEMPER NAN A HACI.......ESEY MI TA DI OPINION : CU E mep AKI NO POR TIN DIALOGO MAS,....ANKE COMO SER HUMANO CIVILISA NATURALMENTE MI TIN CU ADMITI AKI LASTIMAMENTE CU TA SOLAMENTE CU DIALOGO HUMANIDAD A PROGRESA. E mep ACTUAL A COY UN MAL MALESA CU LO BAY AFECTA NOS TUR..... |
Presidente
said:
|
MCR: Ken abo ta kere cu tin e c*lpa den caso di FDNSN? Tico, Henny of Otmar?? Pasobra nan tur tres ta punta dede ariba otro. |
Manolo
said:
|
'Loke bo ta priminti den campanja ta un, loke bo ta haci den gobernacion ta ful otro'. En verdad, esaki a bin padilanti den Corte algun siman pasa door di e activistanan di AVP. Durante campanja pa eleccion 2001 Minister President Henny Eman y Minister di Fianza Tico Croes a presiona e activistanan M. Bislip, M. Boekhoudt, R. Maduro etc. pa nan percura pa e proyectonan politico di Fondo Desaroyo Nobo termina promer cu eleccion ya cu esakinan ta promesanan di campanja di AVP na pueblo. E resultado final ta cu pueblo a keda sin proyecto, proyecto mitar termina, proyecto no-termina, fraude y corupcion na granel. Enverdad, MCR tin tur razon di mundo: Priminti ta un y cumpli cu pueblo ta otro! |
Presidente
said:
|
MCR: No bruha MEP cu AVP!!!!!! Na 2001, con anochi laat( mi twt pasa eybanda), papershredder twt traha bay off. Y mas tristo aun, dia cu nan mester a laga bestuurskantoor, nan a lubida di deshaci di tur e papelnan den e papaerschredder. MCR: please, awe mi beis no ta dje fabuloso, dus no bin cu bo cosnan ridic*lonan. Si mi beis twt mihor awe, lo mi no a reacciona ariba bo bobedad. |
Manolo
said:
|
NAZI-style ta locual e activistanan di AVP a declara den Corte bao huramento siman pasa, esta cu Henny y Tico tabata duna nan orden pa pusha tur e bagamunderiannan di Fondo Ladronicia Nobo y Plan Bari promer cu eleccion 2001. E ordennan aki a sosode mescos cu durante e periodo 1939-1945 na Alemania, caminda 'Herr Henny und Herr Tico' tabata dicta riba nan subordinadonan: 'Befehl ist Befehl'. Mescos cu e Nazinan tanto Henny y Tico a declara despues den Corte recientemente: Ich habe das nicht gewusst'. Mihor ehempel di NAZI-style no tin! |
Manolo
said:
|
Pueblo Arubano mes mester a drenta Bestuurskantoor dia 31 di oktober 2001 y mira cu propio wowo e desaster cu a keda atras: Computernan, printernan, airconan, lessenaarnan, kashinan a somenta. Pa no papia mes di tur e documentonan publico cu tambe a somenta. Tabata falta pa nan a bay cu e porta y bentananan tambe. Gobierno di MEP mester a bolbe cumpra tur e materialnan aki y p'asina gobierno por a cuminsa funciona. Pues ta tur caminda e piranjanan berde a pasa y destrosa den un forma increibel. Anto tur dia elementonan manera e tal MCR ta yora cu pueblo: 'Por fabor, duna nos un chens mas pa drenta gobernacion. E biaha aki si nos no ta bay horta!". Pregunta ta si bo por confia pushi cu pisca un biaha mas? |
Honey
said:
|
Den mi tripa no den mi HIGRA. Ta ki merito Serge por tin? Andin ta pio ainda? Hendenan vengativo!!! Ta paranoid bin bij!!! Regards |
Quarentona
said:
|
Honey che bo higra ta tur putri.Ba bira paranoid di berdad. |
Bito
said:
|
MCR.......anto kiko MEP a hanja despues di e atraco cu avp a tira riba e pueblo aki??mi ta compronde cu bo ta bezig ta type for di cas di bo amonan esta Mr ta mi hendenan,waak hopi hende ta bisami si cu mep ta djo djo so etc,ei ami pa mi no discuti cunan mi ta gewoon bisanan,mep ta djodjo pero trahando,pero avp ta djodjo y sigui djodjo,waak rond di bo MCR..........jen di projecto,anto ainda no ta bon,boso trese e plakanan cu boso a mafia....................................bisa bo lider Mr ta mi hendenan bai planta pinda cu su ruman santo don henny jr......tal para cual! |
MCR
said:
|
Joran cu su joranismo/mep cu su joranismo politico = GANJA,GANJA,SIGUI GANJA,SIGUI GANJA Y MAS GANJA,te ora nan kere bo of give up...... Joran su meta: Keda scapa su curpa for di e mannan di huez. E victima: Natalee,un joven bunita den flor di su bida.Ningun hende sa su paradero, Joran so!! Aruba tambe, ya cu nos sistema hudicial a hit the floor den bista di mundo ! Naturalmente nos turismo. Mep su meta: Keda gana eleccion pa stiwa sweetmoney pa friends & family. E victima: Pueblo arubano/Nos espectativanan pa e futuro di nos hubentud. |
MCR
said:
|
Tur mi criticanan ta basa riba berdad, anto mi ta ripara cada vez cu tur biaha bo ta ser critica back cu e mesun cos. Ehempel, mi a remarca con e mepistanan a laga e oficinanan di gobierno atras ora di a entrega e mando over. Puro pa casualidad mi tabata coriendo ey banda den cercania di e oficinan di gobierno, ora cu mi a ser grita pa un conocir di mi pa baha y bin wak e desastre cu mep a laga atras. Loke mi a wak ta exactamente loke manolo a describi, pero esaki tabata na anja 1994 ora cu gobierno di AVP a tuma over for di mep !!! Na anja 2001 mep a ricibi tur documento for di AVP, te hasta nan a haya pa sconde cierto documentonan cu tabata clave den e caso di FDSN (evidence hampering ?). Otro sabi ta bin pretende tambe cu e lo a tende machinan di paper shredders den ful operacion ora cu mep mester a tuma over di AVP. E cos aki ta vies-om................. |
Honey
said:
|
Che bosa kiko ta che QUArentona? |
Cold One
said:
|
En berdad MEP ta traha, pero pa nan mes so. Corda con tur hende a bisa nan con malo BBO lo a sali, pero nan a insisti cu nan sa mihor. Tur hende a hanja razon (menos MEP - claro). Awor kico nan ta hasi? Purba kita atencion y splica cu nan tin mala suerte y cu tur hende ta contra nan. Simplemente nan no tin e capacidad intelectual ni e preparacion pa maneha nada. Sigur no un pais. Desde Betico su morto e partido a degenera. Y mi ta spera ta te aki, pasobra ta parcemi dificil (y spantoso) cu nan por sigui cai ainda. Mira e manada di malandro cu nan ta accepta riba nan lista. tristo! Betico ta draai den su graf te bira duizelig! Serge a yama nan sub-mediocre. Mi ta kere cu esey tabata mucho diplomatico di su parti. |
MCR
said:
|
Mep mester por compronde awor si cu su tempo ta cabando: Mep su "UUR U !" ta batiendo na su porta. Muriendo cu hopi deshonor, por medio di su mesun arma cu ela prepara asina tanto y mula asina skerpi pa mata tur cu tabata den su caminda pa devasta e pueblo di Aruba. Anto cu e solo meta di por a probecha asina feroz di e caso di FDSN. CU E SOLO META pa pasa man pa tur loke ta di e pueblo aki. FDSN a nace,crece , floria y duna fruta na abundancia pa e mepistanan riba lista y nan inner circle. Nan a bin ta ARASA manera Rudy a bin ta campanja den e dos ultimo eleccionnan .FDSN a ser planta, nutri ,guia cuidadosa - y profesionalmante pa e master di tur TOLELE DI UNIVERSO!! E ISSUE TABATA Y TE AINDA TA SEGUN E MASTER DI TUR TOLELE CU, AWG 50.000.000 A SER HORTA. |
Bito
said:
|
Si ta berdad,mep a traha scol pa nan juw so,caminda pa mepista so,compleho deportivo pa nan so,hotel pa mep so,bo tin rason,,tin mas..pero pa mep so...hahahahahahahahahahaha............Nel baha.....pa bo via tin guerra na iraq,prijs mundial ta subiendo.......hahahahahaha..........  |
Presidente
said:
|
Bito: Bo tin basta smaak di bay discuti cu MCR. Cada biaha bo bisa algo di FDNSN, e no por defende e parti ey . Ta mesora e tin cu bin cu MEP ta ganja y ta djodjo, pasobra e no por bisa cu AVP a ganja y a djodjo. MCR, no ta compronde y e lo no bay compronde tampoco nunca. Test esaki: puntr'e tocante FDNSN, Interbank, e no por contesta bo. |
ami mes
said:
|
geel i berde ta sinonimo pa LADRON. Esaki ta comproba den diferente forma caba. si na dos kier sigui pleita cu otro dal bai, awe e generashon nobo rubiano ta exigi un manejo nobo, uno cu ta alivia e consumidor, i cu si nos tin cu hasi un sacrificio mes ta bon, as long cu nos ta biba di e fruta nan. awor cos a wordo danja i un partido nobo tin cu bin dreche. ta basta cu esnan cu pa henter mi bida a hinca nos debe i mas debe. awe mi tin cu saca placa grandi pa cumpra un kipashi na lugar di colecta sen chiquito den cas. bida ta bir imposibel pa e rubiano, i nos ta sigui wordo castiga pa nan ladronicia. tur e placa cu e publo a traha pe den 20 anja ainda no por juda cu un depchi, tur anja tin mas i mas debe, nos ta paga mas i mas pero jun diferencia. ta di conclui cu e manejo, ni di mep ni di avp a funciona manera tabata tin mester. please si boso ta cumpli loke boso ta papia, please no core campanja, bo ta un ganjamento pa e pais hasiendo abuso cu hendenan humilde. |
Cold One
said:
|
@ Bito: Scol? Tanto bal bo traha edificio, pero no tin buki ni instructor. Edificio traha pa sponsor di MEP. Caminda? Kita asfalt, pone nobo? Gran baina. Traha infrastructura kiermen planea pa futuro, no mantene (di baina) locual tin 30 anja caba. Asfalt bendi pa sponsor di MEP. Compleho deportivo? Tur ta den stichting maneha pa famia di Ramon "Lenga den orea" Lee. Mafia completo! Hotel? HAHA. Goierno no ta traha hotel. Haha. Bai ta sabi. Tin mas? Laga bin. Payaso boso ta. |
ami mes
said:
|
Ta pesey nos ta reconoci rond mundo i awe nos ta cana cu curazon i mente cu no ta tranquil. nos no tin mester di ta pasando den tur e cosnan aki. please pueblo compronde cu no ta djis un wega. esaki ta nos bida i esun di nos jiunan. anos no por sigui asina ki. contra advies di henter mundo mep a dicidi di introduci BBO pa awor nan mes bisa nos cu e plan a fracasa despues cu nos a saca nos placa obligatoriamente. i tur esaki paso ta nos mes a vota pa nan desishon nan nan ta bisa. loke nan no a hasi nos consiente di dje. ami sigur a hole e palo caba i noa vota pa nan. lamentabel mente, toch mi tin cu biba cu un ladron "legal" cu ta coba den mi cartera TUR dia |
MCR
said:
|
A jega e momento pa distingui entre bon y malo. E "dooddoener": Ay, tanto bal AVP of mep, ta tur dos ta mescos. Ta esaki ta e desgracia cu lo hiba Aruba mas den su decadencia. Y ta esaki tambe ta net loke mep kier. Aki no tin cuestion di igualdad. No por compara. Aki un a cuminsa cu un aventura, cu ta bayendo completamente robez, y awor kier hiba esun cu a opone, sleur e tambe den abismo, anto cu Aruba tambe hunto cu ne. Si awe, nos como arubiano no demonstra claramente un sentido di por distingui, anto nos ta perdi. Claro, mi no ta pretende aki cu lo tin un partido perfecto. Esey lo bo no haya na ningun parti di mundo.Pero como ser inteligente bo mester por kier mira kico ta pasando aki na Aruba.Tambe bo mester por realiza cu Aruba no ta Merca,no ta un supe potencia, etc., pues nos mester ta conciente di nos limitacionnan.Y no ta un berguencia pa admiti cu nos tin nan, pasobra nan simplemente tey. Punto ! |
MCR
said:
|
Loke a pasa den e ultimo 6 anja nan aki ta visto pa tur hende cu KIER MIRE . Ta solamente nos arubiano mes por trece cambio de esaki. Biba cu un inflacion di mas cu 10 % no ta co'i loco. Anto sin cu tin un vista cla kico y con e gobierno aki ta bay ataca e asunto aki. Obama a bisa cu e ta cla pa papia cu Raul Castro. Papia kico ? Bo no por sin mas bay papia cu un lider di un sistema den cual e derecho humano no ta ser reconoci.Na Aruba tin actualmente un sistema cu ta kibrando nos potencial di por tin un futuro normal.E sistema ey tin un nomber. Esey ta mep. Punto! Por fabor sinja distingui. Mi no ta campajando pa AVP. Pero mi ta bisa cu tin hopi politiconan jong tambe cu por trece un mehoracion pa Aruba. E politico of e partido cu ta dicidi di bay traha cu mep den futuro lo hanja e furia di e pueblo aki riba su nek. Aruba ta jegando na su extremo... Awor si.... |
Presidente
said:
|
Bito: mi ta bisa bo!! Ba les'e??? Bo no ta hanja contesta for di nan. Nan no por contesta, pasobra e c*lpabelnan mes ta c*lpa otro. Cada ken ta mira loke nan kier mira. Cada ken ta kere loke nan kier kere. Y loke nan kere, esey pa nan ta e berdad. Mi ta look foreward pa 11 di Maart. Pa wak kiko nan ta bay bin cu n'e. Mi ta wak Mike caba na television ta bisa: cu MEP a pone presion ariba OM pa sentecianan. Y cu tur e pruebanan no ta berdad. Cirque du Soleil ta keda cu su show y e payasonan ta mas pret cu esun di Suarez |
Presidente
said:
|
Cold one: warda, no ta AVP ta bisa cu e scolnan ta deteriorando?? Ta berdad cu tanto bal si bo traha edificonan grandi y no tin motivacion den e hobenan pa studia. Esey ta loke cu AVP mester a bisa, pero nan a prefera bay ariba edificio, sin bay ariba e kern, pasobra edificio ta mas visual pa pueblo y motivacion no ta. Cold one: Mester kuta asfalt pa bo por drecha caminda, of bo ta prefera cu e wordo gelappi al estilo cu AVP a haci den e 7 anjanan pagando un compania cu un amigo di Otmar tin, cobrando e prijs di full un caminda nobo? MEP a bin cu un fondo di caretera, na unda DOW ta tuma e decisionan y ta planea(YEP PLANEA) Gobierno cambia y LEE ta afor!!! E ora nos ta bay hanja famia: Bikker, Eman, Lampe, Kock un di nan cu lo bay maneha esaki. Dus e BS ey, no tin peso. Enberdad cu Gobierno mes no ta traha hotel, pero si ta percura pa bin cu hotel. P.e. Beta hotel, Radisson( cuanto mata di coco?) |
Cold One
said:
|
@ Presidente: NO LIGAMI CU AVP. Mi no a defende nan. Pami nan ta mescos cu MEP. Nepotismo di marca mayor. Nan tin FDSN, MEP tin miles di familiares den puestonan halto den gobierno cu ta obliga nan masacra nos cu medida. Cual ta pio? Imposibel pa bisa; tur dos ta horiblemente malo pa nos pais. Ami si ta convenci cu tin mihor. Aunka mi ta reconoce cu nan (PDR / MPA / Otro?) tin un tarea dificil pa hasi un impacto grandi den eleccion. E nepotismo ta hinca mucho den nos pueblo. Pa loke ta e punto di Lee. No; ela set-up stichting caminda ningun hende no tin nada di bisa. Esnan cu ela hinca den bestuur ta dicidi kende ta drenta bestuur. Dus nan tin e maneho di Compleho Deportivo Noord y parke Curazon pa semper. Pesey e tabuscando pa kibra ASU pa e por hinca su hendenan tambe. Sea habri, y averigua esaki. E ta algo malo. |
Cold One
said:
|
@ Presidente: Pa loke ta infrastructura: En berdad Marisol ta hasiendo mas cu AVP, pero mester mas! Y cu e maneha financiero malo cu nos tin (Si, Nepotismo atrobe) nos pais no por afford e. Bo mester admiti cu nos tin e mesun careteranan di 30 anja pasa. Unicamente Sasaki (MEP) y e caminda Tanki Flip bai abou ta echt nobo. Sasaki tabata un proyecto magnifico di MEP, esey mi mester admiti. Te awe e ta yudando nos desaroyo, pero ta tempo di Betico, esta tempo cu MEP tabata bon (a long time ago). |
Bito
said:
|
hahahahahahahaha.........esei ta bedrad Presidente........bo ta dal nan duro cu e caso di FDNSN,ya ki hasi dia 11 nos lo waak,pero pika si lei toch no ta baha pisa ribanan,cold one waak mi ta contento cu bo ta scirbi cu si tin lugarnan cu mep a traha,pero boso gobierno ladron a hasi algo???mi ta compronde envidia mata,pero hamas bo lider Mr ta mi hendenan lo bira min president,Dios libra nos di e hendennei,waak fasil su ruman Mr jack the ripper ta planta pinda toch?dus tereno cu la mafia tambe.....fasil...waak laga e nombra Mr ta mi hendenan como presidente di pinda,facil....hopi fasil.........einAN E LO GRITA TA MI PINDANAN TA MI PINDANAN....hahahahahahahahahahaha |
Presidente
said:
|
Cold one: manera mi a bisa, otro Gobierno sinta, ta otro ta bay manda. Of bo ta kere cu DR, MPA, AVP, RED ta bay laga famia Lee sigui maneha esaki??? Claro cu no. Pasobra cu si RED bin laga nan den bestuur, DR ta bay reclama , anyways, con que sea, cada Gobierno lo pone nan hende di "confiansa". Si abo ta kere cu esey ta e intencion di ASU, anto bo ta hopi ciega, sin kier wak kiko enrealidad a pasa. No bay tras di loke otro kier pa bo kere. Manera bo mes ta bisa: sea mente habri. |
Ariën Rasmijn
said:
|
@Presidente: cua ta bo definicion di "hende di confiansa"? |
YES
said:
|
Mi no por kere cu den e siglo aki y na Aruba unda tin hopi hende inteligente, por tin algun cu mente putrifica manera Bito y Presidente!!!!! Of ta nan lider por a contaminanan di e estado aki??? RARARARA!!! Mihor cos boso 2 hasi ta yuda na haya un solushon pa e desaster cu Aruba ta aden danki na tur e gobiernonan cu nos a haya ultimo 20 pa 25 anjanan. Aruba please ban core cu e partidonan bieuw aki pa caba y duna chens na e nobonan!!! |
Virus
said:
 |
Na tur Mepistanan, Tanto cu gobierno a gaba cu e fitch rating rapport, tanto cu boso ta bisa cos ta bon, weita con Minister di Financia ta expresa ayera cu cos no ta mucho di gaba pa gobierno pa paga indexering. N.S. a expresa cu, si nan mester bay fia den exterior (si nan haya aprobacion di reinado) nan lo no ta sigur cu nan lo haya un fiansa, si acaso nan bin hasi un investigacion con gobierno su entrada ta y na kiko e ta wordo paga. Mal maneho ta ora bo ta mara 96% di bo entrada na debe so. Bo ta kere cu Aruba ainda ta e pais cu por bira independiente??????? |
Presidente
said:
|
Arien rasmijn: " hende di confiansa" Por ehempel, Henny a tuma su ruman como consehero y no ruman di Nel. Ba cop? YES: Asina desespera e partido minoritarionan ta cu ta pidi boso bay roga pa nan hanja confiansa? Tanten cu nan no bin cu un solucion realistico, mi no por vota pa nan. |
Ariën Rasmijn
said:
|
@Presidente: Anto Nel poniendo su ruman na Arubahuis. Mi sa ki bo kiermeen...  |
Presidente
said:
|
Arien Rasmijn: Goed zo!! Mescos cu Henny ta tuma Mike den confiansa y Tico a pone Otmar, y Y Mary Wever tambe a pone subrina, y Mito Croes a pone su casa y etc.... Pesey, ora cu cualkier Gobierno sinta, nan ta pone nan mesun hendenan. Cada ken. Y asina e anjasnan di politica full parti mundo ta hinca en otro, ora di gobernacion. Y pueblo por sigui bay tras di ken cu e kier, pasobra semper ta mesun storia den oposicion y esun den Gobierno. Dus mi no ta compronde e drama tocante e bestuur cu tin pa loke ta trata famia Lee, y BTW, ban wak kiko Andy Lee ta bay haci dia e bira minister |
Ariën Rasmijn
said:
|
@presidente: OK, den otro palabra nepotismo i compincheria ta mihor cu djis pone the best man for the job na su lugar? Ahhh, pesei tin tanto Arubiano studia cu no kier bin bek...Manjan lo ta druk atrobe na Arubadag na Leiden...Dushi yiu! |
hallo
said:
|
Mr serge mansur ta un joven dinamico ku por bai goberna e pais ki, pasobra e tin vision y ya e semper ta commerciante grandi pa anjas na aruba kiermen Mr serge mansur por pone e gabinete di gobierno traha pa bai padilanti, pasobra locual ta awor e gabinete ta backfire y kima sparkplugs niun no ta capas pa dirigi aruba ta zink aruba ta keda zink, ami no ta mira nada ku e gobierno ki a hasi traha poco edefisio halto pa ken siendo ku tin jen di lugar ku nan por a huur di hendenan arubiano ku pa anjas ta paga belasting manera debe ser, y tambe nan por a spaar hopi plaka, esij ta mi opinion ! |
TUTU
said:
|
M.E.P NO CIER INDEXSIRING |
TUTU
said:
|
MEP NOS CIER INDEXSIRING |
metalmaniac
said:
|
Ken kier bet cu mi, DR lo saca por lo menos 2 ASIENTO den e proximo eleccion!!!! RED por ta por keda cu su asiento, esei si nan traha duro ainda awor, y stop di cai den trampa di MEP manera e ta haciendo awor, nan mes ta mande e-mailnan cu informacion falso, pa djei bisa cu E ta difama nan, pobercito no?? |
