Dia 29 di februari na Hulanda, lo tin e fiesta Arubiano mas grandi di Hulanda. “www.den-e-sauce.com ” ta organizando un tremendo Carnaval party pa e studiante /Arubianonan residencia na Hulanda cu no tabata tin e oportunidad pa bai Aruba. Esaki lo ta den e club luhoso Club More Amor den centro di e capital di Hulanda Amsterdam. Click read more pa mas informacion.

E fiesta aki lo tin e miho entretenimento di musica cu DJ nan di full rond di caribe y en especial di Aruba. Riba e dia aki e Djnan cu ta bai ta presente ta di Aruba, Exide Crew cu su dos Djnan cu ta haciendo furor rond Hulanda y Alemania esta DJ Sky ( Curt Croeze) y Dj Double (Remi Flanegin). Di nos hermana Isla Corsow lo nos tin e Dj Antiyano mas famoso di Hulanda esta Dj Zoontje cu ta conosi pa toka na tur e conciertonan grandi na Hulanda/ Europa. E organisadornan di e fiesta tin e primicia di tin como invitado special directamente di Trinidad e anochi ey un di e Djnan mas conosi di e Isla esta Dj D1 di Jammasters Crew  cu lo trece e musica di soca tan gusta pa nos Arubianonan.

 Y como atraccion principal pa e anochi “ YOUTH X TREME”  den nan prome presentacion live desde cu nan a yega di Aruba su carnaval.

Sigur sigur e fiesta aki lo buta Amsterdam completo tembla cu e dushi ritmo di Aruba su Carnaval y hende nan lo keda  “KICK” riba e hit di YOUTH X TREME . Sigun e organisadornan e prebenta ta bayendo den un forma fenomenal y ta sperando un masa grandi di hende diabierna awo na Club More Amor.  Pa mas informacion di e fiesta boso por bai riba internet na www.dushiyiu.nl

Comments (1) >>

Show/Hide comments

shakira said:

mi tambe kier ritmo antiyano.com

March 09, 2008

Write comment

Show/Hide comment form

Name

Email

Comment

Add Comment