| Apertura di exposicion herencia di sclavitud |
|
|
|
| Saturday, 01 March 2008 - 00:00 | |||||
 Diabierna anochi a tuma lugar e apertura oficial di e exposicion "Herencia Sclavitud 2008". Su excelencia Gobernador tabata tin e honor di hiba palabra durante e anochi aki y asina a jama tur hende bon bini na e exposicion aki. Click read more pa e speech di su Excelencia Gobernador Sr. Refunjol.
Sclavitud.
Pa mayoria di nos, e ta algo di un pasado hopi leu, y principalmente un pasado
cu Aruba no tabatin mucho di haber cu ne. E organisadornan di e exposicion
original na Rotterdam ni sikiera a inclui Aruba como destinacion pa e
exposicion den Caribe. Tabata mas evidente pa bishita Surnam y Antianan
Hulandes cu e exposicion aki; Hulanda a bende y transporta mas o menos 450.000
catibo principalmente pa Brazil, Surnam y Antias.
Pero
naturalmente pa Aruba e exposicion aki tambe ta hopi importante. Lo mi amplia
riba esaki aki rato.
Prome
cu esaki mi kier gradici directiva di Fundacion Exposicion Herencia di
Sclavitud y tur instancia cu ta coopera cu nan, cordialmente pa organisa e
exposicion aki. Mi ta convenci cu e exposicion aki ta cumpli cu e necesidad di
nos pueblo di sa mas di sclavitud cu tabatin den Reino y na Surnam.
E
exposicion lo yuda hende forma un bista mas diferenciá di nos historia comun y
por ta un adicion valioso na por ehempel e programa di lesnan na scol.
E
exposicion ta splica un parti hopi importante di sclavitud pa e region aki: e
destino di principalmente Africanonan cu a ser comercialisá pa empresanan
manera West Indische Compagnie.
E
imagen di sclavitud como crimen occidental durante siglonan 16 te 19,
sinembargo ta pidi cierto nuance. Nos conoce slavitud for di inicio di
historiografia. Asina nos conoce e storianan di sclavitud di e hudionan den testament
bieu y nobo.
Sclavitud
nos conoce na tur parti di mundo. Sclavitud tabata forma parti di culturanan
Chines, Indio y Americano Indjan. Asina tambe tabatin sclavitud na Egipto y
Grecia anciano. E romanonan, pero tambe culturanan moderno Africano y Arabe cu
hopi frecuencia a haci uso di catibonan.
Ora
nos siña algo di sclavitud, nos ta siña, pues, algo di humanidad en general y
di nos mes en particular. Pasobra tirando un bista riba e exposicion, mirando e
historia, nos ta mira nos mes, e historia di humanidad, den spil.
Y
esey ta un historia den cua nos ta considera nos prohimo como pertenencia y no
como persona igual. Un historia di a nenga nos prohimo e derechonan mas
fundamental for di momento cu nos nace y degenera nan pa un suheto di nos kier.
Den
siglo 19, mayoria pais occidental a aboli sclavitud, pero ta un ilusion di kere
cu esey a caba cu existencia di sclavitud den nos mundo. Cu e exposicion aki
nos ta bai 150 aña of mas bek den tempo. Potret y artefactonan bieu kisas lo
inspira nostalgia.
Pero
cu e exposicion aki nos ta mira tambe den presente. Pasobra den algun economia
creciente, awendia miyones di mucha ta traha den circunstancianan cu no ta
diferencia hopi di sclavitud. Circunstancianan cu ta pone cu por ofrece e
consumidor, abo y ami, un producto mas barata.
Pero
mas serca di cas, den region di Caribe, miles di mucha ta traha bou
circunstancia cu ta parecido na e sclavitud cu e exposicion aki ta ilustra
asina profundo.
Pesey
esaki ta un exposicion importante pa Aruba. E ta trata historia y presente. E
ta ilustra e dolor di otronan, pero tambe di yiunan di nos propio generacion.
T
said:
|
|||||
 |
Ta bon cu e exposishon ta na Aruba. Hopi di nos yiunan di tera no tin ningun idea di e eopoca di historia y e rol cu Aruba tabatin tin den dje. Awendia tin un otro tipo di sclavitud---------wega di placa, droga, sexualidad immoral, fiesta continuo etc. E tiponan aki no ta bai dor di abolisashon, ta dor di Jesu Cristo so. Lesa E palabra di Dios paso esun cu Senjor hasi liber ta liber di berdad. Aruba busca Senjor mientras cu por paso e dianan ta den porta ora cu e periodo di gracia di Dios ta bai para. Lesa e bukinan di Juan y Apocalypsis. Danki y pasa un bon dia |
