E cantidad di hobennan cu a atende na e prome evento di “Aruba Model Search 2008” ya caba mester sirbi como un indicativo di e interes grandi cu tin e aña aki pa e evento hubenil aki. Subway Aruba ta masha contento di por ta e patrosinador principal di e evento.

Henter e siman aki, cuminsando for di Dialuna 3 di Maart te cu Diabierna 7 di Maart lo tin un evento tur atardi entre 6’or di atardi pa 8’or di anochi na un di e restaurantnan Subway caminda cu mayornan y hobennan interesa por busca tur clase di informacion y inscribi mesora si nan ta desea. E dianan ta parti for di Dialuna ultimo na Subway Cura Cabay, ayera Diamars na Subway Savaneta, awe Diaranson na Subway Sta. Cruz, mayan Diahuebs na Subway Paradera y Diabierna 7 di Maart na Subway Seaport Mall. 

Durante e evento aki e hobennan interesa por papia cu e crew di AMS y por hasi pregunta relaciona cu nan participacion den e evento aki cu ultimo temponan a bira masha popular bao di nos hubentud. Tambe por saca potret cu Alrick y Charlene cu ta e ganadornan di AMS2007 y sin lubida e posibilidad di inscribi pa e “National Casting” di AMS2008.

Loke cu a hala masha atencion durante e prome dos dianan ta e “Happy Hour” cu Subway Aruba a introduci durante e scouting event caminda ta ofrece un Foot-Long y un Refresco di 21-Oz pa solamente Afl. 15.00 of menos, dus basicamente e cliente ta cumpra cualkier foot-long y un refresco di 21-Oz y hanja nan dos hunto pa solamente Afl. 15.00 na Subway, e unico lugar na mundo caminda bo por come FRESCO.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment