| Armand Hessels: Yo No Fui |
|
|
|
| Wednesday, 05 March 2008 - 08:40 | |||||||||||||||||||
 Recientemente e di dos fase den e proceso penal Fondo Desaroyo Nobo San Nicolas a termina cu interogashon di e sospechosonan principal dor di hues y nan defensa dor di nan abogadonan. Tawata remarcabel cu casi tur sospechoso a indica cu nan no tawata na haltura di nan involvimento den asunto ilegal. Ademas a pusha tur responsabilidad riba esun mas halto den posishon, Armand Hessels di RED ta comenta.
Hessels ta sigi elabora:
Asina representante di dos empresa cu a admiti
cu nan a entrega oferta falsifica, a declara cu “nan no tawata sa cu esey ta
contra ley”.
Varios empleado publico (di cual algun cu
cualificashon halto) cu tawata haci e mesun trabou di control y pone stempel,
kier a aparenta cu nan no tawata conciente cu continuamente tawata viola ley.
No tawatin control ‘real’, pasobra “ya otro lo a haci esey caba”. Na unda di
ningun manera por a pusha responsabilidad riba otro, a declara cu a haci esey
bou di preshon (pisa) di prome ministro of di ministro di finansas, “pasobra
tawatin pura of tawata trata di ‘proyecto politico’ den cuadro di elecshon, cu
mester a ehecuta cueste loke cueste”.
Ex-director di Finansas a indica cu a yega na su
conocemento cu no tawatin base legal pa paga e proyectonan. Como un subordinado
a nenga di firma documento pa motibo cu lo a comete acto castigabel, e director
mes a firma “pa asina trabou por sigui”. E tawata confia “cu su subordinadonan
tawata haci nan trabou como debe ser y pues e no tawata sospecha cu algo malo ta
tuma lugar”...
A pesar cu parlamentario Oduber a nenga den e
caso civil di a acepta Af.1000,-, awor a resulta cu a uza esaki pa asunto
carnavalesco. A uza otro donashon di e empresa priviligia igualmente pa meta
idealistico. Señor Oduber no por a corda pakico e empresa cu a construi su cas
(practicamente por nada?), a para cu construcshon despues di a perde elecshon.
Ex-prome ministro Eman tawata na haltura di e
falta di e base legal y e placa pa e Fondo, pero “a confia cu su ministro di
finansas lo solushona esey”. El a atribui e critica di Servicio Central di
Accountant y di Controloria General na “e agenda politico di algun funcionario
di e institutonan ey”. Di e manera aki e ta para tras di su sucesor cu tambe ta
cualifica tur funcionario of instancia cu tin curashi pa critica su maneho,
como marioneta di oposishon.
Segun mayoria di e sospechosonan, ex-ministro di
finansas Tico Croes tawata e genio malbado. No solamento el a determina segun
nan cua empresa mester a ehecuta e trabou, pero tambe ki ora y na ki manera
mester a pag’e. Ademas a resulta for di calculashon di gasto di un empresa, cu
mester a paga suma halto y asta un auto na e ministro. Asina mes e ministro aki
no ta sinti su mes culpabel di nada y e ta desmenti categoricamente
practicamente tur acusashon di tur e sospechosonan anterior.
Tawata remarcabel cu durante e interogashon dor
di hues, varios sospechoso a defende nan mes, declarando “cu nan no ta corda”.
Aparentemente nan ta haci uzo di e formula di exito di ex-ministro di transporte di mesun gabinete
Eman, cu durante interogashon dor di husticia den e asunto di ‘zeebrieven’, a
contesta mas cu 30 pregunta diferente cu “mi no ta corda”. Asina el a evita di
compromete su mes. Mirando e gran cantidad di testimonio comprometedor, ta
dificil pa kere cu e biaha aki atrobe lo lolia hues. Consecuentemente esaki lo
ta e prome paso concreto den combatimento real di corupshon na Aruba.
Virus
said:
|
|||||||||||||||||||
 |
Ta cumbininan pa tin amnecia, Armand. Mi por asta bisa awo, danki na AVP cu nan rapport "Op eigen benen" cu awe con huntamente cu MEP, Aruba su trahadonan publico no por haya nan indexering. AVP y MEP no por maneha e pais aki. Pueblo lanta ariba y cuminsa exihi boso derecho. |
Metalmaniac
said:
 |
Virus, no lo ta great si tuuuur e hendenan cu ta keha di costo di bida , corrupcion, etc, lo bai demostra, maske ta disfraza pa nan no wordo reconoci, of cu cara tapa, petchi, bril di solo, etc? Tin 29000 votador cu no a vota pa mep, contrario na 22000 cu si a vota pa mep, pero ora di manifestacion, ta un paar di cien of mil hende so ta presenta. E otronan ta djis bisa: berdad nos ta bai manifesta, pero te ei nan guts ta jega. (laga otro mustra nan cara, ami no, nan ta marca mi) Pero ora cu nan dal bo cu medida si bo kier jora. |
Presidente
said:
|
Metalmaniac. Exactamente. Y ora cu MEP bin cu un manifestacion, ta tur ta presenta. Votador di MEP of no, pero nan ta bin. Manera un colega di mi a bisa( e ta AVP) ora MEP organisa un manifestacion, bo ta sinti un union y esey bo no ta sinti ora AVP bin cu un manifestacion. Pesey, nan no ta hanja tur hende pa bin. Te dia cu AVP tin un lider cu enberdad tin amor pa su Pais, e ora AVP lo por hanja pueblo su tras. |
Virus
said:
|
@Metalmaniac, Mi ta sostenebo den bo commentario, pero bo mester tene na cuenta cu e trahadornan den sector priva. FTA mester tuma e dicicion aki conhuntamente cu e donjonan di trabow. Ta pueblo su derecho y den e caso aki, ta full pueblo mester ta contra. Nos como pueblo y como hefe di Gobierno. Metalmaniac, ainda tin hopi hende cu miedo di represaya. Paso esey TA loke e gobierno di MEP y di AVP a hiba den 20 anja di nan gobernacion. E c*ltura di meido mester wordo elemina, y siguransa cu ningun gobierno por menasabo mester drenta. Tur hende tin un capasidad y ta e capasidad ey nos mester pa hiba Aruba dilanti. |
AC
said:
|
Beste Armand Como un bon docente dimi na Colegio den siglo pasa mi ta cumindabo y manda saludos cordial. Mi no ta full eens cu bo ponencianan.No ga te kort door de bocht. Mi kier a sali na defensa di e ambtenaarnan cu enberdad ta djis mester obedece loke minister ta bisa. Ambtenaarnan ta un pida chikito so nan ta wak di un projecto y bo no por c*lpanan sin mas di ta involucro den actonan contra ley. Aunkenan por tin bon estudio e systema politiko na Aruba (pensa ministrieele politieke verantwoordelijkheid) ta pone cu e minister ta responsabel ultimamente y ambtenaar tey pa adviseer y voeruit. Saludos, AC |
PROBLEMA
said:
|
Yo no fui quien hancho esa cosa |
Metalmaniac
said:
|
Personalmente, mi ta hanja cu e leynan na Aruba mester wordo cambia pa haci cu amtenaarnan cu ta gana menos di 2000 florin so mester hanja indexering, considerando e salario minimo di sector priva ta 1500 florin, y nan NO lo hanja indexering tampoco. Si e ley no wordo cambia, Aruba lo hanja otro peso extra cu nos como pueblo atrobe lo tin cu paga, cual eventualmente lo hiba nos den un crisis financiero mas grandi ainda. Dus nos ta spera cu RED por pronuncia su mes tocante di esaki, cual mi ta pensa si cu no lo keda na agrado di majoria di politico, siendo cu nan tampoco lo hanja indexering door di esaki. Mi kier a puntra Mr Hessels con leu su partido ta cu e institucion di un of mas cooperativa, cual lo juda pa rebaja e gastonan di cuminda na Aruba, cual ta e mas basico cu tur hende mester. Si Red logra esaki pronto, sigur e partido lo hanja mucho mas votador!! |
history
said:
|
armand twt un riba lista di avp? tog? que paso? |
