Serge Mansur di partido Democracia Real ta presenta su  segundo edicion di un serie di articulo cu ta analisa e Programa di Gobernacion di Movimiento Electoral di Pueblo di 2001, y compara esaki cu locual a wordo hasi den realidad. Click read more pa e relato di Serge Mansur.

Manera a wordo trecí den e edicion anterior, e Programa di Gobernacion ta uno hopi bon hincá den otro, pero lamentablemente pa un of mas motivo durante e ultimo seis aña y pico Gobierno a desvia por completo di e locual e mes a mira como e mihor rumbo pa nos pais su gobernacion. 

E articulo aki lo enfoca riba e segundo capitulo cu ta hiba e titulo “Relacion den Reino y Exterior”.

E capitulo ta habri asina: “Gobierno ta boga pa relacoinnan den Reino ta intenso y constructivo riba e diferente terenonan di cooperacion, teniendo na cuenta nos posicion autonomo ancra den Statuut. Cu gobierno Hulandes lo habri deliberacion riba e cooperacion pa desaroyo den Reino”. Palabranan bunita porcierto! 

Den practica nos por a scucha cierto ministro na varios ocasion ta insulta Hulanda na un forma masha vulgar mes, mientras cu otro minister ta hasi mescos pa cu nos hermana isla Corsow. Na e momentonan aki nos relacionnan cu nos partnernan den Reino Hulandes ta masha malo mes. Esaki ta debi principalmente na e forma emocional y “kinderachtig” cu nos gobernantenan ta expresa nan mes publicamente. Esaki a yega asina leuw cu nos ta perhudicando nos hermana islanan pa algo cu nan no por yuda.

Na mes momento nos situacion financiero a hasi cu Gobierno a converti nos isla den uno limosnero den Reino. Nos posicion pa negocia cu Hulanda ta sumamente debil, y e opinion cu tanto mandatarionan como ciudadanonan hulandes tin di e Gobierno di nos isla ta hopi negativo. Lamentablemente esaki ta un impresion cu nos Gobierno merece. 

Mas aleu ta menciona combatimento di comercio di droga y labamento di placa. Aki mester reconoce cu hopi esfuerzo a wordo hasí pa logra esaki. Esaki no semper a wordo hasi na e forma mas corecto, pero trabao a wordo hasí, y esaki ta obvio. 

E tema di derechonan humano tambe ta wordo treci dilanti como uno riba cual lo wordo enfoca door di gobierno. Aunke Aruba ta forma parti di Reino, tog e Gobierno actual ta conocí pa intimida y persigui esnan cu e ta considera contrincante politico. Ademas di esey e trato cu e Gobierno ta duna na stranhero aki na Aruba den miles di caso ta inhumano. 

E capitulo ta sigui bisa cu lo enfoca riba “tratadonan internacion riba tereno di combatimento di polucion maritimo y medio ambiente”. E Gobierno aki no solamente a logra hasi absolutamente nada pa proteha nos medio ambiente, pero activamente a contribui enormemente pa hasi Aruba mas sushi cu nunca. 

Ta menciona “cooperacion bilateral, regional y interregional, en particular cu e region aki y Sur America”. En berdad varios iniciativa a wordo tuma pa loke ta trata paisnan manera Brazil, Cuba, Venezuela y te hasta China y India. Esakinan riba nan mes por wordo mira como positivo, pero e forma cu esakinan a tuma lugar tabata hopi deficiente. A exclui sector priva por completo for di e iniciativanan aki, mientras cu cualkier pais desaroya ta stimula su sector priva pa participa den e actividadnan aki como cu na e forma ey por logra exito.

Pa loke ta trata e efectonan di traficacion di droga riba nos poblacion e programa ta bisa: “Locual ta toca e banda preventivo y curativo lo mester bin un politica integra caminda educacion na school y na cas, bienestar social, cuido di adicción lo haya atencion”. Si acaso ta berdad mes cu nan a “haya atencion”, ta evidente cu nada no a wordo hasi riba e tereno aki. E cantidad di choller a crece enormemente durante e ultimo añanan, mientras cu e centronan di ciudo no ta recibi e recursonan suficiente pa hasi nan trabao. 

Por ultimo ta papia di e maneho di stranhero, y cu “Lo mester bin un revision total di e ley di Admision caminda tur e departamentonan concerni por traha hunto pa un politica di migracion efectivo y eficaz”. En berdad a hasi varios cambio, y esakinan no solamente ta trancando nos economia, pero nos sistema hudicial tambe cu tur e casonan cu tin den corte.
 

Pa loke ta e asunto di admision di stranhero ta menciona tambe cu lo “tene debido cuenta cu e mercado laboral”. Aki tambe a faya grandemente, como cu ya caba tin un falta enorme di trahador na Aruba. Na mes momento ta dunando permiso pa loco pa construccion di proyecto, mientras cu ta negando permiso pa trahador.

Serge Mansur

Comments (12) >>

Show/Hide comments

ProJustitia said:

Serge bo a desapunta tur hende mescos cu tur otro cu a bin den politica. Tur kier wak den direcion di kico e otro a hasi of laga di hasi, mientras cu nunca a presenta nan mesun motibonan pakico nan a drenta politica. Pa cuminsa Serge su fam ta Mansur, cual ta e fam cu mas a causa danjo na e pais Aruba. Esaki ta inclui Serge su mesun ruman cu a bai sera na Puerto Rico cu porcierto a pone Aruba su nomber riba e lista preto na Merca. Despues ta bin e dos tionan di Serge esta Jossie y Luis. Jossie cu a lastra Aruba mahos y na e forma mas baho ever na canalnan di t.v. mericano dijes pa e por a drenta merca bek. Awe ainda Serge tin tio Luis mal sera aya na KIA.

March 08, 2008

ProJustitia said:

Labamento di placa, negoshinan dudoso ta entre otro e forma con placa a drenta pa asina awe Serge por bisa cu e ta procedente di un famia potencial. Tipo di hendenan asina jamas mester wordo permiti pa drenta e arena politico ya cu Appeltjes valt niet ver van de boom. Serge ta stima Aruba asina hopi te cu e ta viaha pa Corsow tres biaha pa siman pa controla e negoshi di sigaria cu a dal masha hopi tata di famia un cara abow ora cu e la sera su portanan aki na Aruba. Awe mi mester kere cu net Serge ta e unico bon hende den e generacion nobo pa vota pe? Wel brother bo ta hopi wrong. E dinastia Mansur a termina y politica no ta unda cu bo por lante bek. Just forget it!

March 08, 2008

Cold One said:

Segun mi tin entendi, e fabrica di sigaria a wordo bendi na Mei of Juni 2007 ( check corant di e tempo ey), y Serge no ta traha eynan for di e dia di e benta, dus bo tin problema cu bo "feit"nan. Pa loke ta c*lpa un hende pa loke un of mas familiar lo por a hasi, esey ta un tactica di hende mediocre. Ami nunca a yega di scucha Serge c*lpa Nel cu e tin un yiu drogadicto cu ta rape hende cu ta bis**ta su cas. Of eynan e appel si ta "val ver van de boom"? Sea bo ta hipocreta of bo ta un lo x 2. Kita bo bril di palo.

March 10, 2008

Cold One said:

MEP y AVP ta dos pandiya di ladron cu parce di tin basta miedo di Democracia Real. Pesey nan ta ataca integridad di hende cu nan no ni conoce. Nan si a wordo hanja c*lpabel di un sin fin di fechoria. Aor nan kier ataca hende pasobra ela sera un fabrica of pasobra su tio ta sera? Bai ta sabi!

March 10, 2008

live9/11 said:

Democracia Real ta un partido cu hende nan di comerciante ariba lista, porta Democracia Real, MPA, Red, basta nan drecha e isla cu nos ta jama Aruba. si nos wak den pasado ningun di otro patrido nan no por a drecha Aruba, awor e ta peor. ainda e debe di Aruba no por baha? tanto medida di ORDO I PROSPERIDAD!, WOW bo no por wak cu un bleki di lechi chikito a bira cas 9,- florin. gasoline 2,13 pan 2,90 caha di webo 4,50 dus esei kiermen laga gobierno hisa salario minimo na 2.300,- no pero gobierno ta kere cu nan ta mas cu nos! nan no por hinca den nan cabes cu nos ta nivel cu nan, mesun hende, karni i weso. TA KIKO TA PASANDO CU ARUBA? esaki nos ta jama: ORDO I PROSPERIDAD. aki poco tempo e florin no tin balor mas, e lo bira pio cu esun di Venezuela. pasobra dollar mes ta cajendo caba....ojo.......

March 11, 2008

hallo said:

Na mi opinion mi ta hanja ku bosonan no mester generalisa pasobra kada uno di e miebro nan di famianan mansur ta independiente, ami si ta kere ku serge mansur ta un persona super correcto y por bai dirigi e pais aki y democracia real por bin trese cambio den gobernasion di aruba, mi ta hanja mester duna serge mansur un oportunidad den gobernasion prome ku e mentenan bobonan expresa insultonan baho contra dje djies korda ta arubiano nos tur ta y arubiano tin tur derecho di traha pa hiba aruba padilanti .

March 12, 2008

DESTROYER said:

NAN A REUNI PA WAAK CUA DI NAN TA BAY "" ARUBA MODEL SEARCH

March 13, 2008

aruba prome said:

Cold One tin razon den su prome 8 palabranan di su prome frase. Democracia Real ta otro partido cu a demostra cu nan tei pa stroba so. Mucho odio, apatia y frustacion ta straal for di nan expresion y comentarionan. Lastima!

March 19, 2008

aruba prome said:

Mi ta gusta e comentarionan di ProJusticia. Hopi na su lugar.

March 19, 2008

Hues said:

Na Rio Hacha ta tur hende ta huma sigaria Marlboro cu e contrabandistanan ey ta manda for di Aruba. Pesey nan ta asina bon pará awe. Bai wak e biyones di florin ta flota na Aruba Nautical y Varadero.

March 21, 2008

mr.black said:

bo no a ripara cu riba cada paki di marlboro ta para made in ARUBA of no

March 24, 2008

live9/11 said:

Mi a bisa boso, i mi ta bisa boso, " FLORIN DI ARUBA TA BAI CAI" parse cu e gobierno actual no kier reaccioná! ainda e debe ta atiba di 2 billon florin. puntra bo mes. 7 aña ainda e debe no por baha? ta kiko tin anto? esaki ta Ordu i Prosperidad? mi ta kere cu e gobierno actual ta bai ta Pio loke nan a hasi cu P.P.A. ( ppa nan a dere, bo sa kiko nan ta bai hasi cu mep?)

March 27, 2008

Write comment

Show/Hide comment form

Name

Email

Comment

Add Comment