|
Celebracion 18 maart na Plaza Deto Varis |
|
|
|
|
Friday, 07 March 2008 - 08:03 |
Santa Cruz, pa di 12 anja consecutivo lo bay tin e famoso WEGANAN
POPULAR pa muchanan y adultonan ariba 18 di Maart, dia di Aruba su Himno y
Bandera. E actividad lo tuma lugar na e tereno banda di cruzada na e dam di Kas
Ariba. E actividad aki ta cuminsa pa 12’or di merdia te cu 7’or di anochi unda
cu henter pueblo di Aruba ta keda cordialmente invita pa bin, participa y goza
di nos dia nacional.
Ariba e dia aki lo bay tin pa e muchanan coremento cu
webo, jena boter cu awa, bulamento den saco, careda cu tire, careda na pia,
coremento rond di dam y rancamento di cabuya. Y pa e adultonan nos tin un
competencia nobo cu ta claba clabo den biga pa hende muher y homber, ranca
cabuya entre 6 muher y 3 homber, competencia di bebe cerbes y e famoso
boltermento di tire di chubato entre e machonan. Pa sera e dia cu hopi tension,
emocion y premionan atractivo nos tin e famoso subimento di palo di seba pa
hende muher y homber. E dia aki lo wordo bon anima pa Gogo Disco, Caha di Orgel
y un banda.
E bar lo ta bon surti pa refresca tur nos bishitantenan y
turistanan y e cushina mas cu claro lo ta bon surti cu algo pa tur hende por
tene nan barica jen y curason contento cu platonan criollo, sopi y snacknan
hopi dushi. Mayornan y e muchanan ta keda cordiamente invita pa bin join y
asina pasa un dia cu famia na un evento netamente arubiano y pa asina nos
celebra en grande nos dia national, nos dia di Himno y Bandera. Alaves comishon
di actividad di Plaza “Deto Varis” kier a hasi un peticion na tur e
comerciantenan pa coopera pa engrandece e actividad cu premionan pa e
participantenan cu sigur lo aprecia esey y cu e sosten di Bo(so)nan lo nos
continua cu e evento aki tur anja. Persona di contacto pa e evento aki ta Joy
Werleman na 564-8739.
| Comments () >> |
 |
 |
Masha Danki ........MI kier sa Said: Un biaha mas Danki.................. 
. 
