Recientemente Aruba Bank tabata di fiesta,  ya cu a celebra en total 180 aña di fiel servicio di shete colega. Crispiano (Dichie) Thiel a celebra 40 aniversario,  Norma Anthony, Seferina Boekhoudt-van der Biezen y Glenda Maduro a cumpli 30 aniversario, Grace Giel-Feliciano a cumpli 25 aña, Evelyn Dubero a cumpli 20 aña  y Fooktai Chong a cumpli 5 aña, trahando na Aruba Bank.

Dichie Thiel a cuminsa trahando como un clerk den Departamento di Seguro di Aruba Bank. Na aña 1978 ela wordo promove como Insurance Field Agent. Actualmente e ta traha den Corporate Department encarga cu proyectonan di Seguro..

Norma a cuminsa traha na aña 1978 na Aruba Bank den “Spaarkas afdeling”, despues ela traha den Reconcialiation Department y Clearing Department, na unda e ta trahado actualmente. 

Seferina a inicia na Aruba Bank como clerk den Collection Department. Seferina a traha den varios Departamento di banco, manera como secretaria di Gerencia, den Coproate Credit Department y awor e ta trahando den  Credit Analysis  Documentation. 

Glenda a cuminsa traha na Mainstreet branch como teller y a traha despues tambe na varios otro branch como Teller y Customer Service Representative. Actualmente Glenda ta un di e stemnan amical cu ta contesta e yamadanan na nos Departamento di Call Center. 

Grace  a cuminsa traha como clerk den Collection Department y despues ela bai traha den “Loan Department”. Actualmente Grace ta eherce e funcion di “Senior Risk & Control Officer” den Retail Lending & Control Department. 

Evelyn Dubero como “back office clerk”. Despues e tabata teller na tur branch di Aruba Bank. Actualmente e ta Head teller na San Nicolas Branch. 

Fooktai Chong despues di a traha na Hulanda y Curacao den sector priva y bancario a join Aruba Bank 5 aña pasa. Actualmente Fooktai ta Hefe di “Special Assets Department.”. 

Gerencia a gradici tur e ocho coleganan aki  pa nan tremendo labor, dedicacion  y lealtad durante di tur e añanan y ta masha orguyoso di cada un di nan.

Tambe Gerencia a yama danki na tur miembro di nan famia cu a coopera cu cada un di e hubilarionan aki, pa asina nan por a eherce nan funcion optimalmente.

Tur e hubilarionan hunto cu nan famia, gerencia di Aruba Bank a celebra y a gosa nan añanan di servicio cu un tremendo ambiente cu e banda NBO.

Un pabien grandi ta bai na tur e hubilarionan di parti di tur nan coleganan!

Comments (1) >>

Show/Hide comments

P.Flemming said:

Masha pabien na boso tur,sigui cu e bon trabou i cu Dios Bendishona boso i boso familia,di parti di Fam.P.Flemming

March 07, 2008

Write comment

Show/Hide comment form

Name

Email

Comment

Add Comment