| Obstaculonan pa studiante den exterior regresa Aruba |
|
|
|
| Friday, 07 March 2008 - 08:20 | |||||||||||||||||||||||||||||||||||||||||||||||
|
Desde
eliminación di beurs y introducción di e asina yama “studielening” mas hoben a
haya e oportunidad di bay studia den exterior, sin importa nan color politico.
Cada aña nos ta despedi di un grupo grandi di hoben cu ta bay busca nan futuro
den exterior, cu e anhelo di por bolbe un dia na nan isla natal.
No
ta un secreto cu poco ta di esnan cu nos ta tende atraves di e añanan cu nan ta
regresa Aruba y asina contribui na e desaroyo di e comunidad. E pregunta ta
surgi e ora ta dicon?
RED
pa medio di Yahoe cu ta su organización di hobennan profesional a cuminsa cu un
investigación bao di diferente studiante na Hulanda den diferente provincia y
ciudad riba nan pensamento di bolbe na isla después di nan estudio.
Indudablemente
a resalta e hecho cu nan ta stima nan isla y cu sigur nan kier bolbe y traha
aki nan. Pero tin un serie di motibo of mihor bisa obstáculo cu ta pone nan
pensa dos pa tres biaha na tuma e decisión ey.
E
investigación a yega na un top di 6 motibo, nan ta como lo siguiente:
1.
Companianan local ta exigi experencia di trabao (werkervaring), loke claro un studiante
recien gradua no tin, principalmente esnan cu a termina un estudio di tempo
completo, esta un voltijd studie;
2.
Companianan ta duna poco espacio pa trece conocimentonan nobo/moderno den
practica, hefenan actual no ta duna espacio pa miedo di perde nan posición door
di e hoben;
3.
E “vriendjespolitiek” na Aruba ta haci cu
e isla ta bira inactractivo pa traha, hopi biaha esun cu no a sacrifica toch ta
haya e mihor trabao;
4.
Salarionan na Aruba ta no atractivo y competitivo compara cu trabaonan similar
na p.e. Hulanda, teniendo na cuenta tambe cu bo tin un prestamo pa paga bek;
5.
No tin claridad riba oportunidadnan di trabao después di estudio, e
incertidumbre aki ta haci cu esun cu termina su estudio no ta tuma e risico di
bolbe;
6.
Falta di organización, responsabilidad, tecnologia na e lugar di trabao, loke
ta trece frustacion serca esnan cu a siña traha según planificación (timetable).
Punto
# 3 ta pone nos pensa mes ora riba e actitud cu partido AVP a tuma siman pasa
den parlamento di Aruba, votando contra e nombracion di un presidente pa
Algemene Reken Kamer, proponi pa e propio organo. Den e caso aki a pone un
banda estudio, experencia, profesionalismo, integridad di e persona pa ocupa e
puesto aki un banda y a mira solamente e hecho di su posible color politico. Pues
un atake directo riba e tratado di derechonan humano caminda no mester
discrimina a base di color politico.
Den
e mesun rosea partido AVP ta pone den practica e “vriendjespolitiek” y ta
propone un serie di persona cu si ta na nan agrado. Un posición independiente
manera di un presidente pa Algemene Reken Kamer mester bini a base di un
proposicion di e organo mes y no di un partido politico, pues aki nan ta e
propio partido AVP kier politisa un organo independiente. E hecho cu RED a
postula e persona en cuestion durante e ultimo eleccion como un posible
vakminister ta basa riba su cualidadnan profesional y no ta husto cu partido
AVP ta practica discriminación pa cu su persona.
Ta
hustamente actitudnan asina ta tene nos profesionalnan for di e isla aki. Cu e puntonan aki studiantenan na Hulanda ta papia idioma cla cu nos mester tene na cuenta y riba cua nos mester tuma accion pa mehora e clima di trabao riba nos isla pa nos futuro generacion.
Jimbo
said:
|
|||||||||||||||||||||||||||||||||||||||||||||||
 |
Mi no ta defende AVP pero sigun mi e 2 cosnan aki no tin nada di haber cu otro. Studiantenan cu no kier bin Aruba ta pasobra nan mes a dicidi esaki y material ta mas importante cu principio. Cu ta dificil pa hanja un trabou na Aruba ta berdad pero esey ta aki na Hulanda tambe. Si bo compara costo di bida na Hulanda cu Aruba bo por hasi mucho mas na Aruba cu bo salaris cu lo bo por hasi aki na Hulanda. Hopi studiante ta prefera keda Hulanda door di e bida liber cu nan tin cu nan lo no por tin na Aruba tampoco ! |
Virus
said:
 |
Aki nos por mira tambe con nos minister di labor a faya barbaramente. Enbes di sinta haci un re-seach ariba e mercado laboral den Publico y Priva, pa asina ki determina ki posicionnan tin liber pa studiantenan Arubiano, sea di aki na Aruba mes (MBO) of na hulanda (HBO, Universidad), por posiciona nan mes door di nan estudio y capasidad, E minister ta sinta hasi bunita y gasta placa na gran escala pa celebracionnan di c*ltura. Nada contra esaki, pero tin cosnan cu ta mucho mas importante cu esaki. Aruba su nivel den economia por ta mucho mas hallto, caminda productividad di nos propio Arubianonan studia ta percura pa esaki. |
Virus
said:
|
Aruba ta ongeveer 19 biaha mas chikito cu hulanda, y toch hulanda cu ta mucho mas grandi ta wordo maneha pa hendenan capasidad (asta den sector priva). Aruba cu ta asina chikito no por a wordo maneha door di dos grupito (AVP y MEP). Nan no tin conocimiento den managment. |
The Low Guy
said:
|
Sr. Quilotte, 100 punto p'abo. Den mi experiencia, mi a termina mi estudio y mi a traha varios anja na Hulanda. Mi a dicidi di tuma e riesgo di bin purba suerte na Aruba. Awel, via via mi a bin haya un trabouw mediocre cu no twt paga nada! Mi twt hasi trabouw di 4 persona parew, anto ainda mi a bin haya un hefe cu mi mes mester a sinje su trabouw! E discriminacion ey Sr. Quilotte a lubida di pone! Afortunadamente mi esfuerzonan si a wordo mira pa otro compania y nan a hasimi un miho oferta. Awe mi no ta mucho miho para, pero mi tin satifaction den mi trabouw. E oportunidadnan cu bo ta haya afo ta mucho mas miho cu na Aruba, lastimamente, pero mi ta kere cu esey tin di haber cu e systema atrasa cu nos ta sigui uza aki na Aruba. |
Tranquilo man
said:
|
Booshi a bisa bon cla """ MESTER LAGA LUGA HABRI PA NOS STUDIANTENAN CU TA STDIANDO DEN EXTERIOR """ |
Virus
said:
|
Melvin, un factor mas cu ta stroba e studiante di por florese ariba su propio isla ta e pagamento bek na euro. Tin joven cu a usa euro na balor di Afl. 1.60 den introducion di euro y awe ta paga pa cada euro 2.73. Ta dificil pa negocia ariba e koers, pero gobierno mester por trece un solucion cu ta laga e joven paga su debe aki na Aruba na e balor cu ela studia pe. Un ehemplo ta un lening sera via un banco local na un interes hopi abow cu no ta perhudica e studiante den su desarojo. |
Mad Max
said:
|
Esta coi kens, E motibo principal pakiko un studiante ta keda afo ta PLACA. bo ta studia 4-5 anja ora bo caba bo tin un debe na Euro anto pa bo bin traha na Aruba pa bin gana loque nan kier pagabo no loque bo merece i ba studia pe. Tin studiante ta bin mata nan bichi studia anto pakiko nan no ta hanja e trabao cu nan merece,pasobra un otro sin papel pero cu ta liga cu un partido ta hanja e trabao. Esey ta pasa i lo siqui pasa cu kwa partido cu sinta, asina Aruba ta.Tur cos ta drei ront di politica i cu ken bo ta para of laga di para. Politiek Verziek esey te palabra na Hulandes. tur ta papia di si ora nos sinta, nos si ta drecha tur cos, ora nan sinta mes nada lo no wordo hasi toch.asina ta i asina lo keda. |
smily
said:
|
UN kos importante gobeirno mester implementa na Aruba ta derecho humano na trabow, lei pa proteha trahadornan na trabow contra discriminashon sea di color raza orientashon sexual etc etc. Y crea posishon pa e studiantenan ora nan kaba nan estudio. Aruba lo baj dilanti! |
Groningen90
said:
|
Dikon ta AVP so a vota contra? Ta AVP so ta hasi vriendjes politiek? Dikon abo mes a bin bek Aruba tempo cu AVP tabata na mando y a sali di sector priva pa bai como ambtenaar? Bo tambe kier a bai goza di e bolo? Just cambia bo manera di hiba politiek.....ta kiko AVP a hasibo cu bo ta asina persoonlijk cu nan? Of bo ta buskando pa keda dushi cu MEP pa ora bo lider forma qualishon cu nan abo tambe bira "friends" y cuminsa goza di e bolo?? |
ate
said:
|
E berdad grandi ta cu na Aruba un hbo-er of un graduado di universidad ta hopi limita riba e mercado laboral. Hopi biaha cu un opleiding asina bo no ta haja chens di eherce locual cu bo a studia pe, ni den trabou ni den placa. Bo ta haja bo ta bai traha den otro ramo di trabou cu a lo largo hopi biaha bo no ta sinti bo mes happy cu ne. Aruba mester brinda posibilidadnan habri pa graduadonan asina i ta mas 'open minded' den ofrece mas diversidad riba e mercado laboral. |
Dr Zero
said:
 |
Mi tin cu duna Quilotte rason den su ponencianan. E la menciona 6 punto valioso cu a bini dilanti di e investigacion, pues ta loke un grupo di studiante na Hulanda a trece dilanti, sigur tin otro motibonan serca otro studiantenan. Algo cu ta disgusta nos como young professional ta e hecho cu nos no ta haya reconocimento pa nos estudio. Tin hende cu ora nos tabata sinta den banki di school ta kima nos celnan di cerebro, nan ta pasa ta hop bice banda di school ta stroba les. Despues nan ta gewoon carga bandera y pega borchi y mira nan awor bon trabao y bon paga. E satisfaccion cu nos profesional por tin ta cu nan por lanta mainta y mira nan mes den spiel cu nan consenshi limpi. |
ate
said:
|
Por ehemplo si bo ta un graduado specialisa den energia alternativo, mihor bo no ni riska pa bai bek Aruba. WEB su sistema di pensa ta sinta anticua, nan no ta open minded pa sondea posibilidadnan pa busca otro alernativanan riba energia, p.e. wind energie, zonne energie etc. Asina tin hopi mas graduadonan specialisa, cu lo bai anjanan atras den nan ramo si nan mester bin traha na e sistemanan anticua cu tin na basta lugar na Aruba ainda. |
Presidente
said:
|
Mestter bin cu schalering den sectornan priva tambe. pasobra ora un compania ta pidi un HBO-er y kier pag'e salario minimo, ta naturalmente nan no ta bin. Y loke Virus a scirbi cu Aruba awordo maneha pa solamente dos parttido. na Hulanda tambe ta asina. Ta CDA of PVDA. |
AC
said:
|
Melvin, E onderzoek ta mal haci. E no mester a puntra studiante si nan ta bai bek pero e mester puntra e hendenan cu a caba di studia y ta trahando dicon nan no ta bai bek. Nan no ta den posishon pa dicidi pa bai Aruba ainda. Mayoria studiante cu ta bai bek ta esunan cu no a haal net net nada. Casi tur studiante cu caba (cu ta un percentahe hopi abou pasobra mayoria studiante no ta voer nada uit na Hulanda) ta keda akinan pa traha. E rasonan no solamente ta material (placa) pero hopi biaha mas personal. Politiek verziektheid, corupshon, u bo tin cu chupa tras di politiko pa hanja trabou, famia of relashonan na Hulanda ta hunga un rol mas grandi cu un salario halto. Hulanda no ta e paraiso pero Aruba no tin futuro si boso sigui asina. Saludos, AC |
AC
said:
|
Presidente, si bo ta un HBOer anto den sector priva ta pagabo min loon bo mester ta basta kens y no por kom op pa bo mes. Presidente No ta asina cu ta CDA y PVDA a maneha hulanda. Sikiera akinan tin un dtiki democracia y semper tabata tin mas cu dos partidi den cualishon. Si bo bai riba nivuea di gemeente mayoria partido ta den cualishon y ta un of dos partido tin den oposishon.Aruba tin e diktadura di partido grandi y abuso di chantage di partido chikito hopi biaha. Saludos |
Ariën Rasmijn
said:
|
Na Aruba no tin marktwerking manera otro caminda. Es decir cu sector priva i publico ta bringa pa recruit hendenan studia i capacita. Sector priva no tin recurso pa competi cu esunnan pafo (mi por bet bo cu te hasta na korsow, st maarten i boneiro nan ta pagfa mihor) i secor publico a cripple bouw di su mesun peso cu tanto ambtenaar, cu nan ni por paga indexering pa nan mas. Tin suficiente hende cu si ta bin bek, pero hopi di nan ta pa motibo di famia, heimwee, etc.. Mi sa di un paar cu a bai bek anto a keda asina disgusta cu e sistema cu awor nan ta buscando otro caminda pa bai. |
Baba
said:
|
E envestigacion haci ta interesante. Lo ta bon pa publica henter e envestigacion incluso e metodo/lista di pregunta haci. Ta e ora Bo por huzga e validez bon. E forma cu sr. Quilotte y e partido RED kier haci uso di e resultadonan sinembargo ta di repudia. Sigur e relacion cu sr. Quilotte kier pone cu e proposicion pa nombra un hende di su partido y cu a fungi como secretario durante di formacion di gobierno di partido MEP. Niun momento a duda den su capacidad y experiencia profesional. Si nos kier pa nos institucionnan nacional manera Banco Central, Algemene Rekenkamer, Raad va Advies, Ministerio Publico y hasta nos aparato di gobierno fungi na un forma independiente sin wordo usa pa politiconan anti-democratico, nos mester asigna personanan cu no tin afiliacion poltico pa e funcionnan aki. E credibilidad di e institucionnan aki a wordo afecta mucho hopi durante di gobernacion di MEP |
HONEY
said:
|
Groningen90 miho ba keda na groningen bo no sa net net nada. Bai drumi!!! |
libertad di expreshon
said:
|
For di momento cu ta cu un fiansa un persona a bin studia sea na Hulanda, Merca, China mes di mi parti..ta na e persona na unda e kier traha.No tin nada di bin aporta ningun caminda, paso no ta regala nan estudio a wordo regala, sino ta cu un fiansa nan ta sobrevivi. Ta den euro of dollar nan tin cu paga bek, dus lo ta hopi estupido ,y despensami e palabra sr. Quilotte, pa exigi of spera cu un studiante bon studia lo tin cu bin hasi trabow di filantropo na Aruba. E tempo nan ey a pasa y nan lo no bin bek. Remarcable ta cuanto SPH y estudio sociaalnan ta bin sigi na Hulanda y cuanto IBMS...ta hende frustra cu negoshi so nos lo produci of a produci???? |
Presidente
said:
|
Pa loke ta trata formacion di gobierno na Hulanda, nunca nan twt tin un otro opcion cu forma coalicion. Nunca un partido na Hulanda a yega di gana mayoria absoluto pa por sinta den un gobierno nan so. Dus mi no ta compronde bo ponencia di bisa cu esaki ta dictatura. Bo kiermeen cu dictatura, pasobra un partido politico a gana dos eleccion cu suficiente asiento pa por goberna su so?? Si abo ta kere cu esaki ta dictatura, anto bo tin cu bay busca bon, kiko e palabra dictatura kiermeen prome cu bo uz'e. AC, cu tur respet pa bo. |
Presidente
said:
|
Mi ta kere cu si e salario den sector priva twt mas atractivo, lo por tin un chens grandi cu lo por bin mas graduadonan bek Aruba. Nos mercado di trabao di HBO-er ta hopi limita y salarionan no ta mucho atractivo compara na otro Paisnan. Den esaki Arien Rasmijn tin un gran parti rason. Y AC, den bo prome regelsnan ya caba bo por saca afor hopi di e issue cu ta andando. Ora bo kier kom op pa bo mes, bo por conta cu bo por paketa bo lessenaar y move. Y nan lo busca un otro cu no ta keha. Mi no sa si bo a yega di wak na jobcenter con e cos ta hinca den otro. Ora bo ta wak cu nan ta busca un store manager cu tanto exigencia anto e startsalaris ta minimumloon, bo ta kere cu un Arubiano ta bin for di exterior pa tuma e trabao aki? No, toch. Nan ta keda unda nan ta. |
AC
said:
|
Presidente, mi no tabata kiermeen dictadura den e letterlijke zin pero den e filosofico. Manera ta wordo usa door di Kant, Marx (dictatuur van het proletariaat) y tambe Hegel y Montesqieu.(pesey socialismo eigenlijkta contra dictadura of poder concentra den grupito) E ta un tiki moeilijk pa compronde y ta zona kens pero segun huristanan filosofico moderno: Un democracia ta un vorm caminda mayoria ta manda teniendo cuenta cu e minoria. Si bo no tin esey bo tin defacto un dictadura. Cu ta un hecho na Aruba caminda minoria no ta wordo ni scucha corda pa tene cuenta cune. Saludos AC |
