|
Website pa boek vuelo na Papiamento |
|
|
|
|
Tuesday, 11 March 2008 - 08:19 |
|
Durante e recien celebracion di Arubadag na Hulanda Minister Plenipotenciario Sr. Frido Croes a lansa e opcion di idioma Papiamento riba e website caribbean.nl . Esaki ta un website pa asina facilita e usuario cu kier boek un pasashi online. Awor nan a añadi e opcion pa kies e idioma di papiamento. Es decir awor tur hende por boek nan pasashi riba internet y den papiamento.
Ta pa promer biaha den historia cu mundo por boek nan vuelonan pa Aruba y Antiyas den papiamento. Does Travel & Cadushi Tours ta masha contento despues di lunas di preparacion pa por a duna e honor na Minister Frido croes pa lansa e opcion di papiamento riba e website di caribbean.nl
Pa escohe e website den e idioma Papiamento bo ta mira den e menu un opcion di idioma. Aki nan lo bo mira e bandera di Aruba pa indica cu e website ta bay wordo mustra den Papiamento.
Caribbean.nl ta e website official di Does Travel & Cadushi Tours. Esaki ta e organisacion di viahe cu oficinanan na Hulanda, Curacao y Surniname.
Sr. Frido Croes a felicita Does Travel & Cadushi Tours pa e hecho cu nan ta ofrece nos hendenan pa boek nan vuelonan riba un website na papiamento.
Un meta importante pa Does Travel ta pa e clientenan sinti nan mes na cas na cualkier momento di contacto cu e organisacion di viahe. Den tur e añanan ta conoci cu bo por papia papiamento ora di bishita e agencia di viahe of ora bo ta jama nan na telefon. Y desde awor tambe esaki ta conta ora cu bo bishita e website di Does Travel & Cadushi Tour.
Un parti interesante ta cu nan ta ofrece e opcion di pa paga poco poco.
Bishita e website pa mas informacion.
www.caribbean.nl
| Comments () >> |
 |
 |
