|
“Campa ta dushi, djis no haci sushi.” |
|
|
|
|
Friday, 14 March 2008 - 07:46 |
E compania Ecotech y su organisacion “Ecokids” conhuntamente
cu studiantenen di IPA cu ta Lisenne Lopez y Marion Bareño a anuncia e campaña oficial titula “Campa ta
dushi, djis no hasi sushi”. E campaña
aki tin como meta pa concientisa esnan cu ta campa rond di nos isla durante e
temporada di Semana Santa y vakantie di Pasco Grandi di e importancia di tene
nos isla y enespecial nos beachnan limpi.
A
scohe conscientemente pa aserca e muchanan kendenan ta e futuro di nos pais y
kendenan por hasi un cambio den e forma con nos ta anda cu desperdicio en especial
den e temporada aki di campamento. No ta un secreto cu durante e siguiente
dianan lo tin un cantidad adicional di hendenan riba beach, sea ta pa campa of
pa simplemente pasa un dia alegre canto di laman. E tipo di bishitanan na laman
asina ta pa oranan largo pa cual hopo bez e hendenan tin e tendencia di lanta y
bay laga nan desperdicionan atras.
Durante
e conferencia di prensa teni na Eagle Beach ayera, Sr. Micheal Paesch encarga
cu e departamento di mercadeo y promocion di Ecotech / Ecokids den compania di
dos mucha, Leeza Figaroa y Isis Carvacho a introduci un sticker cual lo ser
reparti desde 17 di maart te cu 21 di maart tur rond di nos isla.
Campistanan
lo por wordo bishita door di representantenan di Ecokids y nan lo ricibi un
sticker. E sticker aki e campistanan por pone na un caminda visible na nan tent
of trailer. No solamente e sticker ta pa avisa cu e grupo campando eynan ta
conciente cu di e importancia pa mantene nos isla y den esaki specialmente nos
beachnan limpi, pero tambe cu nan ta participando na e campaña di
Ecotech/Ecokids.
Riba
diasabra 22 di maart lo tin un evento riba Eagle Beach caminda cu for di 9’or
di mainta te cu 12’or di merdia ta bay
tin actividadnan pa muchanan y hobennan. E actividadnan na beach tur tin e tema
special di e importancia pa mantencion di nos beachnan limpi.
Na final di e
temporada di campamento lo saca e ganador entre e campistanan cu ta campa riba
diferente sitio na Aruba. Claro cu Ecotech/Ecokids a percura pa algun premio
masha interesante pa e campaña aki. Ta recorda tur hende cu “Campa ta dushi,
djis no haci sushi!”
| Comments () >> |
 |
 |
