Manera a bira custumber caba pa Aruba, Pierewietje ta preparando un show grandioso atrobe pa nos muchanan di Aruba e biaha aki cu cooperacion di UNOCA. Pierewietje y Flash ta un grupo di muchanan di baile y canto cu ta continuamente activo desde 1978. Na 2008 Pierewietje ta celebrando nan 30 anja di existencia. Y pesey tambe e show ta bai ta uno inolvidabel. E show ta bai ta 30 y 31 di Mei y Juni 1, 2008.

Grupo Pierewietje, bow direction di Sra. Marta Figueroa, a crece te cu mas o menos 100 mucha  variando di 4 anja bai ariba. E ta parti den 4 divisionan cu ta Pierewietje 1, Pierewietje 2, Mini Flash y Flash. Super Flash cu ta e muchanan cu a crece bira adulto tambe lo haci nan presentacionan den e show binidero.

E show lo ta bai ta hopi varia di musica y bailenan folkloriko, Moderno, di Barney y hopi mas. Awor e comision pa e show ta den full swing cu preparacionan pa tur e costuumnan cu la ta bai ta fabuloso. Tambe tur e grabamento pa tur e canticanan tambe  lo ta den proceso.

Pa acompanja e show di 30 anja, Pierewietje a graba un CD nobo “Muchanan di Ajera” cu ta riba mercado awor. E ta bai pa Afls. 25,= y ta obtenibel cerca majornan y tambe na Coffee Break y Welcome Snack,

Pesey keda pendiente pa hopi mas informacion cu lo bin tocante e grandioso show.

Comments (1) >>

Show/Hide comments

conrad said:

Ta great si por pone potret di tur e muchanan di pierewietje y traha un korant y deskribi algu di tur.

March 20, 2008

Write comment

Show/Hide comment form

Name

Email

Comment

Add Comment