Awe 24ora.com ta lansa su rubrica cu jama "Wowo di Pueblo". Nos ta mira e necesidad pa personan trese nan pensamentonan dilanti den un forma detaya. Den wowo di pueblo e bishitante di 24ora.com por traha su relato amplio pero si kedando semper riba nivel. E prome wowo di pueblo ta bini for di un periodista na Hulanda cu ta Ariën Rasmijn y e ta titula "No hay cama para tanta gente". Click read more pa lesa su relato.

Titulo: No hay cama para tanta gente
Writer: A. Rasmijn

Poco aña pasa un hende a yega di bisami cu pa un bon trabou na Aruba, ta serca gobierno bo mester ta. Bon salario, condishonnan secundario cu ta bale la pena, sigur si bo comparanan cu sector priva.

Trahadornan di gobierno ta hanja vakantieuitkering, suficiente dianan off, anto si nan no 'rock the boat' mucho, nan por keda traha eynan te dia nan por baha cu pensioen. Por ta un cantidad di puesto ta cambia cada cuater aña ora yega momento di bula cabez, pero voor de rest:

Dushi bida. Salario na ora, cada luna. Pero cada medaya tin su otro banda. 

Semper tabata conosi cu e manera mas simpel pa hanja un bon trabou den gobierno, ta pa ta liga na e partido cu ta na mando. "Eigen mensen eerst", manera nan sa bisa. I mas hende, mas mihor aparentemente.

Ministernan mester di nan palancanan i votadornan fiel, anto te dia dia awe no tin mihor manera pa hanja i mantene esakinan (wel, aparte di bon gobernashon naturalmente. Pero ban ta realistico...) otro cu dunanan trabou bon paga i protegi den un departamento. Esunnan ariba ta core un cierto riesgo cu cada eleccion, pero den mayoria di caso e ta bale la pena. Pa esunnan mas abou (mescos cu nan superiornan den mucho caso), un diploma drechi no ta mas importante cu ken nan ta, nan lealtad. Bin serca e shon, bende bo alma, anto e shon ta dunabo un auto, ticket pa gasolin anto un salario. Dushi bida i progreso pa nos tur. Pero nunca lubida, ni con bieuw bo ta, con largo bo a sirbi pueblo i con bon bo conoce bo trabou, ta e bandera den bo cura cada cuater aña, i e sticker ariba bo bumper ta loke ta conta. Anto corda bon cu e partido ta controla, te hasta ken a hanja cuanto voto den tal sala di tal distrito. Manera m'a bisa, cada medaya tin su otro banda.

Cada beneficio tin su prijs. Pa e motibo ey mes ami hamas lo kier traha pa niun gobierno, di niun partido. 

Ta imaginable cu hopi di esnan cu si a opta pa e tipo di bida aki lo pensa: Dicon no vota, ai dicon mes no sali bai bringa pa esun cu ta pone cuminda den mi frigidaire i gasolin den mi SUV nops nops? Anto dicon no bisa OK ora e puntra mi sindicato pa laga indexering un banda? Siete aña largo? Ami ta fiel. Ta nos cu nos, toch? Ami tambe ta famia. Of no? Awor cu e welga aki ta bayendo den su tantisimo siman, anto sin niun bista ariba un resolushon, nos por weita di berdad ken ta famia di ken. 

Ora cos bai asina malo cu derepente e sindicatonan ta cuminsa keha tocante indexering, i empleadonan di gobierno ta cuminsa grita cu "si tin pa friends & family, tin pa nos tambe", bo ta ripara cuantor tin.

Pa basta tempo, decadasnan caba, e aparato gubernamental di Pais Aruba ta asina hincha cu e ni por carga su mesun peso. Pa basta tempo tambe, anto cu hopi suerte, gobiernonan a manage di paga pa e ambtenarij aki, cu ta mas grandi cu esunnan di e islanan di Antias combina. Pero awor cu mal tempo a yega, e zeepbel a rebenta. No tin manera mas pa mantene apariencia anto e ora a yega pa nos wak nos mes duro duro den spiel.

Fiesta a caba. Manera e cantica ta bisa: No hay cama para tanta gente. 

Esaki sigur lo bai bira un di e topiconan mas cayente den e proximo eleccion, pa cuminsa caba pasobra tur hende lo kier sa kiko e partidonan lo bai claim i priminti pa cu e empleadonan publico, siendo cu niun di e partidonan cu yega di goberna (hasta foi mas prome cu Status Aparte) a hasi pasonan pa stimula e mercado laboral i tene proporshona. Nan a djis keda tuma hende i no a percura pa comercio i industria hotelero haña incentive pa tuma hendenan local. En bez di esei nan a crea un situacion unda te hasta un hende cu LTS por calcula cu serca gobierno e por gana mas cu serca hotel. "Laga stranhero traha waiter numa." E resultado ta bisto: Mercano ta bin Aruba pero di baina nan sa topa Arubiano. Pio ainda: Arubiano ta bai shop anto di baina nan ta wordo atendi door di Arubiano. Awor, si bin cu un kerntakenanalyse den aparto gubernamental, unda tur e surplus di trahador lo bai? 

Hecho ta cu mester bin cu un kerntakenanalyse i mester reorganisa i automatisa e departamentonan di gobierno. Ora bo drenta cualkier oficina di gobierno, bo ta wak un rij di hende para dilanti di loket, manera ta den un pais comunista den añanan '70 nos ta. Straño cu na Aruba bo por hasi bo transaccionnan bancario via internet, pero pa regla papel pa keur bo auto bo tin cu gasta un mal rato den purgatorio di D.T.I.. Anto mas cu un biaha tambe ariba dje. Check e website di gobierno   www.overheid.aw . E servicio cu bo ta hanja eynan ta limita na unda bo tin cu bay (hopi caminda, cu hopi afkorting) i cu cua uitreksel of papel (cu bo tin cu regla naturalmente serca un otro

departamento) pa regla tal asunto. Mester tin un mihor manera. How about si bo por download e formulario, paga online pa bo zegel (of mihor ainda: bin cu un otro sistema di pago) of hasi bo pedido online?

E ta masha bon posibel. Tin boshi yiu di tera den mundo di IT cu e knowhow i e smaak pa coi e challenge aki anto cab'e cu exito. Un Land Aruba automatisa i transparente lo resulta den menos ambtenaar (of, a lo menos, e cantidad lo baha na un nivel cu si por hanja su

indexering!) i un mihor servicio pa e placa di belasting cu nos pueblo ta paga. No solamente esey, pero e lo resulta den un ambiente hopi menos politico, den un caminda unda politica partidario no ta supposed di tin lugar. Pero tanten cu politiconan keda kere cu hasiendo esaki lo ta mescos cu tira voto afo, i tanten cu publo mes keda kere den e sistema co-dependiente, cos lo no cambia.

Ken ta durf?

Ariën Rasmijn

Comments (173) >>

Show/Hide comments

ate said:

Wel, Arien. Mi ta sostene full bo relato akiriba. I manera bo ta bisa: e ora zero a jega. Bo no a ripara cu durante e welga ningun partido politico den oposishon no a mete mucho cu e lucha di e ambtenaarnan? Pasobra nan tambe sa caba cu nan tampoco lo no por cumpli cu e exigencianan, pasobra PLACA A CABA DI BERDAD. Na 2009 e Fondo Desaroyo Aruba ta caba. I lo mester tin un Balanced Budget pa por bolbe zgn,'limosna' na Hulanda. Bo sa, ami ta kere cu eigenlijk Gobierno di Aruba ta simpelmente BANCAROTA debi na nan propio mal maneho: gasta placa sin tin un rumbo financiero. Nan no sa traha ningun relato financiero. IMAGINABO e desaster cu tin den Finansas. Bo sa, e cosnan aki ta duna bo hopi duele pa ta un Arubiano.

March 31, 2008

Positivo said:

Bon idea y pabien na Arien Rasmijn pa cu e promer stap. Ami tin un topico cu ta AZV y e eigen bijdrage.

March 31, 2008

G.L. said:

Bon artic*lo. Neutraal i openmind. Mare periodismo na Aruba un dia por tuma ehemplo di trece punto di bista riba un nivel neutraal cu ta beneficia tur.

March 31, 2008

bunga_bunga said:

Oh mi a lubida Nel no tin tempo cu sindicato awor paso tabata tin fiesta grandi pa Glen-son-son ayera !!!!!!!

March 31, 2008

Milton said:

Ja, esey ta e pregunta: Ken lo durf? Tin demasiado hendenan ouderwets cu ta biba akinan cu nunca no lo cambia di partido of nunca lo vota pa un tal hende sin sa eigenlijk kiko e pensamento of filosofia di e persona ey ta. Just paso ta riba list di por ehemplo AVP nan no lo vota pe. Nan no lo ni tuma e moeite pa tendenan. No ta no. Asina ki nos no ta bai pa dilanti. Ami lo kier lanta of subi riba lista di un partido politico caminda mi lo priminti cu mi no lo duna niun hende trabow y mi lo kita esnan cu no ta functiona.....................Ta ken tey vota pami???? Kizaz e handje-vol di hendenan cu a bai studia na Hulanda cu ta pensa un tiki mas modern.....

March 31, 2008

Presidente said:

Hey, ta Arien Rasmijn cu sa scirbi aki riba? Mi a encanta bo artic*lo. Mi tambe ta kere cu Arubianonan ta hopi capaz di hopi otro cos. Pero e problema hopi biaha cu ta surgi den sector priva y cu Mayoria Arubiano no ta gusta ta: pa traha den week end, anochi, dianan di fiesta y etc.. Pasobra si bo wak manera por ehempel den banconan of otro negoshinan cu ta hanja liber mesun tempo cu Ambtenaar, bo ta wak cu tin hopi Arubiano ta traha. Cu excepcion di construccion, na unda varios ta stranhero, sea pasobra stranhero ta mas barata compara cu Arubiano.Asina un stranhero hanja su paspoort, mayoria biaha nan ta perde nan trabao of nan ta kita. Ami ta un persona cu varios anja di experiencia den sector priva y mi a wak cu e cantidad di AO pa Arubiano ta den temporada di Pasco y Carnaval.

March 31, 2008

implementa resultado di kerntakenanalyse said:

Ful di acuerdo cubo Arien, gobierno mester implementa kerntakenanalyse segun e consejo di KPMG, pero esey lo tin como resultado cu majoria ambtenaar cu nan a pone den e aparato gubernamental lo tin di bai cas cu consecuencia cu otro anja nan no lo gana e election. Dus nos por drumi sonja cu esey lo wordo hasi.

March 31, 2008

ate said:

Mi tambe ta haja cu si bo por automatisa e aparato gubernamental, no mester asina tanto trahador ni tampoco edificionan grandi den e departamento servicial di gobierno. Un sistema di IT bon hinca den otro, i sinja pueblo completo pa bai om cu internet, cual ta hopi facil mes ta pone Gobierno su aparato traha eficiente i ta hopi 'kostenbesparend'. I e trahadornan de sobra den e aparato gubernamental por bai traha den sector di p.e. turismo. Asina nos identidad Arubiano ta haja chens di bolbe rebiba. Awendia tin mucho stranhero (cu respet pa nan) den e sector aki, cu no tin e carisma cu por iguala un Arubiano pa 'bende' su propio producto Aruba.

March 31, 2008

Presidente said:

Dicon semper mestter tin un cu no por pone un comentario sin hinca politica aden??? ATE: Bo ta haciendo bo mes ridic*lo

March 31, 2008

AC said:

Arien, Hopi bon scirbi. Bo a pone e realidad den cara di hendenan. Ban spera cu bo por a planta un siminja den hopi hende pa nan tambe realisa cu asina Aruba no por sigui. Saludos, AC

March 31, 2008

Milie said:

Hopi bon scirbi Arien! Un bon gobierno lo sa maneja placa bon, hire hende qualifica so, y keda den budget. Den lugar di huur edificio carisimo, pakiko no cumpra of busca uno mas barata? E huurnan di algun oficina di gobiero ta gewoon ridicolo. Mi ta ful acuerdo cu nan mester cuminsa modernisa e servicionan di gobierno. Awendia tin un grupo grandi cu ta haci tur cos online, electronically. Asina cos ta bai mas eficiente y bo no tin mester di perde oras den rij. Presidente-Pa baha e number di AO nan mester implimenta loke nan tin aki. Ami ta hanja 18 dia vakantie/ personal/ sick time aki na Merca pa anja (ora bo tin 5 anja bo ta hanja mas dia, 10 anja, etc). Bo ta kere cu ami ta meld ziek just because? Cu hasta malo mi sa bin trabow, sino e ta come mi dianan di vakantie. Claro cu nan por duna algun dia mas si bo bira echt malo, no ta fair tampoco cu bo no por tuma vakantie, pero esey lo stop hende di yama meld ziek pa loco!

March 31, 2008

Lo cual mi ta piensa said:

Ami ta hanja,si bo ta duna bo expresion.pls no offende e hendenan extrahero.Pasobra tur caminda bo wak ta nan ta trahando e hiba Aruba delante.Si un dia aruba bai plat cu tur e welga andando, ken ta sigi traha? stranhero nan !! hasiendo un grand fabor pa Aruba so economia.Arubiano nan djes kier easy job (lekker bida ) y "hasi nada" y gasta placa bai off!.

March 31, 2008

Nascha said:

No hay cama pa tanta gente, no por traha un relato asina aki pa e adulterionan tambe? LOL

March 31, 2008

Urvin Leest said:

Esaki tabata un relato sumamente bon compila, hopi bon trabouw di parti un yiu di tera hoben. Shonnan, locual ta di remarca ta cu nos como hoben ta esunnan cu lo keda cu e problema cu e generacion prome ta trahando y lagando atras. Ta di remarca tambe cu ta tiki hoben ta interesa den e evento nan actual sea nacional of internacional. Di berdad, mescos cu e relato aki ta remarca, cu hopi cambio tin cu bin y den mi opinion e cambio aki no lo pasa cu e mentalidad comun y coriente di e generacion di 40 bai ariba. Hopi decision ta wordo tuma sin un vision riba e futuro generacion y hopi decision ta wordo tuma sin un estudio ariba e impacto social.

March 31, 2008

ate said:

PRESIDENTE, mi ta gewoon traduci e artic*lo di Arien den e practica actual na Aruba. Sin tuma parti pa ningun partido politico. Si toevallig ta bo partido politico ta na mando aworaki, mi por compronde cu lo bo ta sinti bo mes molestia cu mi opinionnan. Pero ya, ta obliga di acepta tur hende su opinion, PRESIDENTE. I mi ta leuw di ta ridic*lo. Asta jama hende pa ridic*lo, no ta un manera respetabel pa duna bo opinion. Keda na nivel agradabel di discuti, PRESIDENTE.

March 31, 2008

q said:

se aruba tin monton di dinosaurio na aruba om...ki ora nan ta transforma bira hende pa kaba??

March 31, 2008

John Croes said:

Arien please casa cumi.

March 31, 2008

LAK said:

Arien mi ta hopi mee eens cu bo relato hopi bon, esey ta e problema #1 na nos Isla cu e partidistanan fiel cu echt a kuminsa cansami cu bo tin gana di coy nan y bentanan ariba the Devils Island, si nos por drecha asaki Aruba lo ta na un miho caminda esey ta sigur. Hendenan manera bo nos tin mester na Aruba

March 31, 2008

Toya said:

Un bon artic*lo, objetivo i neutraal .E artic*lo ta describi con un parti di e Arubiano nan a bira de e delaster 20 añanan.Den mi opinion e mentalidad cu tin na Aruba mester cambia.Ta semper hopi hende kier a haña trabouw den gobierno pasobra nan tin mas beneficio cu den sector priva.Mi no ta bisa cu ta tur Arubiano ta asina, pero mayoria biaha ta net esna cu ta gusta haña placa por nada ta hinca den e aparato gubernamental.Esak ta c*lpa di nos gobernante nan.Nan interes ta muchu grandi pa bin cu un cambio, nan tin mucho cos (placa i poder) pa perde. Periodismo na Aruba ta tristo. Mayoria di corant ta purba di indoctrina e lesado cu nan mes un ideologia politico. Ta masha poco bo por haña un artic*lo skirbi neutralmente, pa laga e lesado formula su mes un opinion.Mi ta kere cu periodista nan manera abo lo meste habri e caminda pa e cambio di mentalidad i 24ora.com lo ta un bon medio pa canalisa e cambio aki.

March 31, 2008

Ambtenaar said:

Millie esey ta na Merca aki na Aruba nos tin ley hulandes ok. Prome cu cuminsa kita hende for di trabow nan mester cuminsa cu e overtolligheidspoel, cu tin ta strike te hasta ta den SEPPA, ta cana dirigi manifestacion, hende cu tin un criminele record, con nan por a drenta servicio di gobierno awo nan ta cobrando como ambtenaar i sinta ta na cas ta trip so i hasi maldad rond.Magaly bay wak den bo seno prome cu bo juzga otro hende. Bo sa bon ken mi ke men

March 31, 2008

AMBTENAAR 1 said:

Arien pabien. Ami tambe a studia na hulanda y awor mi tin algun aña trahando den "gobierno"(ambtenaar dus) y "by the way" sin kumi ta liga na ningun partido politko y ami conoce hopi ambtenaar manera ami. Dus e parti aki ami no ta deacuerdo kubo. Tin algun ambtenaar tambe ku a studia pero nan ta traha djes pa e beneficio nan y nan sea no sa nan trabow of nan ta ao constantemente pero nan ta krece parew ku un ambtenaar ku ta traha kabalmente. Mester kambia e ley ku e ambtenaar ta kai bow di dje aki ta unda e problema kardinal ta.Tur ambtenaar hanja bevordering of subi di schaal abase di un evaluashon ku lo mester tene na kuenta bo performance, ao ect ect. y no abase di bo estudio. Anto e ora ey nos lo hanja kalidad enbez di kantidad y gasto nan lo baha drasticamente. Ley bow di kual e ambtenaar ta kai bow di dje esaki mester wordu kambia.

April 01, 2008

Budha said:

Hopi bon artic*lo. Ta nos mes a crea e situashon aki y ta nos mes mester resolvele.

April 01, 2008

a said:

boso ta bn hasi keho skondi kiden..hasi e acto como un ACTO..hasie en vivo

April 01, 2008

CLAUDIUS RIVERA said:

HOPI PAPIAMENTO PERO NI UN DI BOSO TA CAPAZ DI SALI Y BRINGA, ESEY TA SIGUR SIGUR

April 01, 2008

ate said:

CLAUDIUS RIVERA: Opinionnan, pensamentonan expresa por juda tambe pa jega na un cambio den mentalidad. Sea di un simpel trahador te na un gobernante. Nunca desbarata opinionnan. I mirando cu nunca na Aruba nos no a haja e oportunidad di expresa nos pensamentonan etc. na e manera aki, mi ta kere cu sigur e ta un paso dilanti pa un cambio di mentalidad na Aruba. E no ta bai di biaha, pero e ta un proceso largo i ta bai hopi poco poco, unda cu riba e topico aki gobierno ta sinja paga atenshon na e opinionnan etc. cu ta biba den un pueblo.

April 01, 2008

Ariën Rasmijn said:

@presidente: ta ami mes, el mismito! Shonnan masha danki pa e reacshonnan! Semper ta un riesgo ora bo saca bo nek asina pero e buena fe di boso pa laga politica partidario un banda anto wak e hechonan manera nan ta ta bale la pena! Si bo ta berde, geel of - aparentemente - hasta roze (ehm, thanks John, pero no ), e problema aki ta di nos tur. Ami personalmente no ta worry cua partido bisa cu nan lo bai streamline aparato gubernamental i pone balans den nos mercado laboral, BASTA NAN HASIE. @a: e unico cu ta scondi akinan ta abo, den anonimato tras di un letter so. E acto ta esaki: drenta den debate anto purba bin cu un solucion. Duna un señal na esnan den politica cu esaki ta e boluntad di e pueblo. @Claudius: Bai hasi bochincha numa si bo kier. The pen is still mightier than the sword.

April 01, 2008

Bodmod said:

WEl e bro aki sa supuestamente asina hopiiiii......lanta bo mes un partido,anto wak si ''you are the man'' pa run e Pais aki cu jama Aruba. Mi tambe por sinta bisa/skirbi hala di cos...pero ta FACTS/HECHOS TA CONTA. So why not give it ''try''...... P.S...I please bay feita e barba mahos cu bo tin ey,cu segun abo ta masha ''sexy'' bo ta..i tambe baha peso. Danki

April 01, 2008

MI DERECHO said:

Arien, mi no por keda sin duna bo un 10 pa bo artic*lo. Porfin bo ta wak toch cu tin Arubiano ta kita for di e tradicional partidonan y cuminsa pensa un tiki mas Open Minded y wak e realidad manera e ta. Sigi asina Arien, bo ta simplemente tremendo.

April 01, 2008

koshi said:

saludos positivismo y curashi bo mester pa bo sigi dilanti ora bo hanja hende manera e cabajero aki expresa su pensamento na un manera hopi cla i raspa mi ta comparti e idea aki pasobra desde cu betico a bay no ta tin i no lo tin ningun politico pa uni e pueblo di ARUBA manera mester ta lokual tin awor ta Bandidonan Bon Organisa si un dia bo lanta i topa cu un cu por uni pueblo di ARUBA no lubida cu ta pueblo ta pone i ta pueblo ta kita ARIEN sigi asina no laga hende frustra kibra bo ojala ARUBA por tin 5 homber o muher honesto pa dirigi e isla cu jama ARUBA DUSHI TERA

April 02, 2008

antho said:

si arubiano nan kuminsa sinja kiko ta ESFUERSO..lo nos tur por hasi pa nos jega na nos meta

April 02, 2008

Aruba Prome said:

Hey Milton bai Hulando y bin bek cu pensamento moderno of bai Hulanda y bin bek cu pensamento inmoral? Mester cambia e pensamento di bai Hulanda studia. Aruba mester di profesionalnan di berdad. Dus bai studia na Merca of Latinoamerica ta e solucion. Gran parti (pa quizas casi tur) di e politiconan a studia na Hulanda y casi tur tambe ta laga di desea. Wak e tempo di PPA, UNA, PIA, PRO, AVP y MEP. Un Arubiano bon studia ta uno cu no a studia na Hulanda. Praktijk a demostra esei.

April 02, 2008

Aruba Prome said:

Ta hopi fasil pp ora bo ta di leo. Ta akinan bo mester ta ta sufri cu nos. Mi a lesa basta artic*lo di e meneer aki den prensa. E ta pp y scribi hopi pero E NO TA BISA NADA!!!!!!!! Esaki ta e Arubianonan cu Aruba no mester di dje.

April 02, 2008

Aruba Prome said:

Ami ta uno cu a sinta kibra cabez simannan largo pa cu e Kerntakenanalyse. Nos Minister no a keda contento cu nos trabou y resultado. Inclusi e a purba (y ta purbando ainda) pa desvia di dje. Porque sera? O, o. Interes personal? Ami tin e sterk gevoel cu placa a wordo benta afo paso e Kerntakenanalyse no lo wordo ejecuta tal cual. Y awo ta bezig e klant tevredenheid. Otro perdemento di tempo y placa.

April 02, 2008

Booshiisthebest said:

ATE: ban ariba nivel anto. Cada biaha ta wordo bisa cu gobierno a caba tur placa y no tin placa. Pa cuminsa, esaki ta palabranan politico cu ta ser usa den forma robez door di oposicion. Ora Gobierno traha presupuesto e placa ta wordo destina pa cada deparamento, ministerio y tur afiliacionan gubernamental. Ora cu ta papia gubernamentalmente di placa a caba ta papiando di e fondo di presupuesto. Na unda awendia bo ta tende hopi over di a pasa e budget di presupuesto y cu segun un parti e ta strafbaar y otro banda ta bisa cu e no ta strafbaar. Awor e otro parti bo ta bisa den varios di bo artic*lonan cu tin hopi pobresa y etc.. ok ta di unda bo kier pa e hendenan saca e placa pa computer y tur cos cu ta bin cu ne? Kizas automatisacion di aparato gubernamental lo ta hopi bon, pero ki gasto mas lo binaserca. esey ta loke cu mester wordo haci. Kizas abo, ami y hunto cu Arien Rasmijn por wak con esaki por wordo haci.

April 03, 2008

I know sexy said:

Bodmod, Bo nomber so ta indica fuertemente cu bo ta desea of ta qualifica den e AMSA you've got the look ppl. Apparentemente, pa bo informacion, hende muher ta gusta REAL sexy, no e caranan infantiel di muchahomber selfinvolved cu ta bai end up just as their fat daddy anyway. Real sexy por inclui un barba i un bariga rondo. ITS THE BRAINS BABY that matter. Spera pabo cu lo bo por wak mas leuw cu bo spiel, madura un tiki i duna un opinion intelligente manera Arien. Say something SMART enbes di critica initiativa i appariencia, Body Model ?

April 03, 2008

Ariën Rasmijn said:

@Aruba Prome: No ta cuestion unda bo a studia pero CON i kiko b'a hasi DESPUES di bo esudio. Cada lugar tin nan pro i contra, ta loke abo ta hasi einan ta loke ta conta. Awor, djis pasobra un hende ta biba afo kiermeen cu e tin cu tene su boca sera?! Bisa esei numa un biaha mas na e gran cantidad di Arubianonan biba den exterior cu ta bis**ta e site aki i ta duna nan comentario (anto hopi biaha ariba dje bon informa tambe. tin biaha - no tur - ta e bista di afo ta esun cu ta mas cla). Nos tur ta mesun Arubiano, toch? Casi henter mi famia ta biba na Aruba. No bin bisami cu mi no sa di nan sufrimento. Anyway, siendo cu abo tabata encarga cu bin cu un plan pa cu Kerntakenanalyse, mi ta basta benieuwd pa pa sa cu ki plan boso kier a bin.

April 04, 2008

Ariën Rasmijn said:

@Aruba Prome: boso tambe tabatin un plan pa crea trabou hunto cu otro sectornan pa e surplus di ambtenaar? Si mester bai puramente ariba motibonan politico e no ta bal la pena mas pa tuma hende of no kita hende pasobra nan ta bo voto. Wak con nan mesun hendenan a turn ariba nan awor. Mi no por kere cu cualkier partico politico lo kier haña su mes en situashon asina mas, unda cu nan mesun aparato ta atacando nan. @Booshiisthebest: Prome cu bisa cu di unda placa mester bin mester señala i inventarisa e problema, di einan un meta clear mester sali (por ehempel bo kier 50% menos ambtenarij na 2015), anto di einan bo ta hanja bisat ariba costo etc.. Bo por check cu companianan local i den region, bo por check pa subsidie na hulanda i EU (nan tin potchi specifico pa esei). Den mayoria di caso lo ni mester di reinvent the wheel paso e sistemanan i programanan tei caba. Pero prome mester bin cu un resolushon i un PLAN.

April 04, 2008

Ariën Rasmijn said:

Wak, e artic*lo aki ta djis pa pone hende pensa i lanta e discushon, anto kizas mas laat inspira profesionalnan pa pone algun plan den moveshon. Loke Aruba mester ta un tipo di iniciativa civil i no politico. Un think tank unda hende (sea cu estudio of experiencia) por traha hunto ariba un idea anto djis ofrece e plan completo na e gobierno of ehecute nan mes. Tin hala di Arubiano, sea na Aruba of afo, cu por contribui. Anto internet ta un tremendo medio pa hasi esaki. 10 aña pasa e lo no tabata asina posibel manera awor. Ta djis e hendenan i e boluntad mester.

April 04, 2008

Booshiistthebest said:

Arien Rasmijn: Cu tin un pot pa esey, ta conoci. Pero e voorwaardenan cu nan a pone ta hopi caro. Bo mester wak si e ta vale la pena e voorwaardennan. Aki na Aruba( mi no sa con na altura abo ta pa loke ta trata e welga cu tin) pueblo y gobierno a ripara cu por funciona cu menos personal, por funciona cu menos polis y etc.. Aunke loke mi ta bay bisa ta zona hopi muchachikito, pero lastimanete ora bo tin un oposicion di mucha, esakinan ta loke bo ta hanja. Asina gobierno kita un hende, e prome reaccion cu oposicion ta bin cu ne y cu ayudo di nan medionan di comunicacion ta, persecucion politico, sin cu ta bay wak kiko ta e motibo real pakiko un hende a ser kita. Bo wak na Hulanda cuanto ambtenaar ta perde nan trabao, sea pa fraude, verzuim of cualkier otro motibo, bo no ta hanja prensa, tampoco niun partido ta bay haci politikeria cu ne.

April 04, 2008

Booshiistthebest said:

Gobierno no tin miedo di kita nan esnan cu no ta funciona optimal, pero tambe metser corda ariba e LMA. Pa cambia e LMA, niun partido politico ta bay corta nan mes den nan dede cu esaki. Ta e realidad!!!! Pa bay bek na e manifestantenan. Mi no sa si bo ta na altura di loke minister Ter Horst a haci cu e sindicatonan di polis. Ter Horst a bisa nan bon cla, slikken of stikken. Y cua partido politico a bay haci drama cu esaki? Cua partido politico a bay papia di anarkia y dictatura? Cua medionan di comunicacion a bay instiga pueblo Hulandes? Niun!! Na Hulanda Ter Horst no a ni bay corte y sindicatonan tampoco, al final nan mester a tuma loke e minister a propone. Awor si ta na Aruba esaki a pasa? Awor si minister Nilo Swaen a bisa e sindicatonan Slikken of stikken? Bo ta compronde e nivel politico aki na Aruba? Y ainda tin hende ta papia bon di e sistema politico di Hulanda. Kizas e ta bon, pero nos mentalidad no por handle esaki

April 04, 2008

Ariën Rasmijn said:

@Booshiistthebest: con por laga tin cu check e voorwaarden prome, pero hopi di nan ta basa simplemente ariba e premise cu mester para accountable pa cu e placa duna. Ora bo fia, of pio ainda, duna hende placa bo kier sa tambe en detalle kiko nan ta hasi cu e placa ei, of no? Ademas tin mas manera pa haña placa, tambe for di sector priva. Bo por combina fondonan, te hasta cumpra servicionan hunto cu otro islanan den region cu tambe kier update nan burocracia. Den otro palabra, si tin boluntad, tin un caminda. Usa bo imaginashon en bez di bisa di biaha cu cos no por.

April 05, 2008

Ariën Rasmijn said:

Si cambia LMA ta un decision impopular cu lo costa voto, wel, pesei tambe bo ta gobernante. Basta bo bin cu alternativa i un tipo di vangnet hunto cu gremionan pa e surplus di trahador i no halfass e cos, hacie pio manera BBO. Ter Horst a hasi su trabou como gobernante, nada mas. Si no tin mas, no tin mas. Anto si bo no gusta bo ta LAGA. Awor dikon Swaen no a para manera un Minister i bisa 'slikken of stikken'? Por ta pasobra e lo ta 7 aña mucho laat?! Dia gobierno a sinta nan tabatin e oportunidad di oro pa drecha nan departamentonan, pero en bez di esei nan a bula un paar di cabez, pone otro hende na nan lugar anto keda tuma mas hende. Awor ta mucho laat pa hasi paso firme.

April 05, 2008

Ariën Rasmijn said:

Ambos gobierno i oposicion ta hasi drama anto spin e cos aki. pasobra nan tin nan mesun corant i nan tin e oportunidad. Na Hulanda ambos banda den e cuenta di polis lo a hasi MESCOS pero einan nan lo mester deal cu prensa macamba, cu den den tipo di casonan aki no tin miedo pa pone un minister baha of un sindicato di polis perde nan posicion di negocia pa añasnan, pasobra un di nan no a hunga fair. Pues ambos banda mester keda credible na otro i na prensa i publico. Stakesnan ta mucho halto i pesei e wega mester wordo hunga na un manera hopi mas fini. Esaki ta un di e benericionan di un prensa cu ta fungi independientemente como "check & balance" i no como instrumento pa propaganda. Na Aruba nos sa cu cos ta otro, anto pesei caba e negociashonnan entre sindicato cu gobierno no ta bayendo niun caminda.

April 05, 2008

skolo said:

a bira tempo pa hulanda tuma e pais aki over pa caba cu tur bagamunderianan cu ta pasa den gobierno

April 05, 2008

Ariën Rasmijn said:

@skolo: stop di papia coi kens. nos mes por masha bon, ta djis nos mester siña planea i traha drechi anto pone safeguard na lugar pa stop corupshon. weitando con otro pais ta hacie - tambe con nan ta hacie fout - ta yuda, pero pa laga otro hende tuma over ta mescos cu bisa cu nos ta mucho mentalmente retarda pa goberna nos mes. bisa ki bo kier, cu nos ta haragan, corupto i nos no ta pensa long term. esei ta mas tanto pasobra e ta cumbini nos pa ta asina i e oportunidad tey. pero un cos si, kiko cu bo bisa, nos no ta bestia. nos ta partner den reino pasobra e ta cumbini nos, pero nos por cuida pa nos mes. un cos si, nos tin cu cuminsa hacie drechi si pa caba, pasobra manera cos ta bayendo pa e ultimo 20 aña no ta un good look. e ta pone hende bisa cu di berdad nos no ta sirbi.

April 06, 2008

skolo said:

si ta asina sabi bo ta play bin aruba bin cuminsa drecha cos no, stop di chupa na hulanda

April 06, 2008

LA VERDAD said:

PURO BLA BLA BLA NI CON NI KIKO NI NADA NO LO WORDO HASI!MIHO NAN LAGA HULANDA TUMA ARUBA OVER LO TA MAS MIHOR!TANTO CU BETICO A LUCHA,AWO SU MESUN PARTIDO I HNDEDNAN TA CABANDO CU ARUBA! VIVA NEL VIVA!!!!HAHAHHAHAHA SIGI VOTA MEP MENSEN!

April 06, 2008

Presidente said:

Boso por critica Arien rasmijn cuanto cu boso kier. Ami y e por tin diferencia den opinion grandi especialmente pa loke ta trata politica, pero sikiera e ta trece algo dilanti pa por crea un discusion cu lo por hanj atencion. E unico cos cu hopi ta haci ta, solamente critica y trece nada dilanti. E parti di tuma mas hende no ta berdad. Esaki ta loke cu hopi hende di oposicion ta grita tur ora, pero no tin niun hende extra. Esnan cu a bin extra ta den departamento policial, bombero, douane, pasobra nos twt tin un tekort( es cu ainda nos tin) Especialmente cu nos a hanja un crecemento drastico den populacion. Maestroanan tambe tta un cu a crece. Varios di e hendenan cu nan ta bisa cu a bin aserca den departamentonan ta pa motibo di overplaatsing. Bo por puntra oposicion pa menciona bo na unda a bin mas hende aserca den gobierno of bo mes por busc'e y lo bo wak cu ta den e departamentonan menciona.

April 08, 2008

Presidente said:

Imagina bo mes si Nilo a bisa e sindicatonan for di dia uno: slikken of stikken, kiko abo como un opositorio di mi lo kere cu oposicion lo a haci? Wak Arien, e cuenta di indexering ta hopi mas porfundo cu loke ta sali den medionan di comunicacion. Ami a hanja un mail di un miembro di sindicato y ela mustra mi kiko nan ta bisa nan miembronan. Loke nan ta papia no ta berdad. No ta berdad cu Gobierno ta bay haci afslanking. Ta sindicatonan a menciona den e prome onderhandeling cu nan ta dispuesto pa gobierno haci un afslanking den aparato gubernamental. Esey twt loke e sindicatonan a trece dilanti. Awor nan a bira haci cu ta Gobierno kier haci e afslanking. Sindicatonan ta bisa cu gobierno no kier sinta cu nan na mesa, tampoco no ta berdad, Gobierno kier a sinta cu nan na mesa, pero Gobierno twt kier pa nan bin cu algo.

April 08, 2008

Presidente said:

Sindicatonan twt kier e reunion cu gobierno ariba dia 4 di Maart y gobierno ta find out cu sindicatonan no tin nada. Anto pesey Gobierno a verschuif e datum y pidi nan pa bin cu algo ariba papel. E ora sindicatonan a bin ta exigi pa gobierno pa sinta cu nan na mesa dia 4 y pa gobierno bin cu algo. Gobierno ta bisa cu no, nan lo por tin algo pa nan dia 11 di Maart y no prome. Anto asina e datum al final a yega pa dia 7. E Sindicatonan ta bin pa solamete tende e palabra indexering y nada mas. Dus nan no kier of por a negocia nada. Anto despues publikamente nos tur por a tende Magali ta bisa cu Gobierno no kier papia di indexering, es cu tampoco ta berdad, pasobra den e prome carta di gobierno e palabra compensatie y indexering twt scirbi, pero Magali no a parti e carta ey cu su miembronan( dus e prome carta) Y asina por a ripara cu Magali no twt duna e informacion corecto na su miembronan.

April 08, 2008

Presidente said:

Te e ultimo dia di manifestacion prome cu paasvakantie, gobierno a partti e carta cu nan a manda pa Magali pa e manifestantenan cu twt para ey bao y e ora Magali no por a sconde mas y e ora ela haci manera cos cu ela logra pa gobierno menciona indexering. Pero e carta ey ta casi mescos cu esun prome, di dos, di tres. Pero ta asina cla pa wak cu tin hende no ta ripara cosnan pasobra nan no por simplemente wak kiko enrealidad ta pasando pakiko pa casualidad gobierno ta parti un carta na e manifestantenan( algo cu nunca prome a yega di pasa) Diripiente Magali ta cambia, dicon Magali no twt duna su miembronan e cartanan?? Con Magali por lesa un cara dilanti bestuurskantoor na su miembronan( anto no ta ni les'e completo y mesora ta duna su gebaar negativo y no ta laga su miembronan vota p'e? Bpo ta supose di ora bo hanja un carta como sindicato pa bo miembronan tur hanja un copia y vota ariba dje!!! Magali no a haci esaki

April 08, 2008

P. A. JANSEN said:

A.RASMIJN TUR BO CRITERIANAN PA AUA TA BERDAD! BO SA KIKO TA E PROBLEMA? DJIS E MENTALIDAD DI E "LOSERS" CU TIN ACTUALMENTE NA AUA. EXPECT GOBIERNO DRECHA NAN BIENESTAR.KERIENDO DOOR DI DUNA COMENTARIO FOR DI SLA NA SI SA MIHOR! TIN BIAHA ARIEN NO TA BALE PENA CONTESTA CIERTO DI E USUARIONAN AKI ARIBA. NAN NIVEL INTELLECTUAL NO POR CARGA TUR E INFORMACION CU BO TA DUNA NAN. Y MANERA NAN SA BISA "BERDAD TA PICA LENGA" PESEY NAN TA REACIONA EMOCIONAL Y NAN NO POR YUDA. JUST NEGEER E HENDENAN AKI. KEEP IT UP CU BO "FINDINGS"

April 08, 2008

OJO said:

MI TA FELICITA Y SOSTENE E PERIODISTA ARUBIANO AKI BIBA NA HULANDA KU A MUSTRA PROFESIONALISMO, Y TRANSPARENCIA DEN SU ARTICULO PUBLICA DEN WOWO DI PUEBLO. MI TA INVITA E PERIODISTA AKI PA REGRESA ARUBA Y JENA E BURACO CU TIN DEN E MUNDU DI PERIODISMO DI ARUBA. ARTICULONAN RIBA NIVEL, TRANSPARENTE, AL CASO, Y EDUCATIVO TA HASI HOPI FALTA AKI NA ARUBA!!!!! NOS TIN CANTIDAD PERO CALIDAD TA LAGA HOPI DI DESEA. ANJA DEN ANJA AFO NOS TA CULPA E PARTIDO NA MANDO PA NAN GOBERNACION SIN ESCRUPULO Y CONTRA CUALKIER DESAROYO SOSTENIBLE DEN NOS PAIS. PERO MANERA UN FILOSOFO A JEGA DI BISA: "EVERY NATION HAS THE GOVERNMENT AND THE OPOSITION IT DESERVES".

April 08, 2008

OJO said:

COMENTARIO PARTI 2: TA IMPOSIBEL PA NOS CAMBIA RUMBO DI NOS PAIS SIN INFORMA NOS PUEBLO MANERA MESTER TA. PERIODIST NAN TA HUNGA UN ROL IMPORANTE DEN EDUCA Y INCULCA E DURF KU ASINA TANTO DI NOS MESTER PA TUMA E DESICION CORECTO Y TERMINA CU E POLITICA DI BOU DI PALO CU NOS TIN AKI NA ARUBA!!!!! PABIEN ARIEN RASMIJN, BO A MUSTRA CU BO TA UN PERIODISTA DI CALIBER HALTO, PABIEN!!!!!!

April 08, 2008

Ariën Rasmijn said:

@Presidente: Lesando bo relato ta di conclui cu e situacion a degenera di tal modo caba cu di baina lo por yega na un tipo di acuerdo por lo pronto. Mi tin un paar di pregunta pabo, djis pa hanja punto di bista i gobierno - suponiendo cu a bo ta representando gobierno akiriba - pa cu sierto detalle den e storia aki: - Ta berdad cu gobierno i sindicatonan a sera un acuerdo pa laga indexering un banda dia cu gobierno a sinta? Pakiko? - Lagando afo e tekort den cierto departamento (bombero, onderwijs) i si boso of gobierno di AVP a tuma hende pa loco of no, hecho ta keda cu diferente instancianan a indica cu aparato gubernamental ta mucho grandi i mucho placa ta bai na huur, salario, etc.. Bo ta bisa akiriba cu gobierno no ta bai hasi afslanking. Pakiko?

April 09, 2008

Ariën Rasmijn said:

- Mirando cu e ambiente den e negociashonnan ta deteriorando mas ainda, kiko ta e plan long term pa mantene e aparato at least un tiki ariba pia (polis, bombero, air traffic controller), i tambe mantene ordo mirando con e reaccion di pueblo pa cu e welga ta birando mas i mas pisa. A dado momento bo por spera escalashon entre welgistanan i hendenan den publico (sea instiga of no). Cua ta boso plan pa tene nos isla trankil den e situacion aki?

April 09, 2008

Ariën Rasmijn said:

"Imagina bo mes si Nilo a bisa e sindicatonan for di dia uno: slikken of stikken, kiko abo como un opositorio di mi lo kere cu oposicion lo a haci?" - Loke cada partido den oposicion lo hasi, spin e cuenta bai off (na un manera menos obvio lo ta preferibel si, manera nan ta hasie awor no ta hopi efectivo. by the way, ami no ta opositorio (ni necesariamente pro) di niun partido na Aruba). Cu sindicatonan supuestamente ariba dje ta hunga falso i no ta bisa nan miembronan full e storia ta di lamenta pero corda cu politica, i cualkier conflicto pa ta honest cubo, ta un wega di poder i - mas importante ainda - un wega humano. Den otro palabra: bo por expect cu nan ta bai basha ** ariba bo. No keha. Al final e impresion ta keda cu somehow gobierno mes por a preveni henter e drama aki door di anticipa i planea un afslanking for di comienso caba. No solamente pasobra e ta MAKE SENSE, pero pasobra por weita e bululu aki bin foi leu caba.

April 09, 2008

LadyM said:

Arien danki pa tuma e iniciativa pa vocifera nos preocupacionan. Cuanto tempo mas nos por soporta e cosnan aki. Con nos como pagador nan di belasting por accepta cu nos placa ta wordo mal usa asina djies pa cumpli cu promesanan cu a wordo hasi pa e respectivo partidonan politico ( di tur color, mi no a vota nunca na aruba i no tin ningun preferencia). Hopi di nos professionalnan ( ami tambe inclui) no ta kies pa traha den gobierna (unda cu professionalnan por trece cambionan cu lo por affecta nos pueblo direct) door di e criteria cu ta wordo usa pa selectionan y mantene e ambtenaarnan. Berdad cu once in a while bo por topa un cu por tin e educacion cu ta match cu su posicion, pero ban ta sincero con motiva e persona aki lo por ta? Nos (mi mihor bisa ami) tambe ta cansa di waak mi placa di belasting ta bai pagamento di salarion di trahadornan incompentente. Pero masha poco biaha bo ta scucha un persona cu ta bisa please voor uit e kerntaak analyse!

April 09, 2008

LadyM said:

Tur ambtenaar cu no ta califica y cu no ta traha, bai cas! E actitud cu e abtenaar nan tin pa cu nan trabou no ta wordo accepta den ningun compania rond di mundo, pakiko nos como pueblo ta accepte? Come on, ami lo bisa please voer uit e kern taak analyse ASAP.

April 09, 2008

Presidente said:

Pa tur esnan cu ta critica Arien Rasmijn. Pero e sikiera twt tin e guts di bin dilanti y mustra ken e ta. Cuanto di nos lo durf di haci esaki? Mi no ta kinan pa defende, mi ta kere cu e mes por defende su mes. Pero e sikiera a trece algo dilanti. Algo cu por pone nos tur pensa. Mi ta kere cu e lo por trece un cambio grandi den periodismo aki na Aruba. Mi no ta di acuerdo cu tur cos cu e ta bisa. Pero e bo ta ripara cu e no tey pa instiga, ofende of cambia opinion di niun hende. Mi ta spera cu e mantene esaki pa resto di su carera y e no wordo politiek verziekt aki na Aruba pa cierto miembronan di prensa cu nos tin ta cana rond.

April 09, 2008

Ariën Rasmijn said:

@Presidente: thnks, pero bo ta bai responde mi preguntanan ainda?

April 11, 2008

MOM said:

UN COS TA SIGUR CU BOSO TA PAPIA I SCIBI BOSO TA SCUCHA OF LESA PROME BOSO MANDE TA INCREIBLE CON TIN HENDE TA PENSA TA PESEY E LUGA AKI TA ASINA B.V.B PA LAGA HULANDA TUMA ARUBA,PA SIGI VOTA PA NEL,PA OUDERWETSHEID DI NOS HENDENAN,TA KIKO BOSO MAMA NO A SINJA BOSO LOKE TA BON I LOKE TA MALO,AWEL CADA HENDE TIN SU PENSAMENTO STOP DI INSULTA HENDE NOS ARUBIANO NAN POR HOPI PERO NOS MES TA LAGA HOPI DI DESEA ORA BO TA WAK PAFOR DI PORTA DI NOS CAS,ESEY TA E PROBLEMA.

April 11, 2008

Presidente said:

E contesta nr1: eigenlijk prome cu 2001, ya caba e gobierno anterior no a paga indexering, a ser introduci e ATV-dagen. E sindicatonan cu aparentemente no tin un tiki tino, no a pensa pa e momento ey, haci indexering un ley. Si nan ahaci na 2000-2001 esaki un ley, lo awor gobierno lo mester a paga nan. Den esaki bo ta reken af e ATV-dagennan di desde 2001, bo ta trekaf e bashi-premie, bo ta trek af e aumento cu a bin den e bonus ( of ta 13de maand), bo ta trek af e aov/aww, bo ta trek af e loonbelasting, bo ta trek af e AZV premie( tur esakinan naturalmente desde 2001 pa awor) Tempo cu na e manifestacion di BBO, sindicatonan a bay mucha tras di politico anto nan a lubida cu nan por a hinca mesora den e BBO, cu ta haci indexering un ley! Mi pregunta ta e ora: dicon nan no a bay den manifestacion pa indexering e tempo ey caba? Pasobra e twt e momento ideal pa percura pa indexering bira un ley.

April 11, 2008

Presidente said:

E motibo pa no haci afslanking, esaki lo bay sosode den departamentonan na unda mayoria hende a ser tuma, es cu ta polis, douane, bombero. Pero Aruba ja caba ta bao di e cantidad cu un Pais tin mester segun verdragennan internacional. Ora bo bay haci afslanking( sin menciona LMA) bo ta bay hanja un crecemento den werkloosheid, es cu lo bay costa Gobierno mas placa ainda, plus sin menciona e casonan cu lo ser lanta den corte. Mis a cu Mike a yega di menciona cu lo sera un trato cu sectornan priva, pero e otro pari ta cu bo no por obliga un hende pa bay traha un caminda si e no por( of kier) Esaki ta bira dictatura.

April 11, 2008

Presidente said:

Loke cu oposicion kier comenta pero nan no por pasobra nan lo corta mahos den nan dede. ta trata di e contractantnan. Loke cu kabinete Eman a pone na contractant eigenlijk kizas lo ta menos cu kabinete Oduber( pasobra mi ker duna AVP toch un benefit of doubt ariba esaki) Pero nos lo bay compara salarionan( es cu mi tin mas prueba ariba dje) Bo por pone 2 contractant, cu cada un ta gana 10 mil forin, es cu lo ta e ora un totaal di 20 mil florin. Of bo por pone 5 contractant cu cada un un salario apropia di 3 mil florin, es cu lo ta e ora15 mil florin. Ami no ta worry cu e cantidad di hende, ami ta worry cu e cantidad di placa cu nan ta usa pa paganan. Y mi no ta ni menciona e cabayero ruman di un minister cu twt hanja 240 florin pa ora

April 11, 2008

Presidente said:

Pa loke ta trata e huurnan di edificion. Esaki ta algo cu mi ta tende oposicion ta usa hopi y tambe e sostenedornan di oposicion, pero ora bo puntra nan cua edificio ta wordo gehuur, nan no por contesta. Nan ta menciona esun na Tanki flip. Pero ya caba nan a sali for di eyden. Nna ta menciona esun na Vondellan, Ministter Ramon twt huur algun eynan, pero awor e edificio a keda cla y ela move. esunnan cu tey ta eynan semper caba. Dus desde kabinete Eman. Nada nobo. Verder no tin nada nobo. Gobireno a traha edificionan nobo, pa asina stop e huurmento de edificion. Esaki a lo largo ta bay beneficia tur gobiernonan. E ora niun gobierno cu bay bin, no mestter saca placa mas pa huur edificio. Solamente tin departamentonan ( p.e. departamento social, cu bo lo hanja den diferente bario, warda di polis) Dus ta trahando edificionan pa asina departamentonan por bin hunto.

April 11, 2008

Presidente said:

Mi no ta representa gobierno aki riba. Mi ta di mi mes, scuchando tur banda. Mi ta encanta politica. Mi ta busca informacionan y mi no ta bay tras di un hende tanten cu e no por prueba mi kiko ta kiko. Mi no por papia den nomber di gobierno. Pero si mi ta busca pa mi sa. Ami ta kere cu gobierno ta wantando ttur cos rustig door no provoca un otro grupo pa bin manifesta contra e manifestatie. Pasobra den hotel hopi ta disgusta, hopi taxistanan ta rabia. No pa e indexering, pero pa e hecho cu nan ta stroba nan pan di cada dia. Ora cu nan bay manifesta dilanti aeropuerto. Y esaki ta loke ta creando e rabia contra e manifestantenan. Dus no actitut di gobierno, tampoco e indexering, pero e simpel hecho cu nan ta mishi cu nos pan di cada dia. manifesta cuanto cu bo kier, pero no mete cu esnan cu no tin nada di haber

April 11, 2008

realidad said:

Presidente hopi pabien,abo ta mira e realidad,mi ta full di acuerdo,cu locual bo ta scirbo(type),Pasobra pleita cu otro hende pa politiek,ta puro coi loco.ta anos ta keda e kensnan,tur e politiconan ta gana un dineral,shonnan ban juda otro,ban stima nos Aruba,no pleita cu otro,alfin alcabo,nos tur ta arubiano,no perhudica bo Pais,no worry,boso ta bai hanja locual boso kier,pero boso ta kens,boso mester a lucha hopi prome.ta manera President a bisa,esey ta e pur