| Voluntarionan di Valero activo den 2008 |
|
|
|
| Tuesday, 01 April 2008 - 00:00 | ||||||||||
|
Arma cu nan saco di sushi y glove nan a haci e
rifnan limpi. E rifnan ta haya hopi molester di e sushi di e beachnan cu ta
drif for di costa te yega eynan caminda nan ta keda pega. E projecto aki ta uno
cu ta wordo haci tur aña prome cu e bubinan bin pone webo den luna di april. Despues
di a yena un container grandi di sushi,
e voluntarionan a keda cla. Cansa pero satisfecho nan a coi rumbo bek pa
nan cas.
Den
oranan trempan di mainta dia 16 di maart 29 voluntario di Valero a bai duna un
man na e personal di Idefre cu e half marathon cu ta wordo organisa tur aña pa
celebracion di nos Dia di Himno y Bandera. E voluntarionan a traha hunto un
total di 95 ora durante e dia aki. Nan a para na diferente post situa riba e
ruta di e marathon pa parti awa na e participantenan y pa guia nan den e bon
direccion.
Otro
projecto exitoso di e voluntarionan di Valero a tuma lugar dia 27 di maart
caminda un total di 19 voluntario a bai Centro Kibrahacha den oranan di mainta.
Nan presencia a haci posibel cu e voluntarionan di Centro Kibrahacha cu ta
traha incansabel pa nos grandinan por a bai gosa di un dia
relahante
na Mandara Spa. E voluntarionan di Valero tabata consisti di cuatro diferente
grupo. Cada grupo a haci diferente actividadnan na e centro. Un grupo a decora
e sala di e centro, mientras cu un otro grupo a entretene nos grandinan cu un
wega di bingo. E di tres grupo a percura
pa co’i bebe y come pa tur e grandinan. Y e ultimo grupo a bisti nan glove y a
bai haci e cura limpi. E voluntarionan a keda masha satisfecho y contento cu
nan por a yuda nos grandinan y e voluntarionan cu ta traha na Centro
Kibrahacha.
Un
danki special ta bai pa tur e voluntarionan pa nan ayudo y dedicacion na nos
comunidad!
-30-
Valero
Energy Corporation ta un compania cu ta aparece den e lista di Fortune 500 y
tin su sede principal na San Antonio, Texas. E tin mas o menos 21.000 empleado
y un entrada anual di mas cu 90 biyon dollar. E compania ta opera un total di
17 refineria na Merca, Canada y den e region di Caribe. E 17 refinerianan aki
tin un capacidad di procesamento combina di mas o menos 3,1 miyon bari pa dia,
locual ta haci Valero Energy Corporation e refineria di mas grandi na
Norteamerica. Tambe Valero ta un di Merca su operadornan di comercio por menor
di mas grandi cu mas o menos 5.800 tienda y establecimento di benta por mayor
na Merca, Canada y den e region di Caribe bou di varios marca manera Valero,
Diamond Shamrock, Shamrock, Ultramar, and Beacon. Pa mas informacion, bo por
bishita nos website www.valero.com.
|
||||||||||
